انس الحموي

اخ اديب دايما بلاحظ انك عما تسال نفس السؤال خصوصا لما حدى بحط سعر يوم الجمعة او سعر بالليل او اخر الليل ,,,,اخي اديب التداول ما عاد متل ما مفكر سوق ومدري شو التداول صار واتس وفايبر وموبايل وهاتف وتثبيت لساعه ويوم محدد ...ولاتستغرب شي نهار اذا حطيت لك سعر الساعة 2 ليلا وقلت حماة الان ...بس طبعا هلى ء توقيت شتوي واخر التداولات عما تم للساعه 11 ليلا تقريبا

__________________
ما فائدة القلم اذا لم يضمد جرحا او يطهر قلبا او يكشف زيفا او يبني صرحا

hayyanebrahim

مساء النور اخي

حمادة 82

على فكرة عم ضيعو وقتكم بالجدال

كل يوم في نفس الفلم منحضرو هون

شو القصة يا جماعة ؟

خلونا بالتحليل والمفيد

abo haydara

السلام عليكم :
لكم أشعر بالخجل و أنا أكتب الأن لهذا المستوى الذي وصلت له بعض المشاركات من تهجم و تكذيب و هجوم و هجوم مضاد و تجريح و شتم و إساءات لفظية و أدبية .....منتدي سيريا ستوكس الذي صرفنا على إنجاحه الكثير من الوقت و الجهد والتعب الفكري و الجسدي حتى وصل الى ما وصل إليه أنتم الأن تهدمون ما بنيناه في سنوات و الله هذا معيب بحقنا جميعا من أراد أن يسئ لا ينس انه يسئ للموقع برمته ما دهاكم جميعا"....؟؟؟؟( إذا ما اتفقتو على سعر الصرف هيك بتساوو؟؟؟ لك كيف بدكن تتفقو على وطن يحضن الجميع ؟؟؟؟) أخي أبو حازم صار بدها حل القصة زادت عن حدها

__________________
يا رب احم سوريا واهلها الطيبين

غسان

ابو خلدون صاحب محل كبير وفخم بالحمديه مساحتو شي الفين متر اكبر من محل بكداش ابو ال600 مليون من زمن دولار ابو خمسين وعندو مصروف يومي كبير من كهربا وموظفين واكراميه التموين ومصاريف مستوره وغير مستوره يعني حزرو اديش باليوم مابتصدقو ؟؟ ماشي بلا ارقام احسن ....
المهم زاد المصروف وخف الوارد كتير .....طبعا ابو خلدون عندو القرش اغلى من الضنى
وابو خلدون مابيخسر
فراج جاب اربع زلم وحطون على تم سوق الحمديه عند سراج ابو سراج وقلون لما تشوفوا الزبون المدسم مابتحلوا عنو لحتى يفوت على المحل ولو محمل تحميل ومكوم تكويم وهنه ماكذبوا خبر
حتى في مره جابوا 2 سياح وفرحانين بحالون لانو كسبوا ثواب فيهم بعد مانطقوا الشهادتين واسلموا السياح فوق فوتتن عالمحل
طبعا ابو خلدون مابيخسر ومابيحب يخسر ابدا و بيدبر راسو دائما ونافد على طول الخط

والزلمه حقاني وكان مدلل هالشباب كتير منيح بس مو دائما الحظ بيضل راكب لانو مره واقفين الاربعه بتم العصرونيه واجا هاون .......

طبعا ابو خلدون مابيخسر

رجع جاب اربعه غيرون تاني يوم .......و طلعوا احسن من الطقم الاولاني

بعد فتره اانعزم صاحبنا عالعشا عند ابو شفيق .....والبلاش كتر منو
ومعلوم انو ابو خلدون شو ؟؟. برابووو. .......مابيخسر. .....انت عيني
و مالو اكله كمان المسكين ... سفء لحالو نص كيلو صفيحه وشويه مشاوي وشويه لحمه بعجين و سبع قراص كبه ومقبلات ونفسين اركليه تنباك قبل الطعام وبعد الطعام ..... يعني عبى معدتو وراسو ......

تاني يوم ابو خلدون مانزل على شغلو ........ غريب

كان الغلق مسكر ومحطوط ورقه بيضا مكتوب فيها
: المرحوم ابو خلدون
(اثر نوبه قلبيه )
:يتبع:

حمادة 82

عنجد صار الوضع بدو تحليل

كلامك مطابق اذا على سعرف صرف ماحدا اتفق كيف بدعم يتفقو على وطن أو على أي جنيف يمكن شي مليون جنيف مارح يجمعنا ..

louis_16th

تقارير دولية تؤكد أن حجم الدمار «فاق ما حصل في جميع النزاعات والحروب الأهلية منذ الحرب العالمية الثانية» في منتصف القرن الماضي.
وفي حال توقف الصراع اليوم، فإن «إعادة» البلاد إلى ما كانت عليه في 2011، تتطلب أكثر من 160 بليون دولار أميركي وعشر سنوات من العمل

حمادة 82

اقترح عقد مؤتمر مصالحة بين الأعضاء


وين بتحبو يكون ؟

انس الحموي

اخي العزيز dollar <<<يوم الخميس وضعت مشاركة كتبت فيها المركزي شراء 146ل.س
2013/11/14
شكرا

هل المشاركة خسرت ناس كتير ,,,فمعظم من باع من اصدقائي يوم الاربعاء على سعر ال 157 اتصلوا فيني يوم الخميس وبناءا على مشاركتك ولانك ثقة بالموقع قلت لهم بعد ما قرات مشاركتك انو سعر المركزي ارتفع ست ليرات ,,,وهادا مؤشر على ارتفاع مع انو كان هناك بوادر انخفاض وكان السعر عما يتاهوا بحماة ,,,وبناءا على مشاركتك رجع كلشي باع على 157 عوض بنفس السعر والبعض عوض بسعر اعلى عن نفسي بعد ما بعت بسعر 157 اشتريت يوم الخميس على سعر 157.5 وما عندي مشكلة انا ووضعت السعر الظهر شراء 152 ....مبيع 155 وكان كمان عما يتهاوى ,,,ويبدو البعض من الاصدقاء فكر انو غشيته لما قلت له سعر المركزي ارتفع ست ليرات ,,,فالرجاء اخي العزيز التاكد من اي معلومة قبل تشرها وعن نفسي بتبقى اخ عزيز وغالي

__________________
ما فائدة القلم اذا لم يضمد جرحا او يطهر قلبا او يكشف زيفا او يبني صرحا

البحر الهائج

صح الأخ dollarهيك كتب بس بظن كان بيقصد المصرف التجاري
بس أخطأ وقال المركزي وبالنهاية في ناس بتكون انضرت من هالخبر
بس اكيد ماكان بيقصد وبتمنى من أي عضو بالمنتدى مايكتب معلومة غير دقيقة لأن عم تضر ناس كتير