صالة أسعار الدولار والذهب مقابل الليرة السورية ليوم الثلاثاء 29-10-2013

[البحر الهائج]

صباح الخير للجميع
ومشكور عالافتتاحية أخ أبو عمر

[Tomy]

صباح الخير جميعا

يعني هو اكيد في شي مو طبيعي كل شي خضرة غليت

وال$ نزل؟وفي حركة بالسوق الحمدلله بس ما في زيادة رواتب وكل شي عم يغلى ؟؟؟؟

هههه واحلى شي صاحب الشغل بطلب منو زيادة بقول مافي وما عجبك الله معك ؟ شو هالعالم هي ......؟؟


و الله شي بجنن حسبي الله ونعم الوكيل اللهم فرج عنا جميعا وعن بلدنا وارحم امواتنا جميعا انشاءالله بصير ال$

ب500 لنشوف شو حيصير بهالعالم وشكرا لقراءتكم وعذرا للاطالة

[ameer syria]

صباح الخير لكل الطيبين
وشكراً أبو عمر الغالي على الافتتاح
الأخضر اليوم سكر
حلب : مبيع 162 شراء 160
اللاذقية : مبيع 165 شراء 162
من امبارح قاعدين وناطرين لعبة أخر الشهر
كنت مفكرها بطلوع وخاب ظني

[Ryad]

افففف
يلي مو عاجبو سعر الشراء بالسوق السودا يروح يبيعون لشركة صرافة ب١٦٦.٥
واضح انو في فقاعة و كبيرة كمان

لنشوف ازا المركزي رح يتدخل هالاسيوع عسعر تحت ال١٦٥ او لأ

[المعلم عمر]

السلام عليكم ورحمة الله وبركاته

أسعد الله صباحكم جميعاً

افتتاحية موفقة أخي أبو عمر

[عابر مجيب]

صباح الخير
لا اللي قاعد بحالو مرتاح ولا اللي عم يتشاطر ويحاول استشفاف الأخبار استفاد .
اللي مفكر انه عارف شو اللي عم يصير ، جمع أخبار من حقائق واشاعات كان القصد منها التضليل وطلع بتوليفة متناقضة . ومع كتر التفصيلات وتضاربها بتزداد الحيرة وبتكتر الأغلاط .
الطمع بيعمي العيون أحيانا ، وكتار من اللي ضاربوا واتحولوا بين ليرة ودولار وعقار وسيارات طلعوا بالنتيجة خسرانين ، وما حدا ربح غير الصرافين والسماسرة اللي همهم تطبيق البيعة لياخدوا عمولتهم وكان جهدهم منصب على التخويف والتهويل ، وما عندهم مشكلة مين ربح ومين خسر ، هنن أخدوا عمولتهم من راس الكوم .
المركزي لعبها صح ، المركزي لعبها غلط ، اليوم المركزي ترك السعر يرتفع ليبيع ويأمن رواتب ، بظن كل هاد مجرد تخمين ، إيمتى المركزي خفض السعر واشترى ، وايمتى رفع السعر وباع ، وإيمتى ضخ أوراق مطبوعة ، وإيمتى جمعوا الهوامير مدخولاتهم بالليرة السورية وحبوا يحولوها بإتفاق مع أصحاب القرار من شركاءهم أو أصدقاءهم ، كل هاد الناس عم نخمنو تخمين ، واللي ظبطت معو مرة ، فشلت مرات .
في السوق الغامض ما فينا نقول الحركة بركة ، الأفضل نقول الثبات نبات .
اللي متحوط بالعملة الصعبة أو الذهب ، ليش ليخاف ؟ اسوأ الأحوال بيرجع لرأسماله .
أما ارتفاع الأسعار فاللي متحوط كان ممكن ما يتضرر كتير ، هلأ صار متلو متل البقية ، ما بدها كل هالهلع .
اللي عم يخاف ويبيع احتياطاتو عم يضر حالو وعم يخرب على كل الصابرين .
في شي طريقة نركب عقل لواحد خاف وفقد المنطق والعقل ؟!

[$ABOUD]

عابــــــــــــــــــــــر مجيب .... نطقت الجوهرة التي كنت انتظرها واتمنى ان يقولها احدنا في المنتدى وفي كامل سوريا لما يحصل من اشاعات وتخويف ...
(في السوق الغامض ما فينا نقول الحركة بركة ، الأفضل نقول الثبات نبات ).

[shereen]

اقتباس: المشاركة الأصلية كتبت بواسطة عابر مجيب    صباح الخير لا اللي قاعد بحالو مرتاح ولا اللي عم يتشاطر ويحاول استشفاف الأخبار استفاد . اللي مفكر انه عارف شو اللي عم يصير ، جمع أخبار من حقائق واشاعات كان القصد منها التضليل وطلع بتوليفة متناقضة . ومع كتر التفصيلات وتضاربها بتزداد الحيرة وبتكتر الأغلاط . الطمع بيعمي العيون أحيانا ، وكتار من اللي ضاربوا واتحولوا بين ليرة ودولار وعقار وسيارات طلعوا بالنتيجة خسرانين ، وما حدا ربح غير الصرافين والسماسرة اللي همهم تطبيق البيعة لياخدوا عمولتهم وكان جهدهم منصب على التخويف والتهويل ، وما عندهم مشكلة مين ربح ومين خسر ، هنن أخدوا عمولتهم من راس الكوم . المركزي لعبها صح ، المركزي لعبها غلط ، اليوم المركزي ترك السعر يرتفع ليبيع ويأمن رواتب ، بظن كل هاد مجرد تخمين ، إيمتى المركزي خفض السعر واشترى ، وايمتى رفع السعر وباع ، وإيمتى ضخ أوراق مطبوعة ، وإيمتى جمعوا الهوامير مدخولاتهم بالليرة السورية وحبوا يحولوها بإتفاق مع أصحاب القرار من شركاءهم أو أصدقاءهم ، كل هاد الناس عم نخمنو تخمين ، واللي ظبطت معو مرة ، فشلت مرات . في السوق الغامض ما فينا نقول الحركة بركة ، الأفضل نقول الثبات نبات . اللي متحوط بالعملة الصعبة أو الذهب ، ليش ليخاف ؟ اسوأ الأحوال بيرجع لرأسماله . أما ارتفاع الأسعار فاللي متحوط كان ممكن ما يتضرر كتير ، هلأ صار متلو متل البقية ، ما بدها كل هالهلع . اللي عم يخاف ويبيع احتياطاتو عم يضر حالو وعم يخرب على كل الصابرين . في شي طريقة نركب عقل لواحد خاف وفقد المنطق والعقل ؟!

كلام ممتاز اخي عابر بس الناس ضاجت وماعاد تهدا يعني اللي شاري على 250 شو يعمل بحالو عم نضل نحكي انو طولو بالكم بيجي واحد بيقول اي المركزي بطل نزلها من 330 لل 160 يعني النص تقريبا فهوة قادر ينزل لل 100 عاول السنة هداك اليوم عنا زميلنا بالمكتب لح تجيه الجلطة شاري ب 240 شي 30 الف دولار لك ماكان يهدا بعدين قلتلو ركاب سيارتك وروح قريب من صالاات حرستا تبع السيارات فبعد مارجع وشاف الدمار بعينو قللي هادا لازم يكون ب 500 واكتروالبيوت لازم تكون اسعارها بالارضي فقللي احسن شي بيع بيتي ومالح بيع دولاراتي بالرخيص هي لعبة ولح بتنكشف قريبا فشو رايكم

[expert]

اتمنى صباح امان وسعادة
وتحية للاستاذ عابر مجيب
يللي جاب الموضوع على بلاطة
وحط النقط على الحروف بدون فلسفة وبدون تعقيدات
ابسط من هيك وافيد من هيك ما بتلاقي

[pop75]

السلام عليكم و اسعد الله صباحكم بكل حب و تحية طيبة للاخ ابو عمر على الافتتاح