صالة أسعار صرف الدولار والذهب وباقي العملات مقابل الليرة السورية ليوم الخميس 29-8-2013

[salkiny]

اقتباس: المشاركة الأصلية كتبت بواسطة حلبية    يسعد اوقاتكم .. ( اللهم اضرب الظالمين بالظالمين .. واخرجنا من بينهم سالمين ) قولتكم كمان اليوم رح يبقى سعر صرف الحوالات 182 !!؟؟؟؟؟؟ مافي امل الواحد يلاقي شركة بتسلم حوالات الويسترن دولار !!!!!!! :( :( :( :(

اختي بما انك من حلب اذا كنتي قرييبة من الحدود التركية
حوليهم على تركيا اريح الك
عندنا الناس هيك عم تساوي بتحول على انطاكية وبتستلم بالدولار من هنيك

[حلبية]

اقتباس: المشاركة الأصلية كتبت بواسطة salkiny    اختي بما انك من حلب اذا كنتي قرييبة من الحدود التركية حوليهم على تركيا اريح الك عندنا الناس هيك عم تساوي بتحول على انطاكية وبتستلم بالدولار من هنيك

تسلم يا اخي
بس والله مو قريبة عالحدود ..
وصعب حدا يطلع معي :(

بس قلت بتركهم فترة .. ان صعد الدولار .. بيغيرو سعر الصرف شوووي
وان نزل .. بقبضهم على حالهم

المشكلة رح تفرق معي كتيرررررررررررررررررررررررر
لانو مبلغ محرز
بس انو هيك نشف البحر مرة وحدة على حظي ههههههه
الحمدلله عكل حال

يعطيك العافية

[الياطر]

مساء الخير للجميع
افتتاحية مباركة باذن الله

[sajed]

أسعد الله أيامكم بالخير والأمان

ترتفع الأسعار اذا حصل شيئ ما يخل باستقرار الأوطان وليس على فرضية (لو حصل).

مثلا": سيرتفع سعر برميل النفط ليصبح 125 دولار للبرميل اذا ضربت سورية (لاسمح الله) أي بارتفاع 15% كحد أعلى رغم المخاطر المحسوبة وغير المحسوبة.

أمّا أن يرتفع الدولار في السوق 85 ل.س خلال يومين وبدون ضربة فهذا ما يؤكد أنه استباق للتخوّف من خلال الاشاعة

طيب انتظروا واركضوا وراء الحدث ولاتستبقوا الأحداث

[الياطر]

يافَارِجَ الْهَمِّ، يا كَاشِفَ الغَمِّ، يا مُجِيبَ دَعْوَةِ الْمُضْطر

يا كَاشِفَ كُلِّ ضُرٍّ وَبلِيَّة ..

يا عَالِمَ كُلِّ سِرٍّ وَخَفِيَّة ..

نَسْأَلُكَ فَرَجاً قَرِيباً لْـٌسٍـٌوريٌـٍآ وَصَبْراً جَمِيلاً للسوريين

اللهم آميـــن يارب.

[ahmad477]

السلام عليكم ----- اغلاق اللاذقية 250 شراء 260 مبيع

[ahmad477]

آونصة الذهب عالميآ 1414

[عبدالقادر]

اخ انس اناكنت خسران تقريبا نصف رأسمالي فنبارح فتلت كتيرحصلت سعر255عصراوانت استغربت مع انو انت بعدكام ساعة كتبت نفس السعر والمسا حصلت من واحد245كانو الصرافة عم يقلولو مافي سوري صرافة بدون حرق بدك ترصون لتحصل سعر واذا بدون يشترو بينهبوك وبالذات عنا بحماه

[مجد]

السلام عليكم

صباح الخير

[عابر مجيب]

اقتباس: المشاركة الأصلية كتبت بواسطة حلبية    يسعد اوقاتكم .. ( اللهم اضرب الظالمين بالظالمين .. واخرجنا من بينهم سالمين ) قولتكم كمان اليوم رح يبقى سعر صرف الحوالات 182 !!؟؟؟؟؟؟ مافي امل الواحد يلاقي شركة بتسلم حوالات الويسترن دولار !!!!!!! :( :( :( :(

ما بتتخيلي أديش مقهور من اللي عم تعاني منه
الناس لما بتضرب المثل بالضياع والفقد الكامل ، بتقول راح فرق عملة
بس كأني فهمت من صفحة مبارح بعد إغلاقها بحيث لم أتمكن من السؤال ، نعم فهمت ان الحوالة وصلت ، وانت عم تسألي إذا أفضل تأخري الاستلام أو لا . بظن وانشاء الله يكون غلط ، أن الحوالة بتنصرف بسعر يوم وصولها مو يوم الاستلام .
كل تأخير بتقابل مع ارتفاع للدولار ، الله يعوضك
بتصور ، هاد رأي فقط ، وكل واحد بيعرف تفصيلات مابيعرفها غيره ، وقصدي عن الظروف الشخصية مو معلومات أخرى ، نعم أنا وحسب ظروفي كان ممكن استلم الحوالة ، وأعتبرها ما كانت ، وبشتري أسهم وبنساهم . على اساس أكتر من القرد ما مسخ الله ، ما بتعرفي بلكي بتزبط نظرية دارون هالمرة وبيصير القرد بني آدم . هههههههههههه
المهم ما يكون المسخ اللي رح تختاريه عرضة للنهب أو الإفلاس ، انا بقول اسمنت البادية على الأقل بيبقى عندهم حديد خردة للبيع إذا تدمروا .المهم يكون لأسهم عندها أصول مو دفتر حسابات وعقار مستأجر .
إذا محتاجة للمبلغ ، حولي دولار وعوضك على الله بالفارق أو فوات الربح .
مصاريك نتيجة سهر وتعب ودراسة وعلم ، بيحرقوا القلب .
خطر ببالي كمان تطلبي تحوليهم إلى لبنان ، إذا لسا ما محولين ، وبيضلوا بالويسترن يونيون وما بيروحوا ، ممكن تروحي خلال 3 أشهر على ما أظن ويمكن أكتر، ومعك الرقم وهويتك وبتستلمي من أول نقطة داخل الحدود اللبنانية ، ما بظن تضطري تنتظري أكتر من 15 يوم ، حسب ما الله مفرجيني .
الله يلهمك الأحسن .