صالة أسعار الدولار والذهب مقابل الليرة السورية ليوم الأربعاء 6 -11-2013

[نورالهدى]

اقتباس: المشاركة الأصلية كتبت بواسطة dollar    مساء الخير استاذ انور في مجال تكتبلنا اسم الموقع , يمكن المشرفين مابمانعوا بما انو انت ما عم تحط اسم صراف او عنوانه او رقم تلفون , يعني متل وقت حدا بحط خبر من سيرياستيبس او الاقتصادي او b2b . مابعرف شو رأي المشرفين شكرا

اقتباس:
المشاركة الأصلية كتبت بواسطة نور الهدى

مساء الخير :
في أحد المواقع المحدث بالساعة التاسعة بتوقيت الرياض :
سعر الدولار بالنسبة لليرة السورية :
151.87 ليرة سورية = $1
وبالنسبة لاسم الموقع أنا ما بعرف مصداقيته أو إذا مسموح وضعه في المشاركة
وإذا يتسمح الإدارة ممكن وضعه
أو ممكن على الخاص
من يريد اسم الموقع إما يراسلني على الخاص
أو يضع شكراً على المشاركة وأنا بفهم عليه ومباشرة ارسل له اسم الموقع

مساء الخير :
إن شاء الله تعالى تكون سنة خير ويمن وبركة وأمان عليكم وعائلتكم الكريمة
اسم الموقع :
http://ar.rateq.com/

وكل عام وأنتم بخير
نور

ملاحظة : إذا كان وضع اسم الموقع يشكل مخالفة للقوانين فأنا آسف وأفوض السيد المشرف بحذف المشاركة .

[عابر مجيب]

اقتباس: المشاركة الأصلية كتبت بواسطة جوليت    حسب المعلومات الدولارتية التي لدي ان بقيت ثابتة وعالاغلب رح ضل ثابتة انشالله اتوقع غدا سعر الاغلاق اقل من الرقم الذي لم نكن او نجروء على الحلم به في زاوية المنتى مبارح ...... بالهبوط بتحدى اي حدا ماعدا الاستاذ رامي العطار لانه محلل فني وليس اقتصادي يقدر هلأ في ضوء معطيات اسعار المنتدى طوال اليوم السابق ان يضع هكذا توقع خلبي قد اكون مخطئة غدا ,ولكن سأظل مصرة على التوقع دمتم بخير

حقيقي بلغ السيل الزبى
هاد اسلوب ابراهيم طاهر بدون ادنى شك
عيب بقا بيكفي

[shereen]

اقتباس: المشاركة الأصلية كتبت بواسطة omar1964    أصبحت أسعار الدولار من لزوميات المواطن السوري يومياً حتى لو كان لا يملك دولار واحد .. بعد أن كان في الماضي يهم شريحة صغيرة جداً من المستوردين و المصدرين و تجار العملة .. فنشأ منذ فترة في سورية نوع جديد من التجارة ما زالت تستقطب أعدادا جدد كل يوم وجدوا في الدولار الملاذ الآمن للمحافظة على مدخراتهم .. متشجعين من تصريحات بعض كبار المسؤولين .. و أغلبهم ( مثلي ) لا يعرفون أصول المضاربة ..و لا قواعد لعبة تجارة العملات فيتخبطون بين أيدي حيتان كبار .. في ظل قوانين تُجرم تعاطي و تداول الدولار هؤلاء الناس بحاجة للإطمئنان للثقة بشي ما ( دولار - ذهب - ليرة ) يحفظ مدخراتهم .. اتمنى أن يجدوا هذه الاطمئنان .. و أن يستفيدوا من هذا المنتدى و من مشاركات و خبرات أعضائه الكرام .

مساء الخير اخي الكريم عمر انت بتظن بسوريا في شي اسمو قواعد تجارة العملات انت سمعت بحياتك دولة فيها حرب مستعرة بتنزل فيها العملة من 250 الى 125 ومن دون اي سبب مقنع لمجرد واحد طلع قال انو لازم يكون ب100 باخر السنة وقبللو باسبوع رئيس وزراء قال 200 سعر ممتاز يعني نائب ببرلمان دولة بيتوقع لدولة تانية سعر قيمة عملتها وبيطلع كلامو اقوى من كلام رئيس وزراء كل قواعد تجارة الفوركس بتعتمد على ثوابت متل بيانات ثقة المستهلك وارتفاع شهية المخاطرة والخ والمضحك اكتر انو السوق السودا بتشتري اقل من النظامي ب 10 ليرات والبنك الحكومي مو عرفان من وين جاية كل هالدولارات وماصرح ولا تصريح علما انو الدمار اللي صار بالبلد ممكن يخلي الدولار ب 1000 ليرة وبشكل طبيعي بس شايفة اذا بدهم يقصفو المركزي او يحرقوه لح بيضل السعر على ماهو عليه

[dollar]

مساء الخير
يا جماعة في حدا متلي داق خلقو من المشاركات تبع اذا مانزل بيطلع و بجوز يستقر و منشوف و مابعرف شو و الله عيب
وهاد المشارك صار جاييه اكتر من مشاركة مضمونها انه المشاركين متضايقين من مشاركتك بس باسلوب راقي بس الهيئة مافي مجال .
اففففففففففففففففففففففففففففففففففففففففففففففففف فف
منعتذر من الاعضاء خرجنا عن الاطار الاقتصادي

[Ryad]

اقتباس: المشاركة الأصلية كتبت بواسطة جوليت    حسب المعلومات الدولارتية التي لدي ان بقيت ثابتة وعالاغلب رح ضل ثابتة انشالله اتوقع غدا سعر الاغلاق اقل من الرقم الذي لم نكن او نجروء على الحلم به في زاوية المنتى مبارح ...... بالهبوط بتحدى اي حدا ماعدا الاستاذ رامي العطار لانه محلل فني وليس اقتصادي يقدر هلأ في ضوء معطيات اسعار المنتدى طوال اليوم السابق ان يضع هكذا توقع خلبي قد اكون مخطئة غدا ,ولكن سأظل مصرة على التوقع علما اني انا ضد الانخفاض لهذع المستويات الحرجة وسبق وقلت ذلك... ولكن انا انقل حسب الشي يلي بشوفو سواءا انخفاض او ارتفاع وقد اخطأ احيانا واصيب احيانا والكمال لله فقط دمتم بخير

وعد الحر دين يا سيد جولييت
مو عأساس بس صباح الخير مدري مساء الخير
دخيل المعطيات الدولاراتية انا
يا احكيلنا يا رقدينا
هي طريقة التخويف و التهويل بلاها و لا تسأل وين التخويف و التهويل
يمكن هيك انت متعود بخياطة الفساتين و البناطلين بس هون مو متجر بالة

[جوليت]

اقتباس: المشاركة الأصلية كتبت بواسطة عابر مجيب    حقيقي بلغ السيل الزبى هاد اسلوب ابراهيم طاهر بدون ادنى شك عيب بقا بيكفي

بعد اذنك لاتغلط ..... اذا بتريد انت شخص محترم ولا يليق بك هذا الكلام
ويلي حطيتو انا رأي شخصي وتوقع وما غلطت , واذا حضرتك ماعجبتك فيك تقطع مشاركاتي اما اسلوب التجريح مو مقبول ابدا

[لقماان]

مساء الخير للجميع
و الشكر للأخ أبو عمر على الافتتاح
------------------------
قدري جميل على أحد القنوات المغرضة ...
يجاوب بأن سعر الدولار هو 120 و غير ذلك هو سوق سوداء و تأثيرات سياسية ..
جوابوا كان على سؤال خبيث من المذيع :
بأن قال له :
انت طلعت برات سوريا و نزل الدولار ..و العالم صارت تتنفس الصعداء...
---------------------------------
سبحان الله ...هاد قدري جميل على أؤولتنا بحمص
بلوة مصبرة .................

[omar1964]

تعديلات جوليت
على مشاركاتها بتشبه التعديلات على قانون العقوبات السوري
صدر بعام 1949 و مازال يعدل الى الآن ...!!!

[dollar]

اقتباس: المشاركة الأصلية كتبت بواسطة عابر مجيب    حقيقي بلغ السيل الزبى هاد اسلوب ابراهيم طاهر بدون ادنى شك عيب بقا بيكفي

من بعد اذنك استاذ عابر بدي ضيف
مع شوية ديكور و تعديل
شكرا

[Ryad]

اقتباس: المشاركة الأصلية كتبت بواسطة جوليت    بعد اذنك لاتغلط ..... اذا بتريد انت شخص محترم ولا يليق بك هذا الكلام ويلي حطيتو انا رأي شخصي وتوقع وما غلطت , واذا حضرتك ماعجبتك فيك تقطع مشاركاتي اما اسلوب التجريح مو مقبول ابدا

مو عاساس ما بتعرفو لابراهيم طاهر؟؟؟؟
ولا وقت حدا حكا عاحدى شخصياتك الكرتونية حسيت بانزعاج؟
صحي وينا جويزة الكبة التانية و تريسة البستوني التالت؟؟
يعني تلاتتكون تغيبو فرد مرة بيوم عطلة رسمية غريب شوي