صالة أسعار الدولار والذهب مقابل الليرة السورية ليوم الأربعاء 6 -11-2013

[Dynamic Pulse]

اقتباس: المشاركة الأصلية كتبت بواسطة عابر مجيب    آخر شي وصلت عند توضيح أخونا غالب ورايح ارتاح شوي بس معلومة مهمة اتصلت بي المحامية اللي كانت رايحة تبيع على 156 قال صارلها 165 وعم تسأل تبيع اليوم ، قلتلها بيعي وأمني الرقم المطلوب ولآخر الشهر بيفرجها الله عند الدفعة الأخيرة على الفراغ . قال بلكي بكرا أحسن ، قلتلها الأاسعار ممكن تتحرك متل الموج وبلكي السعر نزل شوي بكرا ، اقتنعت . ما لازم آخد استشارات ههههههههههه وخصوصا من الاحراج بالمواصلات عم أحكي بالملايين والناس عم تسمع المكالمة وصدقا ما كان في بجيبي غير 75 ليرة ، بس ربحت 15 ليرة لأني اكتشفت بعد ما نزلت اني نسيت حاسب . بس هاد اللي عطاها السعر صراف صديق ابوها وأكيد مو أهبل ، يعني أكيد تدخل المركزي بكرا مارح يكون تحت 170 . نعسان شوي ، ساعة وبرجع . عفوا بس عدلت لضيف ان 40 أو 50 ليرة مو الصعود البهلواني اللي قصدو المركزي ، اكيد كان بيقصد بالبهلواني أكتر من هيك ، حتى ما حدا يتلاعب بغيابي .

حضرتك بتركب مهاجرين باب توما أكيد

[انس الحموي]

نصيحة بحب اكد عليها دايما لايجب المبالغه بنقطة الدخول ....من خرج من نقطة عال 155 او 152 ...نقطه ال 142 او 145 نقطه ممتازة للدخول ...وهلىء رح اعطيكم استراحه مني شي كم يوم ....تمنياتي للجميع بالتوفيق

[جوليت]

اقتباس: المشاركة الأصلية كتبت بواسطة شمس الدين قيس    السلام عليكم ريف حلب الشمالي الان 137 140

تحية لك اخي الكريم :
انا ماقصدي شكك باسعارك ,ولكن عم ينأل اسعار اكتر من هيك يعني بحيطان 145 وممكن كون غلطانة

[najm]

اقتباس: المشاركة الأصلية كتبت بواسطة هزار    يعني فعلا سخافة مالا حدود بتعرف حتى لو كانت جولييت جني أزرق كمان و ما بعرف من أي كوكب جاية بدي دافع بالجكر منيح هيك سيد رياض يعني انت عم تحكي و ترمي الناس بحجارك مو بعيدة تكون انت كمان من الجن بدك ترمي الناس بحجارك حط صورتك عالأقل

أخت هزار معظم المشتركين بالموقع اسمائهم وهمية وبلا صورة هنن حرين لكن الفرق بين الغموض والوضوع شاسع يعني بصراحة بعض المشاركات لا غاية من ورائها الا التشويش و التضليل . حرام هيك في ناس عمتنضر بشقى عمرا ...

[ADIB]

مساء الخير جميعا

[ADIB]

الدهب عماينباع بعد الضهرعل 6500

[dollar]

اقتباس: المشاركة الأصلية كتبت بواسطة النسر    ليش اذا خلاه يعمل كام حركة بهلوانية وبعدها عمل التدخل رح يستفيد ؟ كان السعر 200 لعدة اسابيع وهو عم يبيع بحدود 170 لنزل بعدها السعر مو بشطارته ...بشطارت الاجهزة الامنية يلي ضبت الصرافة الغير نظاميين والنظاميين يلي مو عم يشتغل نظامي.....

مساء الخير
بوافقك على "مو بشطارته " بس بختلف معك بالقسم التاني .....
اللعبة كانت اكبر منو و حاول يلحق يلم قبل مايطير كلشي من ايدو و الدليل" الله اعلم " كان عم يشتري باغلى من السوق
شكرا

[RAFEK]

اقتباس: المشاركة الأصلية كتبت بواسطة adib    الدهب عماينباع بعد الضهرعل 6500

بيكون محسوب على دولار 175

[جوليت]

سيد محمد البيك , لما كان اسعر عم ينزل كل شوي مداخلة , ولما الت انو في ناس بدون الدولار ينزل بس منشان يشترو(مو اتهام لشخصل الكريم ) برخص , حضرتك اعترضت , مبارح واليوم بدون اي مشاركة , ليش,لانو الدولار طلع ؟؟؟
مو حضرتك عم دافع عن قضية مؤمن ومتأكد منها ... 110 --110 -- 80 واخر الشي الت 50 , طيب طلع الدولار , وينك , بس اكيد معذور لانو النت اكيد ليوم فصل تحديدا
لا تزعل مني ,ونفس الشي كتير من يلي كانت مشاركاتون ناغلة نغل وقت الطلوع اليوم , عالاليلة كفو وجيبو الاسعار
يمين بالله , اكبر مشاركة تهويلية ليس لها قيمة على السوق 0,00000000001 % , هي ممكن ضر اشخاص معيننن شافو هالمشاركة مو اكثر بس أكيد مارح يضر الحيتان (يكسر ايديهم انشالله منشان ماعاد يقدرو يمسكو دولار بايدون )

[abd73fr]

اليوم نزلت إلى دمشق وكان عندي شغلة في المحافظة وكنت هناك حوالي الساعة 11:30.... وجدت أن اللوحات الإلكترونية لشركات الصرافة مطفأة... لأن الكهربا مطفية على ما يبدو... مريت بجانب شركة فؤاد فوجدت زحمة ولكني لم أقف وتابعت طريقي إلى المحافظة وأخذت رقم دور وخرجت باعتبار أنه كان أمامي 40 واحد فقط لا غير....
رجعت إلى شركة فؤاد ومن الخارج حاولت أن أعرف سبب الزحمة... ما تجرأت أن أفوت لئلا يصير شي كبسة وأروح فيها بشربة مي.. وخاصة جماعتنا بيقصوا وبعدين بيعدوا... هههههه... فتحت تطبيق سيريا ستوكس على الموبايل وكان الدولار 138-145 على ما أذكر... ولكن على ما يبدو أن الازدحام كان على أول شباك ومكتوب عليه حوالات.. والله أعلم
خرجت من المحافظة ع 12.30 بخفي حنين وحينها سمعت صوت انفجار والعالم كانت تنظر من عند المحافظة باتجاه المرجة وبعدها كل واحد تابع شغله وما عرفنا شو اللي صار... شعب تمسح (فعل مشتق من التمساح) على الآخر... وبعدها علمت أنها قد تكون القذيفة التي سقطت عند الحجاز....

تابعت طريقي إلى سوق الذهب باعتبار أن الراتب تبخر ونحن في 6 الشهر... وأردت بيع ليرة ذهب.. كان السعر 5400 ووجدت أن الصاغة يشترون أيضا ب 5400... خرجت من عند الصائغ وفتحت تطبيق سيريا ستوكس فوجدت أن السعر تغير إلى 151-155 فعلمت أن السوق شد حيله وربما غدا يكون أكثر.. فعدت إلى البيت على أمل ارتفاع السعر ولو 500 ليرة ما بتشكي من شي.. حق 10 أكياس شيبس للأولاد.. ههههه