صالة سعر صرف الدولار مقابل الليرة 15-9-2013

[انس الحموي]

اقتباس: المشاركة الأصلية كتبت بواسطة osama289    اخي انس عميصير شغلات غريبة بحماة انا مبارح بعد الضهر بعتو لصراف ( بدون ذكر اسماﺀ ) بعتو 4500 على ب 209

قد يحتمل انو يشتري احد الصرافين بسعر اعلى من سعر السوق بكون مطلوب منه طلبيه معينه وبدو يدبرها باي سعر ولا يروح الزبون من ايده حتى لو ربح ليرة بالدولار ...البارحة المبيع انعرض علي من تجار كبار وصرافين وشقيعه ورقيعه ب 207 و208 و209 هي معظم الاسعار يلي كانت تعرض وعلى فكرة اذا لاحظت مشاركتي الاولى والتانية بتلاحظ انو بالتانية كان في انخفاض بالسعر ولو بمقدار ليرة ... وكان ومازال لليوم جمود كبير بالسوق ونادر كتير الطلب لانو الكل عما يعرض وهادا بقول لفلان منشان الله مشيلي ياهم هنه 1000 بسعر كذا ومن البارحة لليوم في شخص معه مبلغ 20 الف عما يتصل فيني بركي بلاقيله شاري لهم ب210 بس ولا شخص عما يدفع فيهم اكتر من 206 ...207 ...اذا حده بتعرفه لازمه هل المبلغ بركي بوفره لك على 209 من صاحبهم

[انس الحموي]

حماة الى الان,,, استقرار لليوم الثاني عالتوالي شراء 206 ....211 مبيع

[انس الحموي]

اقتباس: المشاركة الأصلية كتبت بواسطة shereen    بيكون في مشكلة بالشبكة اخي اسامة في شي اسمو انخفاض شهية المخاطرة فيبدو هادا هوة مشهد الدولار حاليا يعني صار في عدة اسباب لصعود الدولار متل توقف تمويل المستوردات وتوقف اغلب الصرافين عن البيع بسعر التدخل وهي صار انفجار عند البريد اليوم وبكرة تقرير الامم المتحدة

اخت شيرين مو مشكلة شبكة ...مشكلة اكبر من هيك بكتير ...ولما بتكون مشكلة شبكة منعرف بهل الشي وبخبروا الكل ....نامل ان تعود تلك الخدمة المميزة عن قريب باسرع وقت

[خيرو الشامي]

اقتباس: المشاركة الأصلية كتبت بواسطة salkiny    السلام عليكم اخي باي منطقة بالشام اسعارك ؟؟ لانها دائما اقل من الموقع او الاسعار الي بيحطوها الشباب ب 5 ليرات مشان الي بدو يشتري يستفاد من السعر ولك الاجر ان شاء الله

وعليكم السلام اخي انا بكتب السعر الحقيقي وما بهمني راي الناس يلي مابتنزل على السوق او بكلفو خاطرهم وبيتاكدو من السعر عبر اتصالهم بالصرافين ...وفي ناس بتعرف انو السعر نزل بس موعاجبها نكتب الحقيقة لغاية بنفسهم انا كتبت السعر203....208 وذلك الساعة 6مساا والساعة 8 في صرافين صارو يدورو على زبائن دوارة وعلى سعر207
شو بدي اعمل للناس يلي مو عاجبهم ينزل الدولار الشغلة مو بايدي هنن اشترو 250 ونزل 203 هاد الهامهم لومو انفسكم ولا تلومو غيركم ان شاء الله بكرى منشوف الدولار200ونازل
وبعد اسعاري من اسواق دمشق القديمة .......والسلام

[golden]

مساء الخير جميع
الي لاحظته انو التجار بتحاسب عالدولارر وقت بيرتفع سعره كل التجار بتطلب دولار بيرتفع سعره زيادة
وبس نزل الدولار التجار بتطلب تحاسب بالليرة ييصير طلب عالليرة وهالشي بيرفع قيمتها زيادة

[خيرو الشامي]

اقتباس: المشاركة الأصلية كتبت بواسطة kloush    سعر خاطئ تماما

قبل ما تقول السعر خاطئ تمام ... اظن بانك انسان ليس لك معارف او اقارب بالسوق او تتكلم كلام عبثي يمكن معك 200دولار خايف عليهم وبعد ارجو من الاعضاء الكرام ان يقولو لنا بكم اشترو الصرافة بعد الساعة السادسة على الحقيقة والصدق ....ولكل من يكتب السعر بعد 6مساءا ....سعر الشراء اكن له من الشاكرين

[عابر مجيب]

اليوم ضيعت قبل الظهر في معالجة مشاكل وتخبيص الجامعة الافتراضية
الموظفين فهمانين برنامج التشغيل ومفترضين الكل بيعرف الطريقة
وبعدين قرر أكبر مسؤول ان لا بد يكون في مظلومين ، بس ما ممكن مخالفة قوانين الجامعة المنزلة .
قلتلو القانون عصاية وراء الباب ، وقت اللي بيقصدوا ، ممكن طالب معدله تحت الخمسين يفوت طب .
من خلل النظام رسب ابني بمادتين كان ناجح فيون . في خلل بشبكة الدفع بينهم وبين التجاري ههههههه لأن شر البلية مايضحك .

وصلت على المكتب ولقيت واحد مستني على نار معه 800 دولار اشتراهم من طبيب بسعر 200 وبما ان الرقم قليل شاكك ومابيعرف بالتزوير . فحصتهم وقلتلو مبروكين .
طبعا مافي صرافين والطبيب كان مضطر .كمان شي بيضحك هههههههههه .

بكرا شوفو الضحك ، حنكييف .

[خيرو الشامي]

اقتباس: المشاركة الأصلية كتبت بواسطة انس بكور    قد يحتمل انو يشتري احد الصرافين بسعر اعلى من سعر السوق بكون مطلوب منه طلبيه معينه وبدو يدبرها باي سعر ولا يروح الزبون من ايده حتى لو ربح ليرة بالدولار ...البارحة المبيع انعرض علي من تجار كبار وصرافين وشقيعه ورقيعه ب 207 و208 و209 هي معظم الاسعار يلي كانت تعرض وعلى فكرة اذا لاحظت مشاركتي الاولى والتانية بتلاحظ انو بالتانية كان في انخفاض بالسعر ولو بمقدار ليرة ... وكان ومازال لليوم جمود كبير بالسوق ونادر كتير الطلب لانو الكل عما يعرض وهادا بقول لفلان منشان الله مشيلي ياهم هنه 1000 بسعر كذا ومن البارحة لليوم في شخص معه مبلغ 20 الف عما يتصل فيني بركي بلاقيله شاري لهم ب210 بس ولا شخص عما يدفع فيهم اكتر من 206 ...207 ...اذا حده بتعرفه لازمه هل المبلغ بركي بوفره لك على 209 من صاحبهم

السيد انس بكور حلال عليك .....لانك دائما تكتب السعر الحقيقي بدون اي غاية

[عابر مجيب]

بالنسبة لسعر الدولار
بيجيني مسافرين من المحافظات ومن الأرياف ومن دمشق القديمة ومن دمشق الجديدة والحضارية والمتخلفة ومن لبنان ومن الأردن ، ودائما بعرف الأسعار ، يعني اطلاعي أكتر من أي صراف
فلما بقرأ أسعار المشاركين ، وعلى مرات متكررة ، صار ممكن ميز الدقيق من المفشكل
ببساطة ما بحط شكر ولا بوجه كلام للي يابيكون كذاب يا أهوج على افضل التقدير .
من فضل الموقع علينا أن هنالك تسعيرة اعلى الصفحة بدقة 99% ونادرا ما يتأخر التحديث .

[أحمد الأحمد]

اقتباس: المشاركة الأصلية كتبت بواسطة عابر مجيب    بالنسبة لسعر الدولار بيجيني مسافرين من المحافظات ومن الأرياف ومن دمشق القديمة ومن دمشق الجديدة والحضارية والمتخلفة ومن لبنان ومن الأردن ، ودائما بعرف الأسعار ، يعني اطلاعي أكتر من أي صراف فلما بقرأ أسعار المشاركين ، وعلى مرات متكررة ، صار ممكن ميز الدقيق من المفشكل ببساطة ما بحط شكر ولا بوجه كلام للي يابيكون كذاب يا أهوج على افضل التقدير . من فضل الموقع علينا أن هنالك تسعيرة اعلى الصفحة بدقة 99% ونادرا ما يتأخر التحديث .

كلامك سليم مية المية واذا كان هناك من فرق فيكون أعلى بليرة أوليرتين حسب الفارق بين البيع والشراء