سعر صرف الدولار والذهب مقابل الليرة السورية اليوم الثلاثاء 14 -01- 2014

[hasobman]

اقتباس: المشاركة الأصلية كتبت بواسطة عابر مجيب    بنكون قاعدين وبأمان الله ، والكل متكمكر وعامل استحكامات ومتربص . سعر الدولار بالمتوسط 144 ليرة فجأة وبصرف النظر عن السبب يبدأ الارتفاع ، يتحرك السوق يحصل بيع وشراء فالأصل بالشراء هو وجود بيع ، قياسا على مقولة القذافي أن أهم اسباب الطلاق هو الزواج ! ماعلينا يتم تدخل ، عن طريق الاشاعة فقط والتوغل بالأسواق واعتقال المتداولين ، ويطلق عليهم اسم المتلاعبين . يهوي السعر ويروج للهبوط ، ويضاف عليه : كثرة العرض ! طيب كثرة العرض شو سببها ؟ خايفين ينزل عن السعر اللي كان عليه ؟ مع العلم ان الفرق بين السودة والمركزي حينها 30 قرش ليش كثرة العرض ؟ مو للإمعان في تعميق الكذبة ؟ مين بيصدق هالحكي ؟

كنت عم بتسائل نفس التساؤل من فترة
شو وجهة نظرك للي عم بيصير استاذنا الكريم

[hasobman]

اقتباس: المشاركة الأصلية كتبت بواسطة dollar    السلام عليكم اكيد الكلام مو موجهه لحضرتك شكرا

اي مو هون المشكلة طبع غلب التطبع
يا سيدي مو السكوت من ذهب والذهب غالي فمن وين بدنا نجيب سكوت
لو قالو السكوت من ليرة كان شفتني يوم بلبل ويوم اطرم موهيك

[عابر مجيب]

اقتباس: المشاركة الأصلية كتبت بواسطة hasobman    كنت عم بتسائل نفس التساؤل من فترة شو وجهة نظرك للي عم بيصير استاذنا الكريم

لا يصح إلا الصحيح
والليرة لابد من وصولها لقيمتها الحقيقية
كلما افلتت القبضة القسرية ينفلت السعر باتجاه التصحيح .

تظهر قوة السيطرة والامساك المحكم بزمام الأمور .
ومن خلال ذلك يتم استغلال الموقف لجني الأرباح بطريقتين :
المضاربة المضمونة
المصادرة في المداهمات

[رشاد حج علي]

قولتك بحصة بتسند جرة

[bright blue]

اقتباس: المشاركة الأصلية كتبت بواسطة عابر مجيب    لا يصح إلا الصحيح والليرة لابد من وصولها لقيمتها الحقيقية كلما افلتت القبضة القسرية ينفلت السعر باتجاه التصحيح . تظهر قوة السيطرة والامساك المحكم بزمام الأمور . ومن خلال ذلك يتم استغلال الموقف لجني الأرباح بطريقتين : المضاربة المضمونة المصادرة في المداهمات

الله يسعد مساك أخ عابر
لعيب القمار كل ماخسر كل ماتعلق باللعبة أكثر (الله بيعمي بصره وبصيرته)

[eng.mdkh]

الكهرباء: تكثيف حملات قمع حالات الاستجرار غير المشروع

أعلنت وزارة الكهرباء أمس أنها بدأت تكثيف حملتها لقمع ومعالجة حالات الاستجرار غير المشروع للطاقة الكهربائية والتي انتشرت في بعض الاحياء من قبل بعض ضعاف النفوس الذين يستغلون الظروف الراهنة.


وطلبت الوزارة في اعلانها من مديريات الكهرباء في المحافظات رفد عناصر الضابطة العدلية بعناصر جديدة ومضاعفة اعدادهم لتتم محاسبة المخالفين واتخاذ الاجراءات القانونية بحقهم.

واشارت الوزارة الى المرسوم التشريعي الخاص بالاستجرار غير المشروع الذي ينص على المعاقبة بالحبس مدة لا تزيد على ثلاثة أشهر وبغرامة قدرها 15 بالمئة من قيمة الطاقة الكهربائية المستجرة بشكل غير مشروع وبما لا يقل على 5 آلاف ليرة سورية وتضاعف العقوبة في حال تكرار المخالفة على كل من اقدم على استجرار الطاقة الكهربائية بصورة غير مشروعة او اسهم بذلك.

ولفتت الوزارة إلى أهمية وعي المواطنين بضرورة الحفاظ على مكونات الشبكة الكهربائية مؤكدة أنها تبذل كل الجهود الممكنة لاستمرار وصول التغذية بالتيار الكهربائي دون أي انقطاع في ظل الظروف الصعبة التي يمر بها وطننا عموما وقطاع الكهرباء خصوصا.




( الثلاثاء 2014/01/14 SyriaNow)

[انس الحموي]

اقتباس: المشاركة الأصلية كتبت بواسطة جوليت    ومين الك اني فاضية اطلع عالنت لأعرف شو عم ينكتب (الا يلي بهمني ).... شو في حبابة مافي رفع للكهربا ..... خلي تبين معك

لمعلوماتك جوليت ولمعوماتك شيرين تم رفع الكهرباء التجارية مضاعفة من عدة اشهر وابقوا على المنزلية كما هي وعملوا سعر لوقت الذروة وسعر لفترة الصباح وسعر لفترة المساء واذا بدكن جدول تفصيلي انا جاهز

[mak]

اقتباس: المشاركة الأصلية كتبت بواسطة عابر مجيب    لا يصح إلا الصحيح والليرة لابد من وصولها لقيمتها الحقيقية كلما افلتت القبضة القسرية ينفلت السعر باتجاه التصحيح . تظهر قوة السيطرة والامساك المحكم بزمام الأمور . ومن خلال ذلك يتم استغلال الموقف لجني الأرباح بطريقتين : المضاربة المضمونة المصادرة في المداهمات

على سيرة المصادرة بالمداهمات.....صرت سمعان من اكتر من مصدر انو الشباب اثناء المداهمة معهم جهاز بيكشف وين مخبى الدولار......حدى سمعان عن هيك قصة؟.........تقنيا ما لقيت هالشي منطقي .....بس يللي بيعيش يا ما بيسمع .و بيشوف!!

[رشاد حج علي]

اقتباس: المشاركة الأصلية كتبت بواسطة mak    على سيرة المصادرة بالمداهمات.....صرت سمعان من اكتر من مصدر انو الشباب اثناء المداهمة معهم جهاز بيكشف وين مخبى الدولار......حدى سمعان عن هيك قصة؟.........تقنيا ما لقيت هالشي منطقي .....بس يللي بيعيش يا ما بيسمع .و بيشوف!!

شايف هيك شغلة بس با الافلام اجهزة كشف متفجرات بس دولارات ماشفتا بس عمعلوماتي مابيجو كبسة هيك من فراغ بكون داسين زبون واخدين تفاصيل دقيقة

[رشاد حج علي]

بس الخلاف مو عالدولارات الخلاف على القيمة والاسعار