صالة أسعار الدولار والذهب مقابل الليرة السورية ليوم الثلاثاء 1- 10 - 2013

[عابر مجيب]

اقتباس: المشاركة الأصلية كتبت بواسطة homam    الحقيقة الجواب منطقي وواقعي بالنسبة لرجل اقتصادي وغير متوقع باعتقادي من غالبية الناس لكن السؤال الهام للرجال ما الذي ينبغي ان افعله لكي أتزوج امرأة ثرية انشالله مايطلعلنا شي مديرة تنفيذية تجاوبنا نفس الجواب

خرجنا يمكن عن موضوع الصفحة ولكن طالما القصة تحولت لشبه استثمار فممكن ضيف
وللطرفين :
اللي بياخد القرد على مالو .......... بيروح المال وبيضل القرد بحالو .
ومن الجدير بالذكر أن إيجاد إمرأة ثريه اسهل ، أولا لطول عمر السيدات ورحيل رجالهم مبكرين ، وثانيا المرأة غالبا بتكون مو تعبانه بالمصاري ووارثة فسهل تفرط فيون .
أول خطوات التقرب للمسكينه ، التظاهر بأنك رجل أعمال ناجح والحديث بسخريه عن الذين لا يحسنون اقتناص الفرص ، يتحرك لديها الطمع ممزوجا بادعاء المعرفة ، تنعتها بالجبن لكونها انثى لا تتجرأ على أعمال الرجال ، فتتحرك لديها رغبة الثأر لبنات جنسها اللائي ياما عانين من الهيمنة الرجولية على المجتمع الظالم .
فجأة تتذكر المرحومة جدتك سليلة الأكابر ، التي أضاعت مالها بدل أن تزداد ثراءا بفضل جدك الغبي ، تدمع عيناك ، وتبدأ بسرد قصص عاطفية مؤلمة ، تجعل من جدتك بطلة المآسي والآلام ، لمجرد سوء اختيارها لرجل تفند لها كل أخطاءه ، وتظهر بذلك الواعي العارف بكل الثغرات ، خليط من الطمع والأسى يسيطران عليها !
تنتقل إلى نكتة تظهر فيها ذكاءك وخفة دمك ، ثم تجلس جلسة متشنجة تظهر فيها قوتك البدنية ، مما يدفع للثقة في الاعتماد عليك جسدا وعقلا .
طبعا أنت لست ثريا على الاطلاق ، فما كان المال يوما هدفا لك ، أنفقت معظم مالك في الأعمال الخيرية ، وصرفت مكاسبك الوفيرة على معالجة أخيك الذي أصابه مرض غريب خلال تواجده في أفريقيا حين كنتما شريكان في تجارة الماس . وتسألها هل كنت أتخلى عن أخي ؟
يازلمة والله تاريك لقطة يخرب بيتك شو هالشهامة !
بالله هيك زلمة بيتعوض ؟
تغيب كم يوم ، وقد أثرت فضولها ، وحركت لديها أسئلة باتت بشوق لمعرفة اجابتها .
طبعا غيابك كان، لخدمة ومن ثم دفن خالتك الغالية، التي كانت بمقام أمك وقد شعرت اليوم باليتم الحقيقي لأول مرة بحق بعد فقدها، وتعتذر وانت تكفكف دموعك .
أحكيلكم شو صار فيها بعد ما انشلت تماما ؟
طالت كتير بيكفي ، للمزيد من المعلومات يرجى مراسلتي على الخاص هههههههههههههههههه

[ابو عمار]

اقتباس: المشاركة الأصلية كتبت بواسطة mak    رفيقي كان بدو يبيع مبلغ ..عرضو عليه 160 ...قلو بأجلها ...دفعولو 165 ...بس كمان بطل يبيع

انا متاكد من السعر واذا بدك تشتري 161 ان جاهز

[أبو حسن]

اقتباس: المشاركة الأصلية كتبت بواسطة myssar    أخ أبو حسن أنت عم تتكلم عن منطقة منبج بريف حلب ويجوز رحت لما تحرك الدولار وبدأ الصعود وأغلب الصرافين قد باعوا أول أمس على 175 ويقومون بالتجميع وتخوفوا من الحركة هي لكن في مناطق حلب الشرقي الأخرى الساعة 1 ظهراً تحصلوا على المرتاح 155 حتى أنو تم عرض 400000 دولار وما كان حدا من الصرافين الو قلب يأخذها لأنو السوق كان مو مبين في تلك الساعة

اخي العزيز نحنا النا صلة مع الصرافين وأحد الصرافين باع ب 175 مبلغ 100000 دولار واشترينا الضهر ب 155 كمان انا عم احكي لحظي

[محمد البيك]

نتيجة إقفال محلات الصرافة ارتفع قليل غداً يوم جديد في هبوط الدولار تجار الأزمة بيستغلوشوي يعوض الخسارةلازم كل واحد يدعم اليرة ويفرح بس في بعض الناس مابناسبً وبقولو الهبوط عادة سيئة

[ابو عمار]

اقتباس: المشاركة الأصلية كتبت بواسطة أبو حسن    في عالم باعت الدولار ومتمنيا ينزل الدولار وبتسال اي تاجر مشكوك بمصداقيتو وبتجي بتبث الخبر ارجو ان نبقي مصلحت المنتدى والناس فوق مصالحنا الشخصية

عدم الرد عليك احسن بحياتنا مارح نصير بني ادميين

[mak]

اقتباس: المشاركة الأصلية كتبت بواسطة ابو عمار    انا متاكد من السعر واذا بدك تشتري 161 ان جاهز

وانا كمان متأكد من السعر يللي انعرض و المبلغ ...و رح قلك المبلغ فوق 5000 .....و شكرا لا بدي اشتري و لا بدي بيع ...معي سوري يا دوب بيكفوني انشالله لبعد العيد...و بعدها لكل حادث حديث .......على هالجملة تذكرت حكم العدالة...لسا عم يحطوه ياترى؟

[انس الحموي]

حماة الان ارتفاع بالطلب بشكل مفاجىء وكبير كتير ,,,,شراء 165.....مبيع 170 متوفر بالاتجاهين

[خليل حسو]

سجل سعر صرف الدولار في القامشلي ارتفاعا وكان في الساعة السادسة مساء:

مبيع: 165-168

شراء: 160

[Dynamic Pulse]

مساء الخير
آخر سعر سمعتو كان 168-165 عالساعة 6.30

[حكيم الزمان]

اقتباس: المشاركة الأصلية كتبت بواسطة big h    السلام عليكم ورحمة الله وبركاته عليكم - نهاركم آمن لم أستطع تجاوز المداخلة السابقة أبداً دون تعليق علما أنني كنت أتصفح بعض التعليقات في المنتدى دون تركيز سيدتي : سيارات الفيات ليست سيئة كما ذكرتي ... وعندما كانت الوكالة تعمل كانت قطع الغيار متوفرة دائماً وسبب ضعف الوكالة يعود إلى عدم توفر عدة مراكز لها في المحافظات .. أما بالنسبة للتصليح فيعود ذلك إلى السائق فإذا كان "هردبشت" فحتى الأميركاني "ما رح ياخود برجلو غلوه" ملاحظة أخيرة : مايكل شوماخر بطل العالم السابق في فورمولا ون يملك ويعشق الفيات 500 وليس من باب الدعاية فقط علماً أن فيات اشترت ألفا روميو ولانشيا وفيراري وأصبحوا جميعاً ضمن مجموعة واحدة ملاحظة ثانية : ليس لي علاقة بالوكالة أو بأحد لا من قريب ولا من بعيد .. والسلام

كلامك صحيح 100% اخي وماكنت حابب علق على الموضوع لأن مو مكانو وخاصة اليوم لأنو منعطف دولاري بس حبيت زيدك من الشعر بيت :
اللي بيعرف سيارات تهريب الساحل بيعرف انو ما بيبدلو الفيات باي سياره تانيه مهما كان نوعها او امكانياتها على الطرقات الجبليه لأنو شوط محركها قصير وهاد بيخلي العزم والتجاوب دائما جاهز وبالنسبه انو مو متوفره كتير متل الكوري لأن مستوردها شركة الخولي السيارات آخر همو وجايبها مشان يكمل صنف وماحدا يفوت معو عالخط والمهم عندو العقود والمناقصات لأن شركة فيات مو بس بتصنع سيارات في عندون شاحنات ومولدات وأشياء تانيه كتير ومعامل كتير بأوربا والهند