صالة أسعار الدولار والذهب مقابل الليرة السورية ليوم الخميس 17-10-2013

[المعلم عمر]

تعثر إقرار الميزانية سيكلف واشنطن 24 مليار دولار

17 تشرين الأول , 2013 سانا
أعلنت وكالة التصنيف المالي ستاندرد اند بورز أن تعثر إقرار الميزانية في واشنطن الذي أرغم مئات آلاف الموظفين الأميركيين على البقاء في منازلهم لأكثر من أسبوعين سيكلف الاقتصاد الأميركي 24 مليار دولار.
ونقلت (ا ف ب) عن الوكالة قولها إن الإغلاق الجزئي للخدمات الفيدرالية سيؤدي إلى تراجع نمو صافي الناتج المحلي الأميركي في الفصل الرابع من السنة بمقدار 24 مليار دولار.
وأضافت وكالة الائتمان.. "في أيلول كنا نأمل بنمو سنوي بمعدل 3 بالمئة للفصل الرابع من العام لأننا كنا نعتقد أن السياسيين تعلموا دروسهم منذ العام 2011 لكن توقعاتنا لم تصح ويتوجب علينا ان نخفض تقديراتنا لتقترب من 2 بالمئة".
وكان الشلل أصاب قطاعات واسعة في الولايات المتحدة بسبب الصراع بين الجمهوريين والديمقراطيين في الكونغرس حول الميزانية ورفع سقف الدين.

[jamal80]

صباح الخير للجميع
افتتاحية مباركة بإذن الله أخونا أبو عمر

[Ryad]

اونصة الدهب بدأت بتعويض كل خسارات الشهر الماضي
الاونصة الآن ١٣٠٧.٦$
مع العلم انه من قليل وصلت الى ١٣١٨ بارتفاع اقل ما يوصف بأنه صاروخي

[عابر مجيب]

اقتباس: المشاركة الأصلية كتبت بواسطة shereen    بتعرف اخي عابر انو التاجر بهالظروف انا بعتبره اكتر انسان وطني لانو يمكن ينسرق محلو ويمكن ينحرق ويمكن ينخطف هوة او احد ولادو وبعدين بيشتري على 250 ووقت ينزل لل 200 بدو ينزل غصب عنو ويخسر لانو في واحد نزل بضاعتو على ال 200 والدولة بتحط الحق عليه والمواطن بيحط الحق عليه

التاجر اللي عم تحكي عليه متلو متلنا بيضل زبون عند الدولة .
ممكن تسميه متعيش ، ملطشة أو حمّال الأسية . وفوق هيك محسود وعرضة للخطف .
التجار الحقيقيين طول عمرهم بيوقعوا واقفين ومخاويين بس مو العفاريت ، مخاويين الحرامية والسماسرة .
بس لما ضاق عليهم الخناق وصار بدهم يحطوا ( على اساس الغرم بالغنم ) هربوا وعملوا بيزنس برا ، ويادار ما دخلك شر . وممكن يبعتوا شوية مساعدات للفقراء حفظا لخط الرجعة . طبعا الناس بتنسى ان هدول كانوا أصل المشكلة وكان دورهم كبير بالتشجيع على الفساد والرشوة .

[fareed]

الذهب
1307 دولار
للأونصة

[عابر مجيب]

اقتباس: المشاركة الأصلية كتبت بواسطة osama289    يا عزيزتي الشغلات اللي عمتصير معنا مو بس بتخلي الواحد يحكي مع حالو بتخليه يسوح بالشوارع كمان انا من جهتي صاير عمبحكي مع حالي اكتر ما احكي مع العالم ( معقول كون مريض نفسيا ومالي خبر )

بس لطمنك
إذا حكيت مع حالك ، ولو بصوت عالي ما في مشكلة
إذا حسيت انو في حدا عم تتحاور معو وعم يجاوبك، وما كان في حدا ، بوشك عالطبيب هههههههههههههه .

[shereen]

اقتباس: المشاركة الأصلية كتبت بواسطة عابر مجيب    التاجر اللي عم تحكي عليه متلو متلنا بيضل زبون عند الدولة . ممكن تسميه متعيش ، ملطشة أو حمّال الأسية . وفوق هيك محسود وعرضة للخطف . التجار الحقيقيين طول عمرهم بيوقعوا واقفين ومخاويين بس مو العفاريت ، مخاويين الحرامية والسماسرة . بس لما ضاق عليهم الخناق وصار بدهم يحطوا ( على اساس الغرم بالغنم ) هربوا وعملوا بيزنس برا ، ويادار ما دخلك شر . وممكن يبعتوا شوية مساعدات للفقراء حفظا لخط الرجعة . طبعا الناس بتنسى ان هدول كانوا أصل المشكلة وكان دورهم كبير بالتشجيع على الفساد والرشوة .

تمام اخي بس حتى هدول اللي متلنا كل الجهد حاليا مصبوب عليهم علما انو في كتير شركات هللق عم تصفي بضاعتها وبدهم يسكرو ويهربو واذا طالت الازمة لح بنشوف كساد كبير بكل شي بس اخي عابر تجار السيارات والبيوت الحاليين بشو ممكن تصنفهم مع انو الدولة والشعب مو كتير عم يسبوهم من فترة مثلا وقت كان الدولار بين ال 200 وال 250 انعرضت عليي سيارة لاند روفر موديل 2000 غير عادي 1600 سي سي ماشية 70 الف مكرجة من شي 6 سنين وصاحبها مابيسوقها غير وقت يجي عالشام كان بدو فيها مليون و 400 نهاها ب مليون و300 لانو كان مسافر بعد يومين وكان ناقصها بس صيانة دورية واذا بتنبخ وبتللمع بتطلع كانو جديدة انا بصراحة ماحبيتها لانو 1600 سي سي يعني بهيك سيارة بتجي كتير ضعيفة بس بتفاجىء اليوم احد تجار السوق مشتريها وملمعها وعارضها بمليونين ونص فشو تصنيفك لهدول التجار وشو تصنيفك للناس اللي عم تشتري بهالوقت

[علاء 2]

ظهر الخير للجميع وكل عام وانتوا بخير شو اخبار الدولار في حماه

[انس الحموي]

حماة الان شراء 173 ,,,,, مبيع 176 متوفر بالاتجاهين

[أحمد الأحمد]

اقتباس: المشاركة الأصلية كتبت بواسطة جوليت    اخي الفاضل نور تحية لك : انا بجوز لاافهم كثيرا بالتحليلات والدراسات المالية انا افهم مايدخل للبلد من دولارات تأكد سيد نور والله على ما اقول شهيد : المركزي عم يطلب مليار دولار عم يجيه اربعة ( دائما اربعة اضعاف ) ونقطة من اول السطر ...بالنسبة لموضوع الاعمار مابعتقد انو ضرائب من الشعب قادرة تعمر يلي اتخرب لانو يلي اتخرب يفوق قدرتنا على اعادة تعميره ( ابنية . كهرباء . منشأت . محطات كهربا ...........................) ومابظن انو ناطرين قرض من البنك الدولي ... بالنسبة للمتحكم بالكتلة المالية بالبلاد ... من ستة اشهر ونصف لا استطيع الجزم بما سأقوله اما الان فاكيد اصبح المركزي هو المتحكم بهذه الكتلة بنسبة تفوق 70 بالمية وهي نسبة تعتبر مقبولة نوعا ما ( الكتلة المالية قصدت بها السوري اكيد لانها اهم من الدولار بكثير في تحديد سعر الصرف )

تعليق بسيط
أولا حسب المكتوب انو المركزي عم يطلب يعني مامعو .
ثانيا برأيك المليارات التي بتجيه هية قرضة حسنة لوجه الله .
ثالثا شو بتفيد الكتلة المالية اذا الثقة فيها ضعيفة ( اللي حصل بلبنان تجربة متقدمة لنا ) .