سعر صرف الدولار والذهب مقابل الليرة السورية اليوم الثلاثاء 14 -01- 2014

[mak]

اقتباس: المشاركة الأصلية كتبت بواسطة جوليت    جبرتيني ياشيرين ... يالهي ماقواكي (ظاهريا ) ------------ خاص سيرياستوكس قرار يتعلق بالكهربا سيصدر قريبا ..... مو رفع قيمة الكهرباء

اهم شي ما يكونو رح يلغوها!!!

[رشاد حج علي]

بظن شغلة الكهربا رح نصير نولدها من مصادر الطاقة البديلة على ما اتوقع هاد جزء من حق الكيماوي اذا ماكان شرط للتخلص منو / الرئيس التركي عم يطلب تغير سياسة بلاده نحو سوريا / نقلا عن قناة الجديد بظن هالخبر رح يكون الو تأثير كبير

[ابو داود]

من كم يوم نزلنا مشاركة انو السوري قليل بالسوق وعرض الدولار كبير اغلب المشاركين بالمنتدى احتج علينا وفي البعض كان في كلامه استهزاء واليوم بعد موجة اﻻرتفاع الكل يتكلم بان العرض كبير شو عدا مابدا شو هالسوق اللي بيوم بيكثر السوري وبيوم بصير شحيح والله انا حاس انو بالاساس لافي طلب وﻻ عرض بس الشباب بالمنتدى مدعومين من اكم هامور بالسوق حبوا يصحوا السوق من النوم اللي استمر مايقارب الشهرين ولامانع من هبشة شويت مرابح وصح النوم لكل الشباب اللي اكلت خسائر نصيحة من ممارس على الارض ليس كل مايقال صحيح بل انظر على السوق على ارض الواقع وليس النت والتلفونات والمجالس

[المسار]

اقتباس: المشاركة الأصلية كتبت بواسطة عابر مجيب    بنكون قاعدين وبأمان الله ، والكل متكمكر وعامل استحكامات ومتربص . سعر الدولار بالمتوسط 144 ليرة فجأة وبصرف النظر عن السبب يبدأ الارتفاع ، يتحرك السوق يحصل بيع وشراء فالأصل بالشراء هو وجود بيع ، قياسا على مقولة القذافي أن أهم اسباب الطلاق هو الزواج ! ماعلينا يتم تدخل ، عن طريق الاشاعة فقط والتوغل بالأسواق واعتقال المتداولين ، ويطلق عليهم اسم المتلاعبين . يهوي السعر ويروج للهبوط ، ويضاف عليه : كثرة العرض ! طيب كثرة العرض شو سببها ؟ خايفين ينزل عن السعر اللي كان عليه ؟ مع العلم ان الفرق بين السودة والمركزي حينها 30 قرش ليش كثرة العرض ؟ مو للإمعان في تعميق الكذبة ؟ مين بيصدق هالحكي ؟

مساء الخير

اذا بتسمحلي اعطيك نظرتي على طريقة؟؟؟؟؟؟؟؟؟؟؟؟؟؟؟؟؟؟؟؟؟؟؟

بنكون قاعدين وبامان الرحمن فجأة يتحرك المركزي

يتم تدخل المتلاعبين ويطلق عليهم اسم المتداولين يتم الارتفاع

(الهدف الاول)

يروج للهبوط مع كثرة خايفين

ينزل السعر

(الهدف الثاني)

والله يجيرنا من الاهداف القادمة

تقبل محبتي

شكرا للجميع

[mak]

اقتباس: المشاركة الأصلية كتبت بواسطة ابو داود    من كم يوم نزلنا مشاركة انو السوري قليل بالسوق وعرض الدولار كبير اغلب المشاركين بالمنتدى احتج علينا وفي البعض كان في كلامه استهزاء واليوم بعد موجة اﻻرتفاع الكل يتكلم بان العرض كبير شو عدا مابدا شو هالسوق اللي بيوم بيكثر السوري وبيوم بصير شحيح والله انا حاس انو بالاساس لافي طلب وﻻ عرض بس الشباب بالمنتدى مدعومين من اكم هامور بالسوق حبوا يصحوا السوق من النوم اللي استمر مايقارب الشهرين ولامانع من هبشة شويت مرابح وصح النوم لكل الشباب اللي اكلت خسائر نصيحة من ممارس على الارض ليس كل مايقال صحيح بل انظر على السوق على ارض الواقع وليس النت والتلفونات والمجالس

هي تقيلة كتير ابو داود....و تخينة كمان......عجبتني شباب المنتدى مع كم هامور بدون يحركو السوق!!!...مشان يلمو مرابح كمان........لو ما هالكم واحد هون و عم يحكو بصدق و ضمير و ينصحو لوجه الله كان ناس كتير فلست من زمان و بيجوز ما كان في داعي لهالعب تبع الحرمية الكبار يللي متحكمين بالسوق اقتصاديا و امنيا كمان

هلأ لو قلت هالحكي وقت كان سعره 159 و انت عالأرض شايف انو غير هيك كان ممكن ما نآخذك كتير.....بس هيك بدنا نآخذك و كتير كمان

[Sameh]

يسعد مساكم بالحب والمودة
عبر الوتساب
-----------------------
من اول شخص من الحريقة
--------------------------
اخي عنا متل ماقلتلك 47 / 49
واكترن طفشو ﻷن مافي بيع يعني سوء فائس هاد الحكي لغاية الساعه 6:30 بعدها انا هربت من السوق
====================================
من الشخص الثاني من الشعلان
------------------------------
معلم السعر عنا سكر 147__148
شو بتخبرنا عن السوق بالحريقة سمعت مسك المسا
=====================================
الشخص الثالث من التل
------------------------
اخي التل سوق ميت للمسا سكرنا على 146_147
=====================================
دمتم البخير وتصبحون على خير

[رشاد حج علي]

شباب شو توقعاتكن لسوق بكرا بكلمة وحدة صعود او هبوط انا برأي سوق بكرا ١٤٤شراء ١٤٦ مبيع ضمن الحدود لسعر المركزي

[dollar]

اقتباس: المشاركة الأصلية كتبت بواسطة hasobman    أنواع الصمت ========= 1 - عندما لاتقتنع بكلام الشخص الذي أمامك خاصة الأكبر سناً ! يكون الصمت "إحترآماً" ............ 2- عندما يتجاهلك عزيز ليلتفت إلى اولويات أخرى ! يكون الصمت "ألماً" 3 - عندما يجرحك شخص وتذهب لتبكي بمفردك ! يكون الصمت "قهراً" 4- عندما تشعر بأن قلبك اصبح ضعيفاً لايحتمل الألم ! يكون الصمت "خنقاً" 5- عندما يتلفظ الذي أمامك بكلمات جارحة ! يكون الصمت "قوة بس المشكلة الصمت صعب احيانا ويتوجب عليك الرد (طبع مو اكتر) مو هيك

السلام عليكم
اكيد الكلام مو موجهه لحضرتك
شكرا

[shereen]

اقتباس: المشاركة الأصلية كتبت بواسطة جوليت    جبرتيني ياشيرين ... يالهي ماقواكي (ظاهريا ) ------------ خاص سيرياستوكس قرار يتعلق بالكهربا سيصدر قريبا ..... مو رفع قيمة الكهرباء

ياستي شركات انتاج كهرباء روسية او شركات توليد كهرباء بطاقة الرياح غيرها

[ابو داود]

ياسيد mak اول ابدينا راينا باول ارتفاع السعر اول شخص كان ضد راينا بالمشاهدات على ارض الواقع ولو على مستوى مدينتي ولم يوخذ بعين اﻻعتبار لراي البعض بان السوق غير مايشاع ملاحظة هامة جدا هل تعلم ان اغلب الصرافين في محافظة درعا على اقل احتمال تعتمد على هذا المنتدى لمتابعة اسعار الدولار بسبب صعوبة اﻻتصالات والطرق بين المحافظات وهذا الشيء ليس انتقاص من المنتدى بل هومديح ونقد حتى نستطيع الوصول الى الحقيقة وليس الترويج للاشاعات