najm

اقتباس:

المشاركة الأصلية كتبت بواسطة غسان خلص انمسحت ولايهمك...لنا معا ذكريات حلوة من وقت الامتال والتراث وكنت حابب اتعرف عليك شخصيا ....كما تعرف عليك البعض هنا... جاية الايام ...... باذن الله نلتقي

لي الشرف أخي غسان ان شاء الله نلتقي بظروف أفضل .

اقتباس:

المشاركة الأصلية كتبت بواسطة عابر مجيب انا حاولت اعمل شي للمنتدى للأسف كان في مخالفين وكان متوقع منهم بس تكون المخالفة من اللي مفروض فيهم يكونوا أكثر حرص على المنتدى شيء غير مقبول هدول كنت بتوقع يساعدوني الله يهنيكم ويديم عليكم منتداكم ويباركلكم بالعي اللي عم تحاربوه وترجعو على عي اكتر منو . يبدو اني كنت دخيل وبغير مكاني آسف

يسعد مساك أخي عابر هذا ليس منتدانا وحدنا هو منتدى الجميع على أن يعملوا لنفع أخوانهم أو الاستفادة من خبرات غيرهم .
واذا كل واحد مننا بدو يفكر يطلع لأن في ناس ما تفقو معه ما بضل حدا
كمان اذا كل واحد مننا بينعطى صلاحية يحذف الأخر لاختلاف بوجهة نظر أو خلاف مؤقت كمان ما بضل حدا...

أنا فهمت ما ترمي اليه ويزعجك كما يزعجني لكن لا تعتقد بأن الناس بهذه السذاجة وتصدق بسهولة كل شيء يقال .. بس المزعج التكرار و التكرار والتكرار بغاية افراغ المنتدى من مضمونه .

وعذرا مرة أخرى واتمنى ان يعود المنتدى كما تعودنا عليه ..

__________________
لطف حديثك فالنفوس مريضة
ومن الكلام محنن ومجنن

عبدالقادر

اخ عابربدك ترجع عالمنتدى نقلت ايه ونقلت لاء وكلنا طلاب عندك وعنجد لبعدبوكرا ان ماشفت مشاركاتك طالع لعندك فلا تخسر حالك ضيافة

غسان

اقتباس:

المشاركة الأصلية كتبت بواسطة عابر مجيب انا حاولت اعمل شي للمنتدى للأسف كان في مخالفين وكان متوقع منهم بس تكون المخالفة من اللي مفروض فيهم يكونوا أكثر حرص على المنتدى شيء غير مقبول هدول كنت بتوقع يساعدوني الله يهنيكم ويديم عليكم منتداكم ويباركلكم بالعي اللي عم تحاربوه وترجعو على عي اكتر منو . يبدو اني كنت دخيل وبغير مكاني آسف

أخي عابر أنت مصدر وموضع ثقة جميع اعضاء المنتدى
لما أبديت من حرص على افادة الجميع والامل ان تبقى وتتابع ماتقوم به
شكرا لك

hasobman

الجزء التاني
وهيك صارت العملة الورقية هي المسيطر عالعالم الاقتصادي
وصارت البنوك لما بدها تطبع عملة بشوفو شو عندك رصيد ذهب وبيطبعولك اوراق نقدية مقابيلها
والسوق صار متل ما منعرفو هلا
لكن الصين بعد فترة من الزمن اصبح لديها مستودعات من الاوراق النقدية
فحملتها متل ما بقولو بالبواخر واخدتها على امريكا لتبدلها بالذهب
فطلعو بيهم الامريكان وقالولهم نحنا صحيح قلنالكم ايمت ما بدكم بدلو
بس نحنا طبعنا اضعاف مضاعفة عن كمية الذهب الي موجودة
فمن وين بدنا نجيبلكم ذهب لهالمبالغ
الى الجزء الثالث ان شاء الله

hasobman

الجزء الثالث
فمسكو ورقة الاتفاقية وشلخوها قدام الصينيين لحتى كل العالم يتربى مو بس الصين
يعني بالمشرمحي لا تجيبولنا دولارات وتاخدو ذهب لانو ما عنا ذهب يكفي وروحو بلطو البحر
والمصطلح الدارج الى الان سياسة التيسير الكمي او النقدي
والي هيي من الاخر اطبع وزت بالسوق بدون رقيب او حسيب
وهيك العالم كلو اكل كم مدلل واوقع وما حدا سما عليه
وعلى فكرة من الاخر هي القصة انا حطيتها بس عشان حطلكم هالحديث للرسول الكريم
محمد صلى الله عليه وسلم
سياتي على الناس زمان لا ينفع فيه مال الا الدرهم والدينار
يعني الذهب والفضة
اتمنى ان تكون عجبتكم
ساضع لكم بكرة ان شاء الله لماذا تم تحريم الفائدة بس لبكرة هه

خيرو الشامي

سعر الدولار بدمشق امس الخميس كان يدور في فلك 138------155 ولكن السعر الحقيقي الذي حصل فيه تداول بيع وشرا
142حد ادنى-----------------150حد اعلى
واتوقع دوران السعر في الاسبوع القادم بين 145الى155 وعند الاقتراب من 165 تكون شريحة العشرين مليون دولار التي لم تباع اليوم جاهزة لتدخل بسعر تحت 160ومازال اللعب شغال واللياقة عالية وسبب نزول السعر بدمشق هجمة مرتدة من لبنان 135

arnouri

لماذا تم تحريم الفائدة

hasobman
تم نقل المشاركه الى موضوع مستقل

شكرا لك

جوليت

سيد خيرو مابظن لبنان السبب , الرفع بلش من ريف حلب , وبالنسبة للسيد اديب ميالة صرلو زمان مختفي عن التصريحات , ليش طلع وحذر عن انو اي ارتفاع بهلواني سيتم التعامل معه مباشرة , ولما تحدث كان الدولار نازل 125 تقريبا واقل , يعني ليش ليحكي لو مو واصلو معلومات ؟ وليش تم التتدخل ليوم وماتركا للأحد؟ زبعدين ليش اليوم كان التتدخل بصفة شاري وبايع وهي اول مرة ؟ في كتير تساؤلات

zinarez

صباح الخير لكافة الأعضاء..

أعتقد بأن كلمة (السوق متوازن) غير دقيقة من قبل المركزي... أعتقد اعتقاد شخصي بأن ما حصل بالاجتماع هو:
1- عرض شركات لشراء الدولار من المركزي..
2- عرض شركات أخرى لبيع الدولار للمركزي..

المنطق يقول بأن السوق متوازن، هذا يعني بأن لا اجتماع...
لكن عندما يحصل الاجتماع ونتيجة الاجتماع تكون بأن السوق متوازن فأعتقد بأن ما جرى قد سبق وذكرته...

ملاحظة : كل ما ذكرت مجرد اعتقاد شخصي... يرجى الاطلاع

أبو العلاء المعري

أستاذ عابر ......
شو هالحكي هاد..دخيل و ما دخبل و ما بعرف شو......
أنت المعزب بالمنتدى و نحنا كلنا ضيوف عندك.
بعدين اذا بدك تدلل علينا ....بحقلك...و اذا بدك تقيس غلاوتك علينا...فأنت غالي با غالي....
و إذا ما بشوف مشاركاتك اليوم الجمعة رح انشر عنوانك عالموقع و ابعتلك الشباب كلون جاهة....و لحق ضيافة....مالك مصلحة صدقني... و كيلو القهوة بعد هبوط الدولر ما نزل..بعدو 1200 لام سين على قولتك...و الله أنت ماركة مسجلة يعني copyright و ما بتهزك ريح و ما بتتعوض.
يالله بل ريشتك و بلش فيهون.... و الله بهكر المنتدى مشانك.

__________________
هذا جناه علي أبي و ما جنيت على أحد