صالة أسعار الدولار والذهب مقابل الليرة السورية ليوم الجمعة 4- 10 - 2013

[خيرو الشامي]

اخي ماك هو لانو احد صغار الصرافة هيك سعرو لانو شوي تانية بفلس
دقلو وقلو في عشرة الاف دولار 175 شوفو شلون بيرجف وبغط على قلبو

[mak]

اقتباس: المشاركة الأصلية كتبت بواسطة الليرة السورية    تعليقا على تعليقك من فترة اخدت خبر بيعة ب 150 و بيعة ب 155 وما جبت سيرتهم و قلت رح اتاكد بالاول و لما جبت سيرتهم المشاركة انحذفت و على الاغلب حاليا رح تنحذف كمان صديقي ماك الضمير مانو وكالة حصرية بس في ناس ما كتير بترغبو لانو بلا مربح و اغلب الاحيان بيطالعك كسر مع هيك بيخلو شوي منو عالرف لتكمل البضاعة في احد اصدقائي " التجار الصغار " اشترى مبلغ " على قدو " منشان يجيب فيه كام قطعة من لبنان " اليوم " ب 176 " مع بوسة ايد و اذا بدك أكتر منعملك سكرة انا شايف الصرافة الصغار ما بدهن ينزل السعر لان ما بيحملو خسارة و الصرافة الكبار شي جلدو تمسح و شي عم يحط حد للخسارة و بشكل عام عم يشتغلو ليطلعو باحسن نقطة السوق في ارتداد نحو الهبوط و اطلاق اشاعات الاسعار العالية تضر لا تنفع على كل حال كل شخص عم يحمل اما الله مسؤولية نواياه ومن ثم كلامه مساء الخير للجميع وتحياتي لك شخيصيا مع كل المحبة

متل ما بيقول المثل...يا خبر اليوم بفلوس بكرة ببيبقى ببلاش.......من جهة العرض المغري تبعك اجاني عرض ب 161 من شخص تاني و قت كان نازل و ما رضيت ..تاني يوم كان السعر 185 ....طبعا ما ندمت و لا شي لأني اساسا مو مخلي معي سوري غير على قد حاجتي ..يعني ما في شي محرز لأشتري فيه...و ما بصرّف غير على حسب الضرورة

[najm]

اقتباس: المشاركة الأصلية كتبت بواسطة eng.mdkh    على علمي إي دمشق : 163 - 168

اقتباس: المشاركة الأصلية كتبت بواسطة ابو عمار    مسا الخير انا اشتريت 160 بدمشق من 4 ايام

شكرا لكم لئن بحسب ما سمعت ما حدا استفاد من الاسعار المتدنية الاخيرة غير الهوامير والبطاحيش والفرافير

[shereen]

اقتباس: المشاركة الأصلية كتبت بواسطة عابر مجيب    رجعت صفحتين وما لقيت شي ، وشوشوني عالنصت .

اخي عابر موجودة بالصفحة 5 وهي جزء منها
وهداك اليوم واحد شاري دولار ب 210 بالشركة شاري حوالي 50 الف دولار وطلعت الاشاعة هي تبع الحل السياسي وجنيف واعادة الاعمار وهادا جو احلام اليقظة فالعينتين كل شوي يقللي مشان لله شو اعمل ياشيرين خلصت الحرب وكلو لح يرجع متل ماكان قللو انساهم فتح شوي عالتلفزيون فراح باعهم المسكين على 165 فاخي نجم كلشي بسورية غير
يعني قصدي في ناس مقتنعين انو الحل السياسي جاية وانو لح يرجع الاقتصاد يشتغل والاخ خيرو قال انو روسيا معها 508 مليار دولار وبعد جنيف لح تعطينا ياهم كلهم مشان نشتري سيارات وننبسط وتدعم المركزي لانو روسيا مو ملاقية مكان تحط مصاريها فيهم فلح تحطهم عنا بالمركزي

[shereen]

اقتباس: المشاركة الأصلية كتبت بواسطة mak    متل ما بيقول المثل...يا خبر اليوم بفلوس بكرة ببيبقى ببلاش.......من جهة العرض المغري تبعك اجاني عرض ب 161 من شخص تاني و قت كان نازل و ما رضيت ..تاني يوم كان السعر 185 ....طبعا ما ندمت و لا شي لأني اساسا مو مخلي معي سوري غير على قد حاجتي ..يعني ما في شي محرز لأشتري فيه...و ما بصرّف غير على حسب الضرورة

عين العقل

[عابر مجيب]

اقتباس: المشاركة الأصلية كتبت بواسطة ابو عمار    مسا الخير انا اشتريت 160 بدمشق من 4 ايام

وابني اشترى مني بـ 140

[خليل حسو]

في القامشلي كان السعر اليوم الجمعة حوالي الساعة السادسة مساء:

مبيع: 175

شراء: 170

[خيرو الشامي]

اقتباس: المشاركة الأصلية كتبت بواسطة جوليت    انت ادرى بجوز لك علاقات اجتماعية هامة ( الله يباركلك ), انا لاني موظفة لابالمركزي ولاعند المركزي ولا عند حاكم المركزي مع الاحترام للمركزي بس تنويه صغير كتير : بروتوكولات الكبير والاكبر منو كالتالي: اجتماع كبير عالي المستوى حسب كلام فضيلتك معناتا في حدا اكبر من السيد المحترم ميالة بالاجتماع ,ولو كان كذلك لكان ميالة هو يلي راح الاجتماع يعني مو بالمركزي كان الاجتماع ,وبالتالي حسب الشيئ والنقيض لم يكن هناك اي اجتماع شكرا لك وتقبل تحليلي المتواضع سيدي الكريم

مو بالضرورة اخت جولييت يكون كبير واكبر منو ولكن كبير الشمال مع كبير الجنوب مع كبير الشرق مع كبير الغرب ......اجتماع اكابر.................................والله اعلم

[fadi@af]

ريف ادلب اليوم بعد العصر 165--170شراء----------------------175مبيع متوفر مع بوسة ايد

[ابن الجبل]

اقتباس: المشاركة الأصلية كتبت بواسطة عابر مجيب    وابني اشترى مني بـ 140

هذا معو واسطة كبيرة مش ممكن ترفض لها طلب