صالة أسعار الدولار والذهب مقابل الليرة السورية ليوم الثلاثاء 5-11-2013

[GoldMan$]

اقتباس: المشاركة الأصلية كتبت بواسطة جوليت    طيب , بكرا شوف كل مشاركاتي وحكوم بعدا .... شكرا لك شعاري الجديد : شرف وطن اخلاص .... منيح يعني حسب كلامك الوضوح والصدق معناتا انا العكس تماما ... بس بما انو صار في شعار جديد هيك وصلنا لحل

ليش عم تعذبي حالك وتزعلي حالك ... محلولة حطيلنا شو توقعاتك لبكرا وخلصت .. واللي بدو يقتنع اهلا وسهلا واللي ما بدو كمان اهلا وسهلا ... انت شكلك عصبية ... وبتحبي القتال هههه .... اذا بتنتبهي لمشاركاتي اللي فيها توقع اول كلمتين ببلش فيهم " رأي شخصي " مشان ما ادخل بنقاش مالو نهاية ... بالاخير نحن هون مشان نفيد ونستفيد وتصير الفائدة عامة للجميع ... واللي عندو معلومة يفيد فيها غيرو كتر خيرو ... ما تنسي في زوار كتير بالمنتدى صامتين بس قراء .. ولازم نورجيهم الوجه الحلووو ... تحياااتي للجميع وتصبحو على خير ....

[نورالهدى]

اقتباس: المشاركة الأصلية كتبت بواسطة mak    معلومة تازة هلأ وصلتني......قريبي طلع الصبح على بيروت و نزل المسا......و هو طالع اشترى ب 220 ......و هو نازل باعهون كمان بلبنان ب 240 !!!!.......فتأمل يا رعاك الله

مساء الخير :
السيد الفاضل :
ليس تشكيكاً في مضمون مداخلتكم الكريمة ولكن ما تتضمنه يحتاج فعلاً للتأكيد .
برجاء التكرم والتأكد من قريبكم حول ما ورد في مداخلتكم هل الآسعار فعلاً :
220 -240
وتوقيت الشراء والبيع
ومن ثم نرجو منكم التأكد من طرف آخر بالنسبة للأسعار .
نكرر لكم مرة أخرى أننا لا نشكك في صدقية مشاركتكم .
وتفضلوا بقبول الاحترام والتقدير
نور

[AYMTAL]

اقتباس: المشاركة الأصلية كتبت بواسطة جوليت    طيب , بكرا شوف كل مشاركاتي وحكوم بعدا .... شكرا لك شعاري الجديد : شرف وطن اخلاص .... منيح يعني حسب كلامك الوضوح والصدق معناتا انا العكس تماما ... بس بما انو صار في شعار جديد هيك وصلنا لحل

شعار حلو و انا بتذكر انو علقتو على بدلتي العسكرية بالدورة بس ترتيب الكلمات كان ( وطن شرف اخلاص) و بعدا حطيت النجمة

منيح هيك

اتفقنا

بكرا

بشكرك سلفاً

الحل عجبني

[أبو تيم]

اقتباس: المشاركة الأصلية كتبت بواسطة جوليت    ااتمنى من أحد الاعضاء الكرام اذا بيقدر يجبلنا سعر بيروت الان (أنا مابدي جيبو ) ... بس منشان نتنور

الست الفاضله جوليت دائما" منوره
وأنا بشكرك من كل قلبي على مساندتك للمشتريكين ؟؟
أنا بظن عمرك مو أقل من 54سنه

[hamanheva]

مساء الخير جميعا
ممكن حدا يعطينا السعر بالشام واكون له من الشاكرين

[Amjad_S]

برأيي الشخصي رح يكون هدوء نسبي خلال ال 72 ساعة القادمة

[Dynamic Pulse]

اقتباس: المشاركة الأصلية كتبت بواسطة انس الحموي    ههههههههه جوليت فكرت قال عما ارفع السعر وصارت تاكد انو السوق تحت العشرين .......شوفي المصداقية كيف بتكون خلال دقائق كانت طرطوس وحلب واللاذقيه سعرهم متل سعري ....وكنت بدي علق على اخونا ابو محمد وقله من وقت ما كتب سعر 118...123 اتصلت على الشام بدي اخد بضاعه قال التاجر 145 بس ما حكيتها ولما استفسرت منه اكتر قلي حتى في خبر كبير انو بكرى المركزي يرفع سعر الشراء ومع هيك انا ما بحب ادخل بتفاصيل ما بتهمني المهم علي بمحافظة حماة ....وهلىء حماة الان شراء 126 .......مبيع 130 متوفر بالاتجاهين مع توازن العرض والطلب ...واليوم كان بدايه الدرس حوتين دخلوا عملوا كل هل الارتفاع من 120 لل 140 على مستوى حماة فما بالكم اذا بتدخل بقية الحيتان على نقطة ال100 هي اذا شفناها بالايام الجايه

مساء الخير اخ أنس
اليوم كنت بدي ثبت بضاعة مع تاجر حلبي حاسبها على دولار ال175
ولما أعترضت قللي بكرى بدو يصير ب200
سعر تثبيت البضاعة ليس مقياس
بعدين من كم يوم كان في 10 ليرات فرق بين سعر دمشق وحماة
طبعا كان سعر حماة أقل يومها
بعدين الأسعار عدلت بعضها
اليوم كمان نفس الشي بلش عندكم عالي وعنا واطي وتعانقوا السعرين مساء
على فكرة وقت حطيت سعر 118 للشراء وبعدين 120 هاد أحسن سعر حصلتلو ياه لزبون جزائري كان عندي بدو يدفعلي ثمن بضاعة وكنت مضطر أدفع قيمتها لتاجر الجملة بالسوري وفورا
تحياتي الك وشكرا على نشاطك بخدمة أعضاء المنتدى

[Amjad_S]

اقتباس: المشاركة الأصلية كتبت بواسطة hamanheva    مساء الخير جميعا ممكن حدا يعطينا السعر بالشام واكون له من الشاكرين

للأمانة ذكر أمامي 135 - 138 ولكن لحالة فردية ... ممن أحد المتابعين يزودنا بالأرقام الفعلية للسوق

[eng.mdkh]

اقتباس: المشاركة الأصلية كتبت بواسطة لقماان    مساء الخير للجميع دولار مريحا نتمناه لكم ........ لا تفكر كتير و لا تتحسر كتير ........ هاد نصيبك .....يلي خسر ما خسر لئلة حيلتوا ....... و يلي ربح ما ربح لعبقريتو. مافي نصيحة معينة ....... بهالوئت العصيب .......... تئبل وضعك ..و الله يهني يلي ربح و الله يعوض على يلي خسر ........... و تذكر ما تنصح حدن بهيك مواضيع بهالايام .... ... و دعولنا نئدر نهاجر من هالوطن الغالي ...........!!!!

و الله زعلتني لما قرأت مشاركتك ... لأنو أحياناً بحس أنو المناح عم يسافروا ... و بصراحة أنا كنت ضد فكرة السفر بس هلأ ما بعرف إذا بلحق ركب المغادرين .

[GoldMan$]

اقتباس: المشاركة الأصلية كتبت بواسطة نورالهدى    مساء الخير : إختفى مفتاح الشكر عندي اليوم مساءاً لمرة الثانية . لذا أنا آسف لعدم تمكني من وضع شكراً على مشاركاتكم . هل يتعرض الموقع إلى محاولة تهكير ؟ وهل يحدث معكم ذلك ؟ ملاحظة : تظهر بعض المشاركات الجديدة قبل بعض المشاركات المقروءة . الإدارة الكريمة هل المشكلة من الموقع ؟ وما الحل ؟

الحل بعد ما تضيفي المشاركة ... عملي تحديث للصفحة