صالة أسعار الدولار والذهب مقابل الليرة السورية ليوم السبت 19-10-2013

[pop75]

السلام عليكم و اسعد الله صباحكم بكل حب و تحية طيبة للاخ ابو عمر على الافتتاح و كل العام و انتم بالف خير و ينعاد عليكم ان شاء الله بالخير و البركات و نهاركم كما تشتهون

[omar1964]

اقتباس: المشاركة الأصلية كتبت بواسطة najm    السلام عليكم ومساء الخير وصباح الخير وكل عام وانتم بخير والشكر للسيد عمر على افتتاح الجلسة أقترح منحه اسم ذهبي لنشاطه وللمعلومات القيمة التي يقدمها بمجال اختصاصه مين معي ؟

صباح الخير
الف شكر استاذ نجم
عم حاول جهدي قدم معلومات مفيدة من الواقع يلي عايشه
كوني ما بفهم بالبورصة او الدولار او الذهب
يقال في التفاصيل تكمن الشياطين أظن ان هذه المقولة غلط بالنسبة لكتير امور
في التفاصيل تكمن الحقائق ..

[basem_smk]

صباح الخير جميعا ....
وانشالله افتتاحية مباركة ..
مع تمنياتي بيوم هاديء وسعيد للجميع

[خيرو الشامي]

السلام عليكم ورحمة الله وبركاته....وكل عام وانتم بخير...الحمد لله الذي خلص العيد وما صار متل مابيطمحو البعض من ضرب ساحات دمشق وضرب المراكز الامنية وبقلو للفهمان يلي نبه المدنيين يلي ساكنين بقرب المراكزالامنية بانو يسكنو بعيد عن هي المراكز بقلو يخرب بيتك اذا كل سكان دمشق بدون يبعدو عن هل المراكز ما بيصفى حدى بالشام


رابع يوم العيد انتهيت من معايدة الاقارب والاصدقاء يلي بقيو بالشام وكتير كنا عم نمزح ونضحك بس قلوبتا من جوا عم تبكي وما حسيت انو حدا سعيد بهذا العيد ولاحظت باتو اغلب الشباب والصبايا وصولا للمراهقين كرهانين بلدهم وحياتهم.. والمهم ونحن راجعين للبيت عند باب توما نزلت قذيفة هاون على بعد10متر مني وبس السيارات يلي قبلي هنن اكلو الضربة مع الناس يلي على الرصيف وصار في قتلى وجرحى بس انا ما صرلي شي لانو انا بسبع رواح ....

وبناءا عليه احزر جميع المسؤولين ويلي مو مسؤولين والجامعة العربية بانو اذا تم الوضع هيك وما نجح جنيف 2 او بلودان 3انا خيرو الشامي لح غادر الشام وارجو من اعضاء سيريا ستوكس عدم التدخل والوساطة نقطى انتهى! ..وموعد سفري سيكون فورا عندما تتخرج بنتي وتاخذ شهادة الطب من الجامعة بعد سنتين ....والسفر سيكون الى طرطوس لانو اشتقنا كتير للبحر
بس كل ما بتذكر الهاون شلون نزل علينا بتذكر يلي قال المصاري زبالة الدنيا
واسعد الله صباحكم

[خيرو الشامي]

اقتباس: المشاركة الأصلية كتبت بواسطة shereen    اختي جولييت بس ارجعي لضميرك الناس اذا بيضل الدولار عم ينزل لح تاكول بعضها

بعض الاخوة راهنوعلى صعود الدولار وراهنو على نزول اسعار البيوت والسيارات لانو التحليل المنطقي بهذه الظروف هيك بقول ولكن تجري الرياح بما لا تشتهي السيدة فحصل المحذور نزلت قيمة راسمالهم ....وما طالو لا بلح اليمن ولا عنب الشام
وغليت البيوت والسيارات ومع ذلك قالو ماشي الحال بس يروح الرسمال بالاكل والشرب والمصاريف
والله ما حذرتو منوب ....وكتير كتير هيك......عنجد بدنا نقدر موقفهم..لازم يترافق نزول الدولار مع نزول الاسعار لذلك اضم صوتي الى صوتكم برفع التغطية عن كل........الخ

[مجد]

ربما يعلن المركزي غدا سعر التدخل.

[أبو حسن]

ريف حلب الشرقي
169-----------171

[ziadhz]

انا برأيي انو تدخلات المركزي عم تعطي مفعولها بوقت الاعلان و بتأثر بالسوق و لما بيجي التدخل الناس بكون مهيأة نفسيا للتدخل و ما بتتأثر فيه و ما بكون في أي مفاجأة
و الزبدة مارح يكون في تأثير للمركزي بالتدخل بعد يومين ابداااا

[مجد]

اقتباس: المشاركة الأصلية كتبت بواسطة خيرو الشامي    بعض الاخوة راهنوعلى صعود الدولار وراهنو على نزول اسعار البيوت والسيارات لانو التحليل المنطقي بهذه الظروف هيك بقول ولكن تجري الرياح بما لا تشتهي السيدة فحصل المحذور نزلت قيمة راسمالهم ....وما طالو لا بلح اليمن ولا عنب الشام وغليت البيوت والسيارات ومع ذلك قالو ماشي الحال بس يروح الرسمال بالاكل والشرب والمصاريف والله ما حذرتو منوب ....وكتير كتير هيك......عنجد بدنا نقدر موقفهم..لازم يترافق نزول الدولار مع نزول الاسعار لذلك اضم صوتي الى صوتكم برفع التغطية عن كل........الخ

للاسف من يستورد البضائع هم معدودين على اصابع اليد الواحدة واقصد

السلع الاساسية من ىسكر ورز وشاي وووووووووووووووووووووووو

لذللك هؤلاء فوق المحاسبة والا كانوا مصيرهم كمصير شركات االصرافة

والصرافة الغير نظاميين .وهؤلاء يتحكموا بالسوق كيفما يريدون ولا رقيب

ولا حسيب .

[ابن الجبل]

صباح الخير للجميع
صباح الوطن الجميل