المشاركة الأصلية كتبت بواسطة heroaccess

الموضوع شائك جدا وممكن تكتر فيه الأقاويل
كبار رجال الدين المتخصصين بالشريعة لسا ما لحقو يخلصوا قراءة الكتب الصفراء ، وكل كام يوم بيطلعلهم شغلة جديدة ما بيعرفوا فيها ، ولسا في عندهم اشكالات بتمس جوهر العقيدة .
بيجيهم تكنولوجيا وتلفزيون وانترنيت ونظام مالي عالمي وتجارة لا يمكن تتم بدون وسيط لا بيستلم ولا بيسلم ولا عنده مستودعات ، بيراجعوا البيوع في الاسلام ما بيلاقو مرجع ، وكل واحد بيتحاشى سواد الوش وما مستعد يسود وشو ويجيز شي ممكن يجيب وجع راس .
شوية منطوطين حافظين من الحب كلمة وحشتني ، ودارسين وحافظين شوية نصوص ، هدول واحد بيقول اي وواحد بيقول لأ .
الأصل وحسب الموصومين بالسلفية على اساس هم اتباع السلف الصالح وبياخدو بالنصوص وبينسوا ان السلف الصالح ما كانوا ملتزمين فقط وكان عندهم اجنهاد وقياس حسب ما تطلبت ايامهم ، وهؤلاء أي المحسوبين على السلف ويسمون بالسلفيين ، اعتمدوا النقل الحرفي فقط دون العقل . واعتمدوا الحفظ بصم ، وبياخدوا قياساتهم بالمسطرة .
الاكثر تنورا وإن كان فيهم الكثير من الأدعياء والمنافقين ، نعم الأكثر تنورا والذين اعتمدوا العقل وعدم الاكتفاء بمجرد النقل ، توزعوا على مسميات الاسلام الأمريكي أو الاسلام العلماني ، بتلاقي منهم الكثير من البراغماتيين والمتشدقين ويلوون النصوص بلا معرفة لا بأصول الاجتهاد ولا القياس . وبس يصعب شي بيغيروا اسمه ، بدل ما يقولوا فائدة سموها أرباح وما عرفوا يواكبو التطور الحتمي للتعاملات المالية المعاصرة ، بفتوى بتبيض الوش ، وعملونا مسخرة .
ابن قيم الجوزية قال : لكل زمان سنن وأحكام ومع هاد لسا في ناس بتفتي ان الأكل بالشوكة لازم يكون باليد اليمنى عكس كل مخاليق ربنا .
وبالمختصر ، الحلال بيّن والحرام بيّن ، وكل انسان بيفهم ممكن لحالو يفهم ويحلل ويستنتج ، صار في علوم دنيوية تجاوزت الفقه القديم ، وبما ان لا حلول قديمة ولا في حدا قادر يفهم الجديد ، صار فينا نقول كل واحد مسؤول من خلال ضميره وصدق نيته ، ما ممكن ننتظر القصور في الفتوى ونفوت فرص بعد فترة منلاقي انها كانت مباحة طالما لا فيها ضرر ولا ضرار .
إذا بدك الحرفية : تجارة الأسهم حرام وتجارة الذهب حرام وشركات الوساطة حرام والبنوك بشقيها الاسلامي والربوي حرام والمضاربة حرام وإطالة الشارب حرام ولبس البنطلون حرام .
عذرا على الاطالة ِ


مع كامل الاحترام لرأيك كلام غير دقيق على الإطلاق ومبني على معلومات غير صحيحة.
كل حكم او معاملة مستجدة يظهر لها حكم شرعي بعد ان تدرس من المتخصصين ويطلع عليها فقهاء الشريعة الاسلامية ويصدر لها الحكم الشرعي ضمن ما يسمى (مجمع الفقه الاسلامي) في مكة المكرمة .
اما ان تأخذ فتوى من اي شخص يحمل شهادة او يضع طاقية فهذا عائد اليك. كالذي يشتري ويبيع اسهم من دون ان يرجع الى المختصين او المراجع لمعرفة معلومات عن الشركة المتداول بها
.......
وان شاء ا سأرد على جواب الاستاذ osama289 مع الادلة والمراجع في المنتدى الاسلامي

المشاركة الأصلية كتبت بواسطة mouayad

المشاركة الأصلية كتبت بواسطة خيرو الشامي

استاذ عابر الشرائح التي تتكلم عنها هي ذهب خام رملة وللمعلومة تختلف الصناعة من بلد لبلد او من تحليل لتحليل واحسن ذهب هو الذهب السويسري-- واستاذ عابر اذا بدك شرائح بدك تدفع على الغرام دولار يعني الوقية بتكلف 200دولار عند الشراء وعندما تريد بيعها للصياغ بدك تخسرالعمولة 32000ليرة سورية-- بينما الذهب الكسر مو دافع عليه هذه العمولة --بتفرق معك --صح--
اجرة الليرة الذهبية من600ليرة سورية الى 1000ليرة سورية حسب الكمية
اجرة الاونصة الذهبية من2000ليرة سورية الى 4000ليرة سورية حسب الكمية او حسب الصايغ
بمعنى 100ليرة ذهبية على الاقل بيكلفو اجرة60000 عندما تبيعهم للصايغ تخسر اجرتهم
ولكن الليرات والاونصات اجمل واريح للبال وكل شي له تمن