سعر صرف الدولار والذهب مقابل الليرة السورية اليوم الاربعاء 26 -02- 2014

[رشاد حج علي]

صباح الخير وكل الشكر للاخ ساحر القلوب ( اسم على مسمى ) اخ المسار شو كانك مو متنور عالسوق ١٥٤ شراء ١٥٥ مبيع بيروت

[المسار]

والله يا ابو الرش متنور ومن كتر ما تنورت انبهرت بالنور

بس هلق لعرفت ؟مالي خبر انو السعر اللي بتبيع وبتشتري انت فيه هوي سعر بيروت

(منيح اللي صحيتني)

على كل حال قد ما بدك دولار عال 154.5 متوفر (بس قلي) وانت بيعن 155

[مرهف83]

السلام عليكم
على بركة الله

[البحر الهائج]

صباح الحير للجميع
وافتتاحية مباركة أخ ساحر

[المسار]

اقتباس: المشاركة الأصلية كتبت بواسطة المسار    صبحكم الله بالخير كل الشكرللأخ ساحرعالأفتتاح بالتوفيق إغلاق بيروت ليوم الثلاثاء 154-153.5 للشراء 154.5-154.75 للمبيع

اقتباس: المشاركة الأصلية كتبت بواسطة رشاد حج علي    صباح الخير وكل الشكر للاخ ساحر القلوب ( اسم على مسمى ) اخ المسار شو كانك مو متنور عالسوق 154 شراء 155 مبيع بيروت

ياخي ما حسنت نام لعلق هالتعليق
مع علم كل الاعضاء باننا اصدقاء انا وياك
ومع فرض اني انا عبكذب وحاطط سعر مو صحيح (والفرق بيني وبينك ربع ليرة)
ضروري انت تنط وعلى اساس انو انت ابو السوق وما بتخفى عليك لا كبيره ولا صغيره
يعني ما كان بصير معك تنزل سعر افتتاح الصبح من صياح الديك و تحط اللي بدك ياه
ومن دون ما تشكك او توجه الشك لحدا


(لاء وانا كل ما حدا حكى عليك بوقفلو سنجق عرض هاد رشاد ديروا بالكن سعرو صحيح وتحليلو مظبوط)
وين الوفا يا رشاد

على كل حال صار فيني نام وبتمنى من جميع الاعضاء المعذرة لانو اللي بكون ناطر كف من عالشمال وبيجيه من اليمين بكون مدوبل متل مو صاير عنا بسوريا ما عمنعرف من وين الكف

وأخيرا
نتمنى الخير لكل الشباب والصبايا بهالمنتدى الموقر
ونستودعكم الله ونستودع عندكم رشاد

خيي رشاد كل بيروت الك حط السعر اللي بدك ياه

[عابر مجيب]

صباح الخير

من ساعتين قلقان وماعاد اجاني نوم

الأفكار عندي في ازدحام ويصعب ترتيبها والتصالح مع حصيلة الاستنتاج .
لسا عم حاول اكتب ، التفتت على التلفزيون ، وكان الخبر أكثر من مضحك ، وقد تبدد كل انزعاجي .
تخيلوا : أحكام بالسجن في مصر ، تجاوزت 945 عام !
في التفاصيل أن الأحكام صدرت عن ثلاث محاكم جنايات ، والمسجونين 221 وقد تم جمع السنوات وأعطونا الرقم الاجمالي . حقيقي شر البلية ما يضحك .
طيب طالما الرقم اجمالي ، مافي مجال يصير تبادل بين المساجين ، يعني اتنين محكومين كل واحد سنتين ، ممكن واحد يشتري حريته من التاني ويطلع ، والتاني ياخد أربع سنين .

خلينا بالدولار أحسن .
الصراع قائم بين المشاركين على الأسعار ، وكأن السعر من اختيار المشارك .
ناس مفكرين إذا عندهم أمنية بهبوط السعر ، بيكونوا بخير وبيعم الرخاء عليهم وعلى البلد .
آخرين مدخرين دولار وبأسعار عالية ، وبيتمنوا يستعيدوا رأس مالهم ، وهم بالحقيقة أصابهم فوات ربح فقط ، وشاعرين بالغبن مقارنة بمن ادخر عند أسعار أقل ، لا أكثر .
أحيانا ممكن يحتاج البعض بيع أو شراء وبتكون يومها أمنيته بما يتناسب مع المطلوب ، وإذا حابب يبيع 100 دولار ، بيفوت وبيقول بدي دولار ودفعت 160 وما لاقيت ، على أمل ان يبيع دولاره بآخر اليوم بزيادة نص ليرة .
أكتر المشاركين ، ما بدهم غير السعر الحقيقي ، وهو أقصى أمانيهم ، لأنهم شايفين سعر مدخراتهم مقيد ، وسعر مشترياتهم منفلت ، طيب بلا السعر الحقيقي ، بنقبل تنزل الأسعار بما يتناسب مع السعر المفروض بالقوة على الدولار ، وبيكفي .

[hash]

اسعد الله صباحكم بكل خير والحمد و الشكر لله على نزول المطر . اغلق سعر الدولار في مدينة اللاذقية بالامس 155.5 -157

[المعلم عمر]

السلام عليكم ورحمة الله وبركاته


أسعد الله صباحكم بالخير جميعاً


افتتاحية موفقة

[المعلم عمر]

سعر الدولار في البنك المركزي ليوم الثلاثاء 2/25


143.8 ل.س

144.67 ل.س

[hash]

بعد الإقبال الكبير من قبل المواطنين على شراء الليرة الذهبية السورية رفعت الجمعية الحرفية للصياغة وصنع المجوهرات والأحجار الكريمة كتاباً تطلب فيه الموافقة من رئاسة مجلس الوزراء على تصنيع الأونصة الذهبية السورية. وجاء في المقترح: إن الأونصة السورية ستحمل على أحد وجهيها صورة للملكة زنوبيا وعلى الوجه الآخر يظهر وزن وعيار الأونصة وتدوّن عليه عبارة صنع في سورية.
على أن يكون عيارها 995 عوضاً عن الأونصات المتداولة في الأسواق ومكتوب عليها عيار 9999 بينما هي في الواقع من عيار 992 وفق ما جاء في كتاب الجمعية بهدف تفادي الخلل والتلاعب الحاصل في فرق العيار وكذلك من أجل الاستمرار في الحفاظ على سمعة الذهب السوري عالمياً. نقلا عن سيريا ستيبس