صالة أسعار صرف الدولار وباقي العملات ليوم السبت 20-7-2013

[Deep Blue]

اقتباس: المشاركة الأصلية كتبت بواسطة النسر    عن شام اف ام غدا لايوجد تدخل للمركزي بسبب عطل بالسيرفرات

إذا كان السيرفر عطلان عن جد يعني ماممكن يتصلح لبكرا
ليش الإعلان عن الخبر من اليوم شو الهدف

[sarc]

انخفاض سعر الدولار بهل اليومين زكرني بقصة صارت مع شخص بعرفو هاد الشخص كان مصاب بمرض السرطان وعانا كتير من المرض باخر زيارة زرتو فيها بالمشفى كان باين عليه انو أمورو كتير صايرة منيحة ونفسيتو متحسنة سألتو كيفك
قلي صحتي متل الحديد وجلس حالو وفجأة سحب سطل من تحت السرير وراجع شي كيلين دم من تمو وقلي لا تمام عال العال صحتي وطلعت انا وبعد بيوم اجاني خبر انو توفى ... فهي تاريها كانت صحة الموت نسال الله ألا يكون حال الليرة سورية نفس الحال

[علوش الحمصي]

اقتباس: المشاركة الأصلية كتبت بواسطة النسر    السلام عليكم حمص اغلاق شراء 200/205 مبيع 210/215

يسعد مساكم جميعا
اخي النسر من وين جايب هاد السعر
اعلى سعر وصلو شراء 190 - وبقليل جدا يلي دفع 195
واعلى سعر مبيع 198 وحالات نادرة 200
هالسعر لا تآخزني مو صح
تقبل مروري

[جوليت]

مسا الخير

[علوش الحمصي]

اقتباس: المشاركة الأصلية كتبت بواسطة حمصي مع سبق الاصرار    مساء الخيرات للجميع انشالله كانت اجازتكن احسن من اجازتي

مساء الفل والياسمين
الحمد لله اجازة كانت تمام
انت كيف كانت اجازتك

[باسل غ]

اخر الاسعار التي تم فيها تداول حقيقي وبمبلغ 50000 $

210_________________220

حلب

[علوش الحمصي]

اقتباس: المشاركة الأصلية كتبت بواسطة oumar    شباب شو القصة مرفوعة الرقابة عن الكل ؟؟؟؟ و سؤال تاني لو سمحتو شركات الصرافة ع اي اساس رفعت السعر اليوم من ال 185 لل 191.8 ؟؟

أول سؤال علمي علمك ما بعرف ليش

تاني شي شركات الصرافة عم تشتغل عكيفا بكونو شمو خبر انو المركزي ما رح يتدخل بكرا وساعتها بلشو يرفعوا سعر الصرف عكيفن
الخوف بكرا ما يتدخل المركزي ويرفعوه لل 225 لان ما في شي بعيد عنن

[Abo Marwan]

ياترى كم سيكون السعر غدا عند تدخل المركزي
هل سيكون كما قالت الاخت جوليت بحدود 176
ام غير ذلك
وهل سيلحق هذا التدخل تدخلات اخرى والى متى ستبقى هذه الطريقة في حفظ السوق من الارتفاع يعني هل يعقل للمركزي ان يتدخل كل اسبوع مرتين او ثلاثة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!

[علوش الحمصي]

انا هلق حكيت مع رفيقي
قلي بعد ما شمو خبر عن عدم تدخل المركزي بكرى بلشو يرفعوا السعر
بس قلي ازا بدك لحد ال10000$ بصرفلك ع195

[Abo Marwan]

اقتباس: المشاركة الأصلية كتبت بواسطة علوش الحمصي    أول سؤال علمي علمك ما بعرف ليش تاني شي شركات الصرافة عم تشتغل عكيفا بكونو شمو خبر انو المركزي ما رح يتدخل بكرا وساعتها بلشو يرفعوا سعر الصرف عكيفن الخوف بكرا ما يتدخل المركزي ويرفعوه لل 225 لان ما في شي بعيد عنن

المركزي سيتدخل وهذا اكيد لكن ماليس اكيد انه سيتدخل غدا وسنفترض الاسوء انه لم يتدخل غدا وباتأكيد ستصعد الى 225 كما قلت وربما اكثر
لكن لربما يتدخل المركزي يوم الاثنين بسعر مخفض جدا قد يصل مثلا الى 170 وبذلك تكون خسارة فادحة لكل من ااشترى حاليا على سعر اكثرمن 200


طبعا هذا رأي وللاسف لا احد يعرف ماذا سيحصل فكل الاحتمالات واردة

المهم اننا امام اسبوع مهم جدا