سعر صرف الدولار والذهب مقابل الليرة السورية اليوم الثلاثاء3 - 12- 2013

[جوليت]

اقتباس: المشاركة الأصلية كتبت بواسطة kloush    تحليل الشارت أخي يمثل كل شيئ لأن الشارت هو عبارة عن حركة سعر السهم أو السلعة و السعر هو نتيجة تداولات كل من ذكرتهم أنت من دول و بنوك و أفراد و مضاربين و حتى المقامرين و كل من يخطر على بالك وبالنتيجة كل تعاملات هؤلاء يحدد سعر هذه السلعة في وقت محدد و الاهم من كل شيئ أنه لايستطيع أحد التحكم بمفرده بالسعر حتى و ان كان كبيرا نظريا قد تستطيع جهة التحكم لفترة معينة و لكن في الاسواق العالمية مستحيل و لايوجد توقع مطلق التحقق في التحليل الفني بل هناك شيئ أسمه نسبة تحقق (risk /reward) و حركة الليرة ليست بعيدة عن الدراسة فالمتداولون هنا مثلهم مثل غيرهم و أن اختلفت بعض الظروف أما عن الاختبار فأنا جاهز أعطني السلعة التي تريد ( بونوس : اليورو دولار يرتد غدا ويفرمل الذهب)

تحية لك سيدي الكريم
وشكرا على هذه التحاليل علما انه كان لدي معطيات ( من احد اصدقاء اقربائي ومهتم بالتحليل ) انه غدا او بعد غد القيمة المتوقعة للذهب (1207 ) ولكن تحليك اقرب للتحقق لننتظر غدا

[hasobman]

اقتباس: المشاركة الأصلية كتبت بواسطة عابر مجيب    في ظل ازمة ارتفاع الأسعار وانعدام بعض المواد من السوق وخوفا من تقلبات العملة والدولار والذهب قررت ام عادل تشتري اغراض للمونة على اساس على الأقل بتأمن الأكل وبتحيدو عن المخاطر ما خلت مادة برغل ورز وسمن وما إلى ذلك ..... والبراد تعبا عندها جبنة ولبنة وخلافو وحطت شوي عند الجيران نسيت تخلي محل للبيض فقررت تحطو بلا براد متل البياعين جارتها أم فريد قالتلها يابنت الحلال بيخرب ، ليش هيك مكترة ، قالتلها ابو عادل قبض التعويض وما حبيت خلي معي كاش ام فريد : طيب هيك بيخربوا ام عادل بجئارة : بتراهني ام فريد :اي براهن على شو؟ ام فريد : على الكراتين كلهم ام عادل : قبلت ، بعد شوي اتذكرت انو عندها تحسس ، تراجعت ام فريد : نحنا اتفقنا عيب انت بتحترمي حالك ام عادل : بس انا ما بستفيد ام فريد : ما أصلا حيكونوا خربوا وما رح يتاكلوا معك فرحت الغبية ام عادل وقالتها إي والله شلون فاتتني هاي . بعد شهر نزل سعر البيض أولا ووقت فحصوا البيض لا قوه خربان ربحت ام عادل وأخدت البيض الخربان وهي مبسوطة من ربح الرهان وقت وصل ابو عادل قالتلو شوف شو ربحت ! قال اسمالله عليكي طول عمرك هيك بالنهاية اخدوا البيض كبوه ، ام عادل فرحت بالربح وأم فريد اتخلصت من البيض الفاسد ورجع ابو عادل من الحاوية عم يضحك ، وطلعوا الكل فرحانين ومبسوطين وصاروا مسخرة للجيران .

عندي متل حكايتك بس فرق الخاتمة
صديقي قاعد لا شغلة ولا عملة
ضلو اهلو ينقو عليه يفتح محل بالبيت نفسو لحتى وافق
كان معو قرشين واهلو معهم قرشين
المهم اشترا بضاعة للمحل كلفو شي ميتين الف ليرة
وبعد شي اسبوع بلش السعر ينزل لبعض المواد
فكان يجي الزبون عليه ويقلو ليش هيك سعرك غالي
فيترك المحل ويمشي علما ان الفارق كان بسيط بس حال العالم كلو من بعضو
فضلت نسبة تسعين بالمية عندو من البضاعة
امس وصلت بضاعة جديدة عالسوق وكان السعر منخفض كمان شوي
فقالي رفيقي راسمالي اليوم شي 150000 يعني خسران شي 50000
عدا عن التعب والشغل الي عالفاضي معانو ما عندو حركة خالص
لذلك اقول خسارة رفيقي على حساب مين
يعني منقلو الله يجبر وبس
بس عنجد خسارة رفيقي على حساب مين بتمنى تقولولي وبصراحة
ومين برايكون الي كان سبب خسارتو
علما انو لاهو مبسوط ولا اهلو ولا زباينو الي غالبيتهم اصدقائو
يعني بالمحصلة بيض فاسد وانكب بالزبالة والخسارة عالكل

[عابر مجيب]

اقتباس: المشاركة الأصلية كتبت بواسطة عمار اللامي    صبحكم الله بالحب أخ عابر بيسلموا عليك أخي عامر و أختي عميرة و عازمينك ع نابلسية بمناسبة ورقة اليانصيب اللي ربحتها بنت خالتي عامرية

منيح مانك نسيان وحاطط بمشاركة قبلها انو اللي بدو يجيب النابلسية ( برا ) وبعدين يطلع جابها وأكلناها . بس ما تكونوا متراهنين على نابلسية وما بتحبوها ههههههههههههه
كأني اليوم حطيت بدل الشامبو فلاش .
صرت قاري المشاركة شي عشر مرات وكل مرة بضحك من أول وجديد ، وبعدين اكتشفت خربطة بالأسماء ورجعت وصلحتهم .

[عابر مجيب]

تصبحوا على خير وانخفاض اسعار المواد

[عبدالقادر]

هي بصوت واطي مشان ماحدا ينصرع غدا الطلب من الصياغ عالدولاريعني ارتفاع وطي صوتي كمان بوكرا ارتفاع واذا عم توجعكون عيونكون بصغر حطي وبلا طيارة ونفاسة ليوم لان خطرة

[روميو]

صباح الخير جميعا
افتتاحية مباركة نرجو ان تحمل الخير والبركة للجميع
اعذروني ما عم اقدر شارك كتير بالمنتدى بسبب انشغالي بامور شخصية
تقبلو تحياتي

[البحر الهائج]

اقتباس: المشاركة الأصلية كتبت بواسطة روميو    صباح الخير جميعا افتتاحية مباركة نرجو ان تحمل الخير والبركة للجميع اعذروني ما عم اقدر شارك كتير بالمنتدى بسبب انشغالي بامور شخصية تقبلو تحياتي

صباح النور أخونا روميو
والله يسهل معك حل أمورك الشخصية

[المعلم عمر]

أسعد الله صباحكم بالخير جميعاً

[jamal80]

أصبحنا و أصبح الملك لله
و الحمد لله رب العالمين

صباح الخير للجميع
و الشكر للأخ أبو طارق على الافتتاحية

[pop75]

السلام عليكم و اسعد الله صباحكم بكل حب و تحية طيبة للاخ ابو طارق على الافتتاح