صالة أسعار صرف الدولار وباقي العملات مقابل الليرة السورية ليوم الخميس 25-7-2013

[najm]

السلام عليكم الأخ باسل وينو؟
اذا كنت عمتقرا معليش ضربة المعلم بألف

ولو أنك تسرعة لان الاسعار مالها كرار
بس ما ألنا غنى عنك وعن اسعارك وخدماتك للمنتدى اذا ما بتبين بروح هاه

[ملك]

شكرا لكم شباب وكلو بهون وبيتعوض والمهم ان نفرح بالنهاية كما ذكر الاخ مجرد انسان . وخلونا بالدولار مشان ما يتحول موضوع الصالة لموضوع اخر

[مجرد إنسان]

هي موجة صاعدة قد يعقبها استراحة بسيطة ومن ثم متابعة صعود .. او يتدخل المركزي ويحاول يثبت السعر ..
لو على 200 المهم يثبت السعر @@!

[جوليت]

اقتباس: المشاركة الأصلية كتبت بواسطة ملك    بحب اشكر كل من يضع الاسعار بشكل صحيح وخاصة الاخ ابو جهاد والاخ ديناميك بلس وكل المشرفين والاعضاء وتحية لبروكرنا الغالي وبتمنا من اخونا باسل غ يهدي حالو شوي وبقلو ما بتستاهل تزعج حالك مشان ليرة شبه منتهية

طول بالك , شو منشان اني متوقعة بين الاربعا والخميس بالسودا بين 165 -170

[Arman]

شو السعر باللادقية يا شبااااب

[pop75]

اقتباس: المشاركة الأصلية كتبت بواسطة جوليت    لا اظن ذلك

جوليت انتِ ما بعرف على اي اساس بتحكي . بتجي بترمي كلمتين و خلص انا لو مو متأكد من هل الكلام ما بنشره
و انا على مسؤوليتي الشخصية هذا الكلام و اللي عنده دليل على عدم صحت كلامي يكتبه ولا ينقطنا بسكوته بيكون احسن ..... و اللي هل المعلومة بتهمه يدعيلنا بالفرج القريب....

[البحر الهائج]

شو السعر‎ ‎باللاذقية أخ
GoldMan

[najm]

اقتباس: المشاركة الأصلية كتبت بواسطة omar1964    اقتراح الى الإدارة الكريمة تحديد عدد مشاركات الأعضاء في صالة الدولار يوميا بعدد محدد مثلا 3 او 5 او ما ترونه مناسبا التبرير اذا كان عدد الأعضاء المتابعين دائما بين الـ 70 و 100 و كل واحد منهم نزل 10 مشاركات تصبح الصفحات و المشاركات كثيرة و الفائدة قليلة . اما اذا كان العدد محدود لكل من يرغب بالمشاركة بالرأي أو الفكرة و التي لها علاقة بسعر الصرف او سعر الذهب، فسوف يعيد النظر بمشاركاته و ينتقي الأفضل و الأجود مما يريح المشرفين و المتابعين و يحسن نوعية المشاركات.. هذا مجرد رأي

اقتراحك بمكانه بس صعب يتنفذ الا من أصحاب العلاقة ذاتهم ومن ذوقهم لأن أنا واحد من الناس يلي بلشت مل من كتر عجئت المشاركات يلي مالها طعمة ..
وخلي زر الشكر يحكم عن المتابع وعن الكاتب على نفسه .. وسأبدأ بنفسي من اليوم ..

[homam]

اقتباس: المشاركة الأصلية كتبت بواسطة pop75    تم عقد جلسة التدخل في مصرف سوريا المركزي على تمام الساعه 11:00 صباحا و استمرت لمدة ساعتين و تم خلالها وضع سعر بيع للمواطنين 175 و شراء لشركات الصرافة على سعر 173.27 بمعني نفس سعر تدخل يوم امس و لكن الجديد انه تم تثبيت هذا السعر لجميع الشركات حتى يوم الثلاثاء القادم بتاريخ 30 / 07/ 2013 اي ان كل شركة تستطيع تقديم طلب شراء للمركزي دون جلسة تدخل حيث حددت كل شركة كمية الدولار الذي سوف تقوم بشرائه طول هذه المدة الواضح كل الشركات قامت اليوم بالشراء من المركزي هامش :- الغير منطقي هو ارتفاع اسعار السوق السوداء بعد اقرار هذا التدخل و بهذه الطريقة يعني من اليوم الى يوم الثلاثاء في تدخل و على سعر 175 ليش عم نشوف 245 مبيع و 225 شراء يا ريت حدا من الشباب يوضحلنا هل الشيء ؟

اخي انا برأي انو السوق اليوم اخد كفايتو من الدولار والي كان مقرر يشتري اشترا ونتيجة الاقبال على الدولار طلع الدولار كمبيع لسقف 240 ليرة وسارع المركزي للاعلان بوقت شبه متأخر بالبيع دون جلسات تدخل بشكل مستمر ليوم التلاتا وهالشغلة حتخلي:
1- الناس الي اشترو باسعار ال 190ولحد ال 220 بالبيع لحصد ارباح سريعة بعد سماع خبر التدخل مفتوح المدة عالاقل ليوم التلاتا
2- والي كان شاري من المرة الماضية بحدود 250 انو يبيع ويحقق خسارة اقل
وهالشي حيرجع للسوق كمية دولار انا بظن اعلى من المرة الماضية لان الي احجم عن البيع بالمرة الماضية نتيجة نزولو لل 180 نتيجة الخسارة بدو يبيع عال 230 لان الخسارة اقل واعتقد ان السوق الان الى نزول بمايقارب ال 180 ليرة .............................وبالنهاية العلم عند الله

وهذه دعوى الى التأمل

[pop75]

اقتباس: المشاركة الأصلية كتبت بواسطة مجرد إنسان    هي موجة صاعدة قد يعقبها استراحة بسيطة ومن ثم متابعة صعود .. او يتدخل المركزي ويحاول يثبت السعر .. لو على 200 المهم يثبت السعر @@!

تدخل المركزي حتى يوم الثلاثاء القادم بسعر 175 ثابت