صالة أسعار الدولار والذهب مقابل الليرة السورية ليوم الثلاثاء 15-10-2013

[S.O.S]

كل عام وانتم و سوريا بألف خير
وانشاء الله اﻷيام الجاية تكون كلها فرح وسعادة للجميع

[انس الحموي]

اقتباس: المشاركة الأصلية كتبت بواسطة مجد    شكرا جزيلا على هذه الملاحظة من الافضل شراء الدولار من احد الصرافين المعروفين . وبكل الاحوال للامان اكثر شراء المبلغ من ثلاث صرافين للذين لايملكون خبرة كافية لفحص الدولار .انا بصراحة عندما اشتري من عدة صرافين اذهب للبنك الذي اتعامل معه اما اودعهم بالبنك واسلمهم للموظف كل دفعة اشتريتها على حدا .لاعرف اي من الدولارت مزيف لارجعهم للصراف الذي باعني هذه الدولارات او اطلب للموظف ان يفحصهم لي دون ايداع بالبنك اذا كنت محتاجهم !!!والاهم عدم التركيزعندما نشتري الدولارات للادخار على فرق ليرة او ليرتين بالسعر ولكن على الصراف الثقة

اخي مجد صحيح كلامك بس المشكلة الدولار صار بتعاملاتنا اليومية ونحن يوميا وكل الناس بتستلم وبتسلم دولار للتجار و للناس بين بعضها البعض والجيران بين بعضها البعض ...يعني صار الدولار متله متل العملة المحلية متداولة عند الكل التاجر والمواطن والغني والفقير ومو معقول كل تاجر وكل مواطن نطلب منه يكون عنده ختم خاص فيه ولنفترض حدى اشترى كمية والشخص يلي باعه الكمية اتصرف بالمصاري وانطر اذا بتنطر ...انا باعتقادي العامل الاساسي يلي بحدد قيمة كل عملة هو ثقة الناس فيها وتداولها ...ويلي ادى لانهيار الليرة السورية هو عدم ثقة 99 بالمية من الشعب السوري بقوتها ومنشان هيك التجأت الناس للدولار ....يبدو المخطط الموضوع هلىء العكس وهو نشر كميات كبيرة من الدولار المزور وبيعها للناس وبالتالي وخصوصا يلي بيتخورف بيفقد ثقته بالدولار وبيرجع للتعامل بالليرة السوريه وبقلك ليرة منهارة افضل من دولار مزور ماله اي قيمه شرائيه ...والحاله يلي ذكرتها منشان الناس تكون حريصه كتير حتى لو بدها تشتري الدولار من اهلها وناسها لانو بكل بساطه يمكن يكونوا ضحيه ...

[mak]

اقتباس: المشاركة الأصلية كتبت بواسطة مجد    ملاحظة .في كل الحملات ضد الصرافة لم يذكر المركزي انه عثر على دولارات مزيفة من ضمن المبالغ المصادرة هذا ينفي وجود دولارات مزيفة بدقة عالية لايكتشفهااحد ولا بالحجم الذي ذكره المركزي سابقا وانما حالات بيع الدولارت المزيفة هي بالحدود العادية وليست بالدقة التي ذكرها المركزي سابقا!!

انا يلي لاحظته انو قصة الدولار المزور المتقن صرعونا فيها وقت كان الدولار عم يطلع و ينط ...بس ما جابو سيرتها و قت كا عم يهور.....ليش ياترى .....معقولة الضخ يللي نزل السعر هو من هاد النوع؟.....بالنسبة الي ما بستبعد......يعني بيلمو الدولار المظبوط من الناس ببلاش و بيضخو دولار مزور و هيك بيضرو عصفورين بحجر واحد.......على كلن اذا دولار مزور باتقان و ما حدا بيكشفوا يمكن مو فارقة كتير!!

[انس الحموي]

اقتباس: المشاركة الأصلية كتبت بواسطة mak    انا يلي لاحظته انو قصة الدولار المزور المتقن صرعونا فيها وقت كان الدولار عم يطلع و ينط ...بس ما جابو سيرتها و قت كا عم يهور.....ليش ياترى .....معقولة الضخ يللي نزل السعر هو من هاد النوع؟.....بالنسبة الي ما بستبعد......يعني بيلمو الدولار المظبوط من الناس ببلاش و بيضخو دولار مزور و هيك بيضرو عصفورين بحجر واحد.......على كلن اذا دولار مزور باتقان و ما حدا بيكشفوا يمكن مو فارقة كتير!!

اخي ماك ما بتفرق عند يلي ما عنده ضمير لانو بكل بساطه فينه بعد ما ياخدهم يعطيهم لجاره الادمي او لتاجر على قد حاله وما بياكل همهم ...بس يلي متلي ومتلك ما بيقدر يعمل هيك ويضر الناس واكيد بتفرق معنا لانو عالآله رح يبانوا انو مزورات ومحد رح ياخدن منا برى سوريا ولا حتى اي بنك او صراف داخل سوريا ....منشان هيك نحن ذكرنا هل الشي من باب الحرص وهذه ليست دعوة منشان الناس تتخلص من دولاراتها بل على العكس يلي عنده دولار وفاحصه ومتاكد منه يخبيه منيح ولما بدو يضطر يبدله بهدف عملية تجاريه يتفحص المبلغ يلي بدو ياخد بداله قطعه قطعه ...وانا عن نفسي من هلىء رايح شوف كل يلي عندي قطعه قطعه ومن اليوم ورايح رح اتفحص كلشي رح اخده قطعه قطعه حتى ولو بعرف يلي بدي اخدن من عنده ولو قال لي انا متاكد منهم ...الحرص واجب وثمن القطعه مو قليل كل 100 حقها 17500 الشغلة ما بدها خجل بنوب

[mak]

اقتباس: المشاركة الأصلية كتبت بواسطة انس الحموي    اخي ماك ما بتفرق عند يلي ما عنده ضمير لانو بكل بساطه فينه بعد ما ياخدهم يعطيهم لجاره الادمي او لتاجر على قد حاله وما بياكل همهم ...بس يلي متلي ومتلك ما بيقدر يعمل هيك ويضر الناس واكيد بتفرق معنا لانو عالآله رح يبانوا انو مزورات ومحد رح ياخدن منا برى سوريا ولا حتى اي بنك او صراف داخل سوريا ....منشان هيك نحن ذكرنا هل الشي من باب الحرص وهذه ليست دعوة منشان الناس تتخلص من دولاراتها بل على العكس يلي عنده دولار وفاحصه ومتاكد منه يخبيه منيح ولما بدو يضطر يبدله بهدف عملية تجاريه يتفحص المبلغ يلي بدو ياخد بداله قطعه قطعه ...وانا عن نفسي من هلىء رايح شوف كل يلي عندي قطعه قطعه ومن اليوم ورايح رح اتفحص كلشي رح اخده قطعه قطعه حتى ولو بعرف يلي بدي اخدن من عنده ولو قال لي انا متاكد منهم ...الحرص واجب وثمن القطعه مو قليل كل 100 حقها 17500 الشغلة ما بدها خجل بنوب

مشكور اخ انس على النصيحة و على التوضيح.....سؤال بما انك عندك خبرة بكشف الدولار المزور ...هل علامة المئة دولار المكتوبة بخط صغير جدا داخل رقم المئة علامة صعبة التزوير ام يمكن تزويرها بسهولة و هي موجودة في الدولار المزور يللي مر عليك؟

[جوليت]

المركزي عرف يلعبها صح بكل المقاييس , هي اول ايام العيد والسعر مستقر عند السعر الذي خطط له المركزي , محاولات الرفع في اليومين السابقيين من قبل بعض التجار لم تكن الا محاولة لجني بضعة قروش ...
سوق اصبح من اسهل انواع الاسواق ,,, الاشاعات تستطيع ان تغير المزاج العام بكل سهولة

[jamal80]

أسعد الله أوقاتكم جميعاً
افتتاحية مباركة بإذن الله أخونا عاصم
أسأل الله تعالى أن يعيد الأمن و الأمان لبلدنا الحبيب
و كل عام و جميع المشرفين و الأعضاء الكرام بألف خير

[البحر الهائج]

صباح الخير للجميع
وافتتاحية مباركة أخونا عاصم
وكل عام وأنتم بألف خير
أعاده الله علينا بالخير والمحبة والآمان

[لقماان]

عيد أضحى مبارك
كل عام و انتم و عائلاتكم بخير
للسوريين داخل الوطن ...........
و يا سوريي الشتات ................
لا تستغربوا كتيرر من الأحيان بتنئلب المفاهيم ..........

[لقماان]

اقتباس: المشاركة الأصلية كتبت بواسطة aasem    رجاء خاص لجميع الأخوة الدعاء في هذه الأيام المباركة لرد البلاء ورفع الظلم عن المظلومين ونسأل الله أن يفرج عن أخونا وأستاذنا رامي ويجمعو بحبابو عن قريب يا رب العالمين

شكرا لك على افتتاح المتابعة أخ عاصم ....
و كل عام و انت و جميع الاخوة و عائلاتهم بخير ..
و متل ما تفضلت بالدعاء حضرتك ..
الله يفرج عن الأخ رامي و يفك أسر والدتوا آمين يا رب..