سعر صرف الدولار والذهب مقابل الليرة السورية يومي الخميس & الجمعة 16&17 -01- 2014

[جوليت]

صباخ الخير والفل والياسمين
الاستمرار بالنجاح أهم واصعب من النجاح بحد ذاته
----------------------------------------------

[جوليت]

الاهتمام ايضا بسعر المركزي اليوم هام جدا كونه أكثر من يوم نفسو

[ADIB]

اليورو من اغلاق مبارح الى اليوم مبيع 200 شراء 194

[رشاد حج علي]

افتتاح بيروت ١٤٦ شراء ١٤٧ مبيع

[Sameh]

يسعد صباحكم

[عابر مجيب]

اقتباس: المشاركة الأصلية كتبت بواسطة fantastic    نشتري اليوم دولار و لا ننتظر للاحد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

صباح الخير
اللي بيعطيك جواب أكيد ، لا فاضيلك ولا فاضي يفتح المنتدى اصلا .
مع ان سؤالك غير مكتمل
ما الهدف ؟ الادخار ؟ اشتري من هلأ ، وزودها وفرقها كم ليرة ، على الايام بتتصلح .
غير هيك بتكون مضارب حاول تستفيد من توضيحات بروكرنا ابو حازم ( رامي )
علما بأن ما يرد بأي تحليل ، في حالات السلم يكون بدقة 90 % بأفضل أحواله . وفي حالة الأزمات والطوارئ لن يتجاوز 60% بأي حال من الأحوال ، حتى مانقول 50% وهيك معناها مافي توجيه مؤكد، حابب تفضل مو حابب متل مابدك ، يمكن أي ويمكن لأ ، هيك معنى 50 % .
لو قلنا الليرة سترتفع امام الدولار ، وحصل في اليوم التالي حريق أو سرقة في أحد المصارف الهامة ما بدنا نذكر اسم حتى ما نفاول عليه . لا بقا تحليل ولا بقا ارقام .
الغريب بقا سؤال انا محيرني
واحد بيقول بدي بيع أو بدي اشتري ! شو نحنا بسوق مفتوح لنلاقي طلبنا ؟!
طيب انا بسأل بالسوق السوداء واحد بيعطيني سعر ، بقلو بدي 2000 بيقلي ما عندي غير 350 ، شو خليلك ياهون !
طيب لو بايع شي 20000 من فين بدي لمهم ؟
وبعدين شو بربح إذا بدي اترك هامش ربح الصراف ، بعد ما يطلع الدولار 6 ليرات بطلوع الروح بياخد الصراف 5 وبيطلعلي ليرة ، يعني بعد كل هالتعب بيطلعلي 20000 ليرة يعني ربح وقدره 0.66 % ومخاطرة من صحة او خطأ التوقعات، وخوف من دولار مزور وحمل رأسمال 3 ملايين .
وآخر الأفراح يقولولك تفضل معنا ، مو مشكلة الواحد بيروح في احتمال ينكتبلو عمر ويرجع ، بس 3 ملايين رايحين بالمرة ! فشو هالتجرة ؟!

[عابر مجيب]

اقتباس: المشاركة الأصلية كتبت بواسطة -mouhamad    لاقتصادي ـ وكالات: ألقت الجهات المعنية أمس، القبض على 35 شخصا من المتلاعبين بأسعار الصرف في السوق السوداء. وأكد مصدر مسوؤل في "وزارة الداخلية" لم يذكر اسمه، لوكالة الأنباء الرسمية "سانا"، أن الجهات المعنية التابعة للوزارة تواصل ملاحقتها للمتلاعبين بسعر صرف الليرة والعملات الأجنبية في السوق. وكان فرع "الأمن الجنائي بدمشق"، ألقى خلال الشهر الماضي كانون الأول، القبض على الصراف حمدي الخطيب أحد أكبر المتلاعبين بسعر صرف الليرة السورية في السوق السوداء، ومهربي القطع الأجنبي إلى الخارج. وأشار حاكم "مصرف سورية المركزي" أديب ميالة سابقا، إلى أن المصرف لن يسمح للمضاربين بزعزعة استقرار سعر الصرف الذي تمكن "المصرف المركزي" من إرسائه خلال الأشهر الماضية. وسحبت الحكومة خلال العام الماضي، تراخيص 7 شركات صرافة مخالفة للأنظمة والقوانين، وذلك بهدف الحفاظ على استقرار سعر صرف الليرة السورية. ووجه رئيس "مجلس الوزراء" وائل الحلقي مؤخرا، "المصرف المركزي"، بمنع بيع أصول شركات الصرافة المغلقة والملغاة تراخيصها منعا من تهريب أثمانها إلى الخارج.

ممكن حدا يشرحلنا شلون التلاعب
يمكن يكون فيها رزقه و ونتلاعب نحنا كمان
شو بجيب الدولار وبعمل عليه حصة اشغال وبقص الصور وبلزقها عالدفتر ؟
بربط الدولار بخيط وبصير دورو ، ولفو على اصبعي ؟
بطوي الدولار وبعمل فيه مرة مملحة ومرة صاروخ ؟
يعني انا بدي اتلاعب اليوم وبدي بيع الدولار بـ 700 ليرة ، بلاقي شي أجدب يشتري ؟
معقول بالعكس مثلا اشتري بزيادة عن السوق ؟ ليش ؟ مهبول مثلا ؟!
كتير حاولت افهمها ما قدرت ، متل معنى كلمة مسؤول ، عن شو بدو ينسئل ومين بيسألو
ممكن الوحيدة اللي بتسألو مرتو : ليش ما بعتت الشوفير يجيب خبز لماما ؟ ...... الخ .

[ADIB]

الدهب محلي عيار 21 سجل 5300

[ADIB]

الدولار الاميركي الان مبيع 146.5 شراء 145

[hamod.kopani]

عين العرب(كوباني)

شراء147.5____________مبيع148.5