صالة أسعار الدولار والذهب مقابل الليرة السورية ليومي الخميس و الجمعة 12&13 -12-2013

[انس الحموي]

اقتباس: المشاركة الأصلية كتبت بواسطة لقماان    مساء الخير الاخ خيرو كفى ووفى بالشرح اخي طارق بس بحب ضيف انو شراء الأونصة الذهبية بسورية حصرا بسعر النقابة و بالليرة السورية هي وزنها 31.1 غرام عيار 24 تعادل 35.55 غرام عيار 21 وقت الشراء بتضرب بسعر الغرام حسب التسعيرة و بتضبف فوؤون 2000 ليرة اجرة صياغة ووئت بدك تبيع أكيد ما راح ياخدو منك بسعر النقابة بياخدو الغرام أقل بين ال 100 و لحد ال 200 و بتنخصم عليك أجار الصياغة ... يعني عمليا كل متابعتك للبورصة العالمية ما بتفيدك بشراء الذهب الحر بسوريا لأنو الصياغ بالعين البيضة و التأشيرة و المملحة كمانة ...................

مشكور اخي خيرو واخي لقمان ,,,حابب عقب عكلامك اخي لقمان متابعة الاونصة عالميا عما تجيب نتيجة وفرق 30 دولار بالاونصة عما تعمل ربح منيح معنا ...وكلشي بينحسب بالورقة والقلم وبيطلع اخر الشي من كل 30 دولار بارتفاع الاونصة بروح 6 دولار فرق بيع وشراء و4 دولار تحويل من دولار لذهب ومن ذهب لدولار بيصفى صافي الربح 20 دولار عالاقل فلو فرضنا انو اشترينا حجرة (كيلو ذهب) تعادل 33 اونصة تقريبا ضرب 20 دولار فين 660 دولار وهادا مربح كتير حلو بمجرد تحرك الذهب 30 دولار ...بالنسبة لسؤالك اخي طارق افضل الشي انك تشتري حجرة بتعمل كل شهر 1000 دولارعالاقل او اذا ما معك ثمن الحجرة اشتري ذهب رمل عيار 24 ما بتدفع اي ليرة مصاغ ومروغب كتير بهي الايام وعما يحسبوه على1143 عند تحويله لعيار ال21

[نورالهدى]

صباح الخير
تمنياتنا بعطلة هادئة دافئة للجميع

[نورالهدى]

اقتباس: المشاركة الأصلية كتبت بواسطة hasobman    شباب وخصوصا استاذ عابر راس مالي كلو دولار وبحياتي ما بعت واشتريت دولار يعني ماني مضارب مخبيون دولار بس وعندي مشروع تجاري بدو ياخد مني كل راس مالي بس بالسوري التجارة رح تصير فبتنصحوني ادخل عالمشروع التجاري ولا خلي راس مالي معي ليطلع السوق والله محتار يا ريت تفيدونا بالموضوع لانو امر مهم علما انو الدخول بالتجارة رح يتم بعد اول السنة بس من ناحية التخطيط هلا وبعدين التنفيذ

السيد الفاضل :


صباح الخير :
بما أن المرحلة الأولى لمشروعكم هي التخطيط فمن الممكن تنفيذ هذه المرحلة في حال كانت كلفتها مقبولة ،
كما يمكنكم أيضاً التحضير للتنفيذ إذا كانت كلف التحضير مفبولة ،
وعند الوصول إلى مرحلة التنفيذ يمكنكم إعادة حساباتكم وفق الوضع الراهن حينها .
عندها تكونون قد أنجرتم مرحلة هامة من المشروع في حال رغبتم بمتابعة العمل ،
وخسارتكم إذا قررتم التريث في المتابعة أو عدم تنفيذ المشروع لن تتجاوز كلف الدراسة والتحضير .
وبصورة عامة لا ينصح عادة باستثمار كامل رأس المال في مشروع واحد .
وبكل الأحوال ما خاب من استشار واستخار .
ندعوا الله أن يلهمكم ما فيه الخير .
أنور

[المعلم عمر]

السلام عليكم ورحمة الله وبركاته


أسعد الله صباحكم جميعاً بالخير


جمعة مباركة

[shereen]

اقتباس: المشاركة الأصلية كتبت بواسطة عابر مجيب    أحيانا بيكون قلة الشغل شغل عصفور باليد ولا عشرة على الشجرة وواضح ان هنالك من يحاول توريطك من خلال تزيين الموضوع ، فمشروعك ليس من بنات افكارك كما أظن . الجميع متحوطين بالدولار وانت تبحث عن المخاطر في بيئة يقوم الناس فيها بتقليص أعمالهم . ابقي على دولاراتك وستربح بلا أي جهد وفي زمن قياسي ، فالسعر الحالي في الحضيض .

صباح الخير كلام الاستاذ عابر لاغبار عليه ومشان اقنعك اكتر عطيني سعر شغلة بالسوق ارتفعت وعلى سعر الدولار نزلت يعني اول باول غير الموبايلات وبعض الادوات الكهربائية يعني البيت اللي كان وقت الدولار بين 250-300 حقو 8 مليون مبارح اتصل صاحبو وقال اذا ب7,800 بيبيع علما انو سعره الاساسي وقت الدولار ب125 كان حوالي 5,5 فاخي الكريم اي شي بدك تشتغل فيه هللق خسران من سوء الاحوال الجوية لسوء النفوس البشرية لسوء الطرقات لسوء القدرة الشرائية فانطر حتى تهدا الامور ويكون في سعر حقيقي للدولار ولح بتلاقي فرص استثمار كبيرة

[hasobman]

اقتباس: المشاركة الأصلية كتبت بواسطة نورالهدى    السيد الفاضل : صباح الخير : بما أن المرحلة الأولى لمشروعكم هي التخطيط فمن الممكن تنفيذ هذه المرحلة في حال كانت كلفتها مقبولة ، كما يمكنكم أيضاً التحضير للتنفيذ إذا كانت كلف التحضير مفبولة ، وعند الوصول إلى مرحلة التنفيذ يمكنكم إعادة حساباتكم وفق الوضع الراهن حينها . عندها تكونون قد أنجرتم مرحلة هامة من المشروع في حال رغبتم بمتابعة العمل ، وخسارتكم إذا قررتم التريث في المتابعة أو عدم تنفيذ المشروع لن تتجاوز كلف الدراسة والتحضير . وبصورة عامة لا ينصح عادة باستثمار كامل رأس المال في مشروع واحد . وبكل الأحوال ما خاب من استشار واستخار . ندعوا الله أن يلهمكم ما فيه الخير . أنور

نعم اخي الكريم بالوقت الحالي التخطيط للمشروع فقط
وتم تاجيل المشروع شي شهرين تلاتة على راي استاذي الغالي عابر
اما بالنسبة لكامل راس المال لا تفكر انو راس مالي كبير لحتى حط نصو مثلا
اذا حطيتو كلو يا الله اقدر اشتغل فيهم
كلو كم دولار الله وكيلك بس بالنسبة الي مشروع عملاق جدا
وجزاك الله خير اخي نور الهدى
وشكرا مرة تانية

[kloush]

هناك مغالطات كثيرة على لسان بعض الاعضاء
بخصوص الذهب أحدهم ذكر أن شراء الذهب الصافي (الرملة) لا يستوجب أي أجرة و هذا خطأ فكل غرام رملة
يحمل من 30 الى 50 ليرة زيادة عن نفس الكمية من غرام
ال21 الكسر
كما أن الاونصة المحلية ليست ذهب عيار 24 كما يشاع
الخبر من مصدر بدون خبرة لا يعول عليه

[hasobman]

اقتباس: المشاركة الأصلية كتبت بواسطة shereen    صباح الخير كلام الاستاذ عابر لاغبار عليه ومشان اقنعك اكتر عطيني سعر شغلة بالسوق ارتفعت وعلى سعر الدولار نزلت يعني اول باول غير الموبايلات وبعض الادوات الكهربائية يعني البيت اللي كان وقت الدولار بين 250-300 حقو 8 مليون مبارح اتصل صاحبو وقال اذا ب7,800 بيبيع علما انو سعره الاساسي وقت الدولار ب125 كان حوالي 5,5 فاخي الكريم اي شي بدك تشتغل فيه هللق خسران من سوء الاحوال الجوية لسوء النفوس البشرية لسوء الطرقات لسوء القدرة الشرائية فانطر حتى تهدا الامور ويكون في سعر حقيقي للدولار ولح بتلاقي فرص استثمار كبيرة

بما انك جبتي سيرة العقارات
جدي عندو ارض عقارية بس ارض يعني ما فيها بناء نهائيا
قبل الازمة دفعولو 7مليون
ببداية الازمة 12 مليون
اول السنة الحالية 30 مليون
ومن كم يوم اجا واحد وصل لل 44 مليون
وصرلي شهر عم اقنع جدي انو يبيع ما كان يقتنع
مو القصة طمع ولكن قولتو شو بدي بالمصاري هلا خليها هيك احسن
اما بانسبة للمواد فانا اؤيد كلامك لغالبية السلع انو ما نزل سعرها مع نزول الدولار
عدا عن نسبة ضعيفة باسعار المنظفات والمعلبات
بس السوق نازل ولكن ببطء شديد ومن هون لينزل السعر بيكون الدولار رجع طلع ورجعت الاسعار طارت ومنكون ما استفدنا شي من نزلة الدولار غير خراب بيوت العالم
وعلى قولة والدي كل شي بدي ساويه بيقوللي استنى لتهدا الامور وصرلنا على هالحالة شي سنتين
انا شايف انو نحنا خلصنا والازمة ما كانت تخلص
الله يفرج عن العباد
يا صاحب الهم ان الهم منفرج ابشر فان الفارج الله
حسبي الله ونعم الوكيل
والحمد لله على كل حال
لكن صاحب المال تعبان

[لقماان]

اقتباس: المشاركة الأصلية كتبت بواسطة لقماان    مساء الخير الاخ خيرو كفى ووفى بالشرح اخي طارق بس بحب ضيف انو شراء الأونصة الذهبية بسورية حصرا بسعر النقابة و بالليرة السورية هي وزنها 31.1 غرام عيار 24 تعادل 35.55 غرام عيار 21 وقت الشراء بتضرب بسعر الغرام حسب التسعيرة و بتضبف فوؤون 2000 ليرة اجرة صياغة ووئت بدك تبيع أكيد ما راح ياخدو منك بسعر النقابة بياخدو الغرام أقل بين ال 100 و لحد ال 200 و بتنخصم عليك أجار الصياغة ... يعني عمليا كل متابعتك للبورصة العالمية ما بتفيدك بشراء الذهب الحر بسوريا لأنو الصياغ بالعين البيضة و التأشيرة و المملحة كمانة ...................

اقتباس: المشاركة الأصلية كتبت بواسطة kloush    هناك مغالطات كثيرة على لسان بعض الاعضاء بخصوص الذهب أحدهم ذكر أن شراء الذهب الصافي (الرملة) لا يستوجب أي أجرة و هذا خطأ فكل غرام رملة يحمل من 30 الى 50 ليرة زيادة عن نفس الكمية من غرام ال21 الكسر كما أن الاونصة المحلية ليست ذهب عيار 24 كما يشاع الخبر من مصدر بدون خبرة لا يعول عليه

شكرا لك على الاضافة أخ kloush
بموضوع الرملة
أما موضوع أونصة الذهب
فهي بالتأكيد ليسن ذهب 24مئة بالمئة
و نحن هنا نتكلم تجاريا ......
و ليس كيميائيا
و تجاريا داخل سوريا
أن أونصة الذهب عيار 24
تحول
الى 35.55 غرام ذهب عيار 21
عند التحويل الى مقابل مالي
و هذا ما يهم الاخوة المتعاملين بالذهب كتجارة ........

[samsamo]

سلام لكل الأخوة الأعضاء و تمنيات بسلام الروح ودفء القلوب قبل دفء الطقس
بالمناسبة شو قصة هالطريقة بالحكي الواحد عن نفسو بطريقة التفخيم و صيغة الجمع الماشية بالمنتدى بهاليومين ( أما نحن فمن جانبنا نقول عن نفسنا ...............) هههههههههههه