صالة أسعار صرف الدولار وباقي العملات مقابل الليرة السورية ليوم الثلاثاء 23-7-2013

[cold0zero]

مرحبا ... هي اول مشاركة إلي

حابب اسئل انا اشتريت دولار كام ألف لما كان الدولار ب 120 ليرة و ماكنت بيع لما وصل فوق ال300 ليرة

حاسس حالي غلطت لو بعتهم لما غلي و اشتريت هلأ كانت فرقت معي بحدود 2000 دولار

انا بالاساس اشتريتهم لأحافظ عليهم مشان اذا فكرت سافر او لبعدين مشان اذا لزمو بشئ شغل او هيك

يا ترى تصرفي صح اني ما بيع و حسب رايكم ايمت المفروض بيعهم

تحياتي

[حمصي مع سبق الاصرار]

مساء الخير للجميع

[انس الحموي]

حماة الان 205 شراء ......210 مبيع
الذهب الكسر 7600 شراء ......... 8000 مبيع

اخر مشاركة الي اليوم ...ان شاء الله منرجع ومنشوف البلد صارت بخير ....اودعناكم

[مجرد إنسان]

اقتباس: المشاركة الأصلية كتبت بواسطة أحمد الأحمد    أخي الكريم اللعبة اصبحت مكشوفة و الاستقرار يفرضه تدخل المركزي اليومي .وسعر السوق السوداء يكون بزيادة عن سعر التدخل ب10-15 ليرة واكيد تتعلق بكمية الدولارات التي يطرحها المركزي .ان أي يوم لايكون فيه تدخل يعني ارتفاع السعر بزيادة اخرى من 10 -15 والله يستر اذا اللي سمعته من المشاركات صحيح ( التدخل ليوم الخميس )يعني سعر اسود اقله 225 . والله انا حاسس انو المركزي تورط وورطنا معو

المركزي يؤيد هبوط بطيء وعم يتعاند مع السوق السودا معاندة ..ما بدو يغرق بدو يلعب شوي شوي
هنن سحبوه سحب من 230 لل 185 غصب عنو ، الزلمة حس وما حب ينسحب للغميق ...وبسرعة ..
الهدوء احسن إلو وللسوق كلو ..
الحمد لله الكيبورد الجديد عم يغزل غزل
شكرا اخي رفيق ^_^

[جوليت]

اقتباس: المشاركة الأصلية كتبت بواسطة seraj    المصرف التجاري يضع تعليمات جديدة لبيع اليورو للمواطنين 23 يوليو 2013 1:12 ص inshare من التعليمات أن يكون لدى المشتري حساب مفتوح باليورو في المصرف التجاري الاقتصادي سورية ـ صحف: باشر "المصرف التجاري السوري" يوم أمس، عمليات بيع القطع الأجنبي وتحديداً اليورو، بعد توقف مؤقت امتد لفترة غير قصيرة، مع الأخذ بعين الاعتبار أن عمليات بيع اليورو ستكون للأغراض غير التجارية بحسب قرار "مصرف سورية المركزي" في هذا الشأن . وبحسب التعليمات الصادرة عن "المصرف التجاري"، فقد ألغيت كافة التعليمات السابقة المتعلقة أرجو بعد قراءة هذا المقال أن تعرف ليش التاس عم تركد على السوق السودا

عفوا على اقتطاع البقية منشان الاطالة
انا بعد ماقريت المقالة عرفت ليش الناس عم ترض عالسودا ( وعاحد علمي ماركضو مشيو مشي وكم واحد )
بس ياترى هالناس يلي ركضو عرفو ياديش بدو يبيع اليوراية الوحدة من اول مرة ؟؟؟
يعني هالشروط يلي حاططها الافندي(ميالة) شي حساب شي خمسة ايام ... بجوز ناوي ينزل سعر حلو للشباب ويكرمون فيه

[جوليت]

اقتباس: المشاركة الأصلية كتبت بواسطة مجرد إنسان    المركزي يؤيد هبوط بطيء وعم يتعاند مع السوق السودا معاندة ..ما بدو يغرق بدو يلعب شوي شوي هنن سحبوه سحب من 230 لل 185 غصب عنو ، الزلمة حس وما حب ينسحب للغميق ...وبسرعة .. الهدوء احسن إلو وللسوق كلو .. الحمد لله الكيبورد الجديد عم يغزل غزل شكرا اخي رفيق ^_^

معلم ونقطة عالسطر

[عابر مجيب]

كل انسان بيشوف الأمور من منظار تجربتو ومهنتو
اللي بيشتغل بالأزياء بيحب التنويع
يوم كحلي مع الأسود ، ويوم بني بدل الكحلي
مرة بيكشفوا الصدر ، مرة بيكشفوا الظهر
مرة سوبر ميكرو ومرة ماكسي
مرة كتف مكشوف ومرة قبة عاليه
والشابو ( الطاقية ) مرة سادة ، ومرة بوردة ، ومرة بريشة
كلو ماشي وكلو بيلاقي استحسان وبيجيب مرابح
لذلك بعدم الثبوت على رأي ما بيكون عندهم مشكلة
بس لما بيكون الأمر بيتعلق بالاقتصاد بيصير التنويع كارثة
يوم 120 ويوم 150 وبنتوقع صعود لغاية 190 ، وناس شايفة لبعيد 350
لابقا في استقرار ولا بقا في خطة على المدى القصير قبل الطويل
هاد اسمو تدمير ذاتي ، ما بيحتاج تدخل ولا تآمر خارجي
المركزي كان لازم يتدخل ويوقف التدهور ، لأن الزايد أخو الناقص
الهبوط خطير والصعود المبني على التحدي والمزاودات أخطر
البلد صارت موادها متعددة الأسعار لاختلاف رأس المال
واللي تحمس لخطة المركزي كانت نظرته أحادية ، شركات الصرافة احتارت وشركات التحويل احتارت ، وأسعار شركات الطيران فاتت بالحيط
المواطن العادي أحجم عن الانفاق ، حاطط بمحفظتو ميتين أو تلات ميه للمواصلات وربطة الخبز والخمسين دولار مأخر صرفها بانتظار تحسن سعرها وكل يوم بيقول بكرا أغلى .
اللي معو سوري مارخصت المواد عليه والي معو دولار ارتفعت عليه الأسعار أو انخفضت موجوداته ، مافي واحد تالت غير اصحاب القرار والمقربين ، هدول عملوا ارباح ممتازة لأن القلم بأيدهم وما كتبوا حالهم من الأشقياء، هنن الوحيدين اللي ربحوا ، والباقي عليهم وعلى دنياهم السلام .
أرجو من الراغبين بالصعود أو الهبوط يحولوا رغبتهم إذا فعلا بيحبوا البلد وبيفضلوها على مصالحهم الضيقة ، نعم يحولوا رغبتهم للاستقرار والثبات ، الاقتصاد مو موضة .

[جوليت]

تصميم الازياء بدو احتراف يعني انا برأي اذا كان المصمم محترف لازم لما يصمم شي مو يكون ذهنو موجه لحتى التصميم بالنهاية يرضي يلي بدو يلبسو ( لانو هو اكيد مالبسو منشان حالو) لازم يكون موجه ليرضي يلي بدو يشوفو

[ph-hosam]

اقتباس: المشاركة الأصلية كتبت بواسطة عابر مجيب    غير الله ما بيعلم بالغيب اليوم الصبح الساعة 9:07 مريت جنب مكتب ويسترن يونيون ، الزاوية اللي قبل فندق السميراميس بدمشق ، فاتح الباب على غير عوايدو وعم يقبض العالم للاتصال كاتب ورقة على الباب هاتف 18277770 نعم 8 أرقام يمكن كلفة المكالمة 25 ليرة . الدوام نت 9:00 إلى نسيت يمكن 13:00 رقم الهاتف شد انتباهي وتأكدت من عدد السبعات

فقط للتوضيح
أستاذ عابر اذا الرقم مكون من 8 خانات بيكون عليه خدمة انترنت isdn وهي أقدم من الadsl وسرعتها 128 بالحد الأقصى
وبيصير اول رقم بيتغير من 0 الى 9 وبيكون تحويلات داخل المؤسسة على سبيل المثال المحاسبة 18277771 و الادارة 18277772 الخ ...
والمكالمة بسعرها العادي مو ب25

[manager]

اقتباس: المشاركة الأصلية كتبت بواسطة جوليت    يعني كمان شركات الصرافة بشر فساعة الك ساعة لربك اخي العزيز انا قلت بمشاركة سابقة مبارح او اولت مبارح انو هناك نزول (طبعا حدث قبل جلسة 5)وصعود ممنهج (بعد الخمسة) حضرتك اعتبرالتوقعات كلام ولا تاخد فيه يعني معقولة مابحقلي حتى مشاركات توقعية متل كتار .. برأي عادي والدليل مجرد توقعات ماعم تصير بس كلشي وماتكون مفكر مشاركاتي رمز لهبوط الدولار اما اختنا العزيزة الليرة السورية .. سمحلي بتكون غلطان انا بالحياة بهمني المعلومة الصحيحة شو ماكانت ...وكيف طرق الاستفادة منها وانا سبق والت بمشاركة سابقة ستحدث امور اذا عرف الواحد يفهما رح يكون كسبان وبعتقد في ناس فهمتا وبأكدلك انو فهمتا فما مشكلتي اذا حضرتك مفكر انو عم روج لهبوط الدولار .. أكيد لأ ...... المهم المعلومة فقط لاغير انا لابهمني تحليل منطقي وتنظير ( عابد فضيلة) او تتدخل غير عقلاني بنظر البعض (ميالة) مايهمني المعلومة الصحيحة تقبل احترامي وخلي جوليت بياء وحدة مو تنتين

اختي العزيزة كيف قلتي الخميس بتتوقعي جلسة عال 167 وكيف بعد الجلسة الخامسة صعود ممنهج (علماً انك ما جبتي سيرة الصعود على ما اذكر) يعني بتقصدي ممنهج فقط جلستين..؟
كمان بتمني تكوني أكتر وضوح بس لنعرف اذا اللي فهمناه صحيح ولا عم نتخيل..
مع شكري الجزيل لمشاركاتك