سعر صرف الدولار والذهب مقابل الليرة السورية اليوم الاثنين 20 -01- 2014

[عابر مجيب]

اقتباس: المشاركة الأصلية كتبت بواسطة abou aammar    شباب أنا سعري مؤكد بنسبة 90% لأنو أنا من طبيعة عملي متابعة أسعار العملات ومحلي كمان بالحريقة جنب محل الحج ع.. (صراف ما في حدا بالشام ما بيعرفوا) ودمتم بخير

أحلى ابو عمار
ضربة المعلم بألف

[انس الحموي]

اقتباس: المشاركة الأصلية كتبت بواسطة sameh    اي شباب السعر تازة واخر ماحرر من الحريقة وياريت الشباب يتاكدو منه 150 للشراء 151 مبيع 152 مبيع كيفكن فيها شبااب

تحية الك اخي سامح ولجهودك بنقل اسعار الشام ...لفت انتباهي لما كان السعر بالموقع 151...153 وضعت مشاركة انو اكتر الشي بالشام المبيع 150 وبغض النظر اذا حماة كانت 152 وقتها ولا لا ..رح احكيلك حتوته صغيره عن هوامير السوق واالاعيبن ...وانا بسوق الساعة 2 ونص كانت الناس متعطشة متفحمة للدولار والطلب على اشده وكان وقتها 151.5 متوفر بصعوبة بالغه ,,,دخل احد الهوامير وقال السوق برد يعني ما عاد في 151.5 قلتله لكن شو السوق قال ب151 في عندي 30 الف اذا بدك التله فورا هنه معك ولا بدك تشوف صاحبن قلي ذكرن قدامي احد الهوامير من دقيقة وانا والله العظيم ما كانوا لازماتني ولا داخل السوق منشان اشتري 30 الف بس صارت الشغلة تحدي ومنشان حجم هل الشخص واعطيه درس قلتله انت مفوض والتفويض يعني روح معك دقيقة وعشرة وساعه ثبتلي 30 الف على 151 حاص حاص واتصل بفلان وفلان واخر الشي طلع صغير كتير ...التله كلمة وحدة عيب عليك هيك تصرفات ما تقول في بكذا وهو مافي بكذا منشان تخوف الناس وبدك السوق يبرد وبالاخر طلعت بالخجلة ...يعني كيف عما تعرض 30 الف وانت ما بتملكها وحتى ما موجودة بالاصل على هل السعر ...قلي السوق متخربط وصار يبرر ...اخيرا كان في حوت بحماة معروف بيشتري بسعر رخيص لانو مرخص وببيع بسعر السوق السودا باقل نص او ليرة يعني حوت بمعنى الكلمة ...التله في 50 الف قلي هاتن عال 151.5 ولما ما عطيته خبر رجع اتصل وقلي شو صار معك باخد كلشي عندك ...لذلك اخي سامح بدك تعرف السعر الحقيقي بدك تكون شايف امامك شراء ومبيع وليس فقط شراء والمبيع دايما اهم من سعر الشراء ولازم يكون لكميات كبيرة وما بيعني اذا حدى فرد على 150 شوية بضاعه بكون هادا سعر المبيع ....احلى سامح


حماة الان شراء 152 ......مبيع 153

[عابر مجيب]

اقتباس: المشاركة الأصلية كتبت بواسطة مرهف83    طرابلس شراء 150 مبيع 152

باب التبانة ؟ ولا ابوسمرة ؟

[جوليت]

اقتباس: المشاركة الأصلية كتبت بواسطة انس الحموي    تحية الك اخي سامح ولجهودك بنقل اسعار الشام ...لفت انتباهي لما كان السعر بالموقع 151...153 وضعت مشاركة انو اكتر الشي بالشام المبيع 150 وبغض النظر اذا حماة كانت 152 وقتها ولا لا ..رح احكيلك حتوته صغيره عن هوامير السوق واالاعيبن ...وانا بسوق الساعة 2 ونص كانت الناس متعطشة متفحمة للدولار والطلب على اشده وكان وقتها 151.5 متوفر بصعوبة بالغه ,,,دخل احد الهوامير وقال السوق برد يعني ما عاد في 151.5 قلتله لكن شو السوق قال ب151 في عندي 30 الف اذا بدك التله فورا هنه معك ولا بدك تشوف صاحبن قلي ذكرن قدامي احد الهوامير من دقيقة وانا والله العظيم ما كانوا لازماتني ولا داخل السوق منشان اشتري 30 الف بس صارت الشغلة تحدي ومنشان حجم هل الشخص واعطيه درس قلتله انت مفوض والتفويض يعني روح معك دقيقة وعشرة وساعه ثبتلي 30 الف على 151 حاص حاص واتصل بفلان وفلان واخر الشي طلع صغير كتير ...التله كلمة وحدة عيب عليك هيك تصرفات ما تقول في بكذا وهو مافي بكذا منشان تخوف الناس وبدك السوق يبرد وبالاخر طلعت بالخجلة ...يعني كيف عما تعرض 30 الف وانت ما بتملكها وحتى ما موجودة بالاصل على هل السعر ...قلي السوق متخربط وصار يبرر ...اخيرا كان في حوت بحماة معروف بيشتري بسعر رخيص لانو مرخص وببيع بسعر السوق السودا باقل نص او ليرة يعني حوت بمعنى الكلمة ...التله في 50 الف قلي هاتن عال 151.5 ولما ما عطيته خبر رجع اتصل وقلي شو صار معك باخد كلشي عندك ...لذلك اخي سامح بدك تعرف السعر الحقيقي بدك تكون شايف امامك شراء ومبيع وليس فقط شراء والمبيع دايما اهم من سعر الشراء ولازم يكون لكميات كبيرة وما بيعني اذا حدى فرد على 150 شوية بضاعه بكون هادا سعر المبيع ....احلى سامح حماة الان شراء 152 ......مبيع 153

مسا الخير سيد انس :
يلي تفضلت فيه اعلاه شبيه بالتقنية الرزمية , هيك اذا شي مصاص دماء حب يتذاكى بتورطو , سيد انس الله العالي بيشهد , مرة ورطت واحد ب300 الف دولار , بس منشان كذبو يمكن هلأ عم يشوف المشاركة دمشق .... البرامكة .... (ح - ر ) سيد انس خليتو يحكي مع خيالو , انا الكذب بكرهو , خسارتو كانت مليون ومي وست وخمسين الف ليرة سورية خلال 9 ساعات , الفترة الزمنية من شهر تقريبا .... طبعا هيك بيتربو مايكذبو

[GoldMan$]

اقتباس: المشاركة الأصلية كتبت بواسطة عابر مجيب    معلوماتك ناقصة أولا ما عاد في عملة جديدة تانيا سعر 50 أعلى من اللازم المفروض 46 ويا دار ما دخلك شر .

تصديقا لكلامك أخي عابر ... بما انني محاسب ودارس شو بيصير بوقت الازمات وطبعا الازمات اللي درسناها ما وصلت لحد الازمة اللي عم نمر فيها .. الله يكون بالعون ... المركزي اجباري بيلجئ لخفض قيمة العملة ليغطي عجز ما او مصروف ما ولتصير بضائع البلد ارخص بالنسبة للخارج ويصير تصدير اكتر مشان يحصلوا عملة اجنبية ... وبعد ما تخلص الازمة وتعود الحركة الاقتصادية الطبيعية للبلد وترجع البنى التحتية ويرجع المركزي يرّجع احتياطاته من العملة الاجنبية وقتها ببلش السعر يتحسن تدريجيا ... لانو المركزي ما الو مصلحة يرجع السعر لل 50 ويدعم الواردات بهالسعر الا اذا كان في مقابله مدخول ممتاز للمركزي من القطع الاجنبي .... والله أعلم ...

[abou aammar]

نصيحة وارن بافت في المخاطرة
لا تختبر عمق النهر بكلا القدمين

[shereen]

عاجل | قناة سكاي نيوز - أ.ف.ب: واشنطن تلقت "إشارات" من النظام السوري تظهر رغبته بإنهاء الحرب

[عبدالقادر]

اقتباس: المشاركة الأصلية كتبت بواسطة shereen    عاجل | قناة سكاي نيوز - أ.ف.ب: واشنطن تلقت "إشارات" من النظام السوري تظهر رغبته بإنهاء الحرب

اخبارك صارت اقوى من جوليت

[hamod.kopani]

اقتباس: المشاركة الأصلية كتبت بواسطة جوليت    مسا الخير سيد انس : يلي تفضلت فيه اعلاه شبيه بالتقنية الرزمية , هيك اذا شي مصاص دماء حب يتذاكى بتورطو , سيد انس الله العالي بيشهد , مرة ورطت واحد ب300 الف دولار , بس منشان كذبو يمكن هلأ عم يشوف المشاركة دمشق .... البرامكة .... (ح - ر ) سيد انس خليتو يحكي مع خيالو , انا الكذب بكرهو , خسارتو كانت مليون ومي وست وخمسين الف ليرة سورية خلال 9 ساعات , الفترة الزمنية من شهر تقريبا .... طبعا هيك بيتربو مايكذبو

اخت جوليت ليكون عم تتعمالي في عملية بيع وشراء

[عبدالقادر]

شو صار باليرة الدهب ولا زتلي قصص وحكايا