صالة أسعار صرف الدولار وباقي العملات ليوم السبت 20-7-2013

[xzone]

اقتباس: المشاركة الأصلية كتبت بواسطة باسل غ    اخر الاسعار التي تم فيها تداول حقيقي وبمبلغ 50000 $ 210_________________220 حلب

مسا الخير
عزيزي باسل غ شو اخبار الدهب الكسر

[علوش الحمصي]

اقتباس: المشاركة الأصلية كتبت بواسطة abo marwan    ياترى كم سيكون السعر غدا عند تدخل المركزي هل سيكون كما قالت الاخت جوليت بحدود 176 ام غير ذلك وهل سيلحق هذا التدخل تدخلات اخرى والى متى ستبقى هذه الطريقة في حفظ السوق من الارتفاع يعني هل يعقل للمركزي ان يتدخل كل اسبوع مرتين او ثلاثة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!

والله يا أخي أبو مروان ماحدا عم يعرف شو عم يصير
وفي عالم عم تحكي انو يمكن ما يتدخل بكرا ويمكن يرتفع الصرف لل225
وبس يرتفع يتدخل ويرجعو لحدود 200 واقل وساعتها في ناس كتير يمكن تخسر

[احمد م حسن]

اقتباس: المشاركة الأصلية كتبت بواسطة باسل غ    السعر قبيل المغرب 195___________210 السعر برائي بحلب لاا يأخد عامل العرض والطلب ولاا عامل تدخل المركزي بقدر ما ياخد الوضع على الارض __________________________________________________ ______ اخوانا المقيمين بالساحل هل يوجد اصدرات جوازات سفر جديده عندكم ؟؟؟؟؟؟

حسب علمي فيه سواء على نظام الدور او بصفة مستعجل
اذا فيك تصبر بتأكد بكرا
واذا ما فيك تعى وضيافتك عليي
وبعد ما بتاكد كمان تعى وضيافتك عليي

[باسل غ]

اقتباس: المشاركة الأصلية كتبت بواسطة xzone    مسا الخير عزيزي باسل غ شو اخبار الدهب الكسر

7550___________7900

[باسل غ]

اقتباس: المشاركة الأصلية كتبت بواسطة احمد م حسن    حسب علمي فيه سواء على نظام الدور او بصفة مستعجل اذا فيك تصبر بتأكد بكرا واذا ما فيك تعى وضيافتك عليي وبعد ما بتاكد كمان تعى وضيافتك عليي

ممنون لطفك انشا الله بيوم من الايام بزورك وياصاحب الكرم والعز انا بعيد عنك هلى تقربيا

3000 كم عبسال لصديق الى بعده مقيم بحلب

[SyrianWolf]

اقتباس: المشاركة الأصلية كتبت بواسطة علوش الحمصي    أول سؤال علمي علمك ما بعرف ليش تاني شي شركات الصرافة عم تشتغل عكيفا بكونو شمو خبر انو المركزي ما رح يتدخل بكرا وساعتها بلشو يرفعوا سعر الصرف عكيفن الخوف بكرا ما يتدخل المركزي ويرفعوه لل 225 لان ما في شي بعيد عنن

مابظن هاد السبب، لأنو هاد الدولار شاريينو من المركزي بسعر أقل من 185 بشوي بشان يبيعوه بسعر 185 للعموم حسب توجيهات المركزي مع ثبوتيات البيع "للمواطنين" بهالسعر.

وبالتالي تغيير السعر لازم يكون -المفروض- بعلم المركزي وإلا بيكونوا خلو بالاتفاق.

شو رأيكم ؟؟

[moh_b]

أكرر ما كتبته اليوم و هو أن تدخل البنك المركزي يحدده موضوع سحب الودائع من البنوك,اذا كان هناك تباطؤ في سحب الودائع من البنوك فالبنك المركزي لن يتدخل ,و العكس صحيح فالبنك المركزي سيكون مجبرا للتدخل لمنع استنزاف ودائع البنوك .

[علوش الحمصي]

اقتباس: المشاركة الأصلية كتبت بواسطة syrianwolf    مابظن هاد السبب، لأنو هاد الدولار شاريينو من المركزي بسعر أقل من 185 بشوي بشان يبيعوه بسعر 185 للعموم حسب توجيهات المركزي مع ثبوتيات البيع "للمواطنين" بهالسعر. وبالتالي تغيير السعر لازم يكون -المفروض- بعلم المركزي وإلا بيكونوا خلو بالاتفاق. شو رأيكم ؟؟

أنا معك وكلامك صح مية بالمية
ما سمعت بالمتل يلي بقول ( غاب القط العب يا فار )
وهنن مفكرين انو المركزي غايب بس انا متوقع انو يفاجئن بظهورو بكرا وتدخلو
لان ازا تدخل رح ينزل السعر ل175 هيك بعتقد
والله يفرجها

[احمد م حسن]

اقتباس: المشاركة الأصلية كتبت بواسطة باسل غ    ممنون لطفك انشا الله بيوم من الايام بزورك وياصاحب الكرم والعز انا بعيد عنك هلى تقربيا 3000 كم عبسال لصديق الى بعده مقيم بحلب

يا سيدي انشاء الله بتجي على الوطن بخير وسلامة وبتون اوضاعنا افضل
وقيمة صديقك من قيمتك واهلا وسهلا به
هو ياتي وانا شو فيني ساعده راح قوم به وهو واجبي

[علوش الحمصي]

سهرة سعيدة للجميع وبازن الله بكرى بيتضح الوضع بالسوق وبكون الوضع أحسن وبينزل السعر
تصبحون على خير