الدولار في أسبوع - مناقشات ليوم الجمعة 19 -7 - 2013

[zaher66]

اقتباس: المشاركة الأصلية كتبت بواسطة arnouri    ما قلنا خلصصصصصصصصصصصصصصصصت حتى درجه الحراره صارت 20درجه والسياح بلشت بالقدوم وبلشنا نصدر النفط وقمنا بااستخراج الغاز نتمى ذلك ولكن نرجو عدم الضحك على العقول اذا الدولة عم تشتري المحاصيل في ارض المعمل او المستودع ولا نسى الخوة التي تدفع على الطرقات والحواجز وووووووو

بدي افهم شغلة شو صار حتى ينزلوا 40 ال 50 بالمئة مو المصرف عما يمولهم بسعر التدخل 130 ليرة للدولار معناتها مو فارقة معهم ارتفع الدولار او نزل ولا انا غلطان

[aasem50x]

اقتباس: المشاركة الأصلية كتبت بواسطة ابو الدهب    السلام عليكم حابب اعمل مشاركة صغيرة ويتمنى تتقبلو الفكرة الدولار طالع نازل يوم فوق ويوم تحت وكل واحد بيعطي تحليلات وتوقعات بكون عم يعطي وجهة نظره الخاصة واحتمال تظبط واحتمال ما تظبط وبالحالتين ما بينلام ، ما بينلام غيرك انت يلي اقتنعت بهالتحليل وبعت او اشتريت بناءً عليه. اذا يدكن تصنفو شراء الدولار فيكن تعملو 3 تصنيفات 1- شراء لحاجة استخدام ( سفر - مشتريات - علاج - دراسة ) وهون ماعد لازم تسال طلع او نزل. 2- شراء لادخار ، وهون لازم ننسى يلي اشتريناهم لأننا متكون حفظنا قيمة عملتنا على السعر يلي اقتنعنا فيه وقت اشترينا. 3- شراء للمضاربة والتجارة، وهون لازم الفت نظركن لشعلة صغيرة انو يلي عم تضاربو فيه هوي عملة بلدكم مانو اسهم بشركة او بورصة ، يعني عم تشاركو بارتفاع الأسعار وانخفاض قيمة العملة يلي انعكس مباشرة على الفقير المعتر يلي كان يعكز حالو وعايش عالسترة واليوم مات من الجوع ومات لانو ما عندو دواء ، وأبنو الصغير مرض ويمكن يموت لانه ما عندو حليب ، و........ يطول الحديث يعني انت يا مضارب انت شريك بتجويع ملايين البشر بسوريا. يتمنى تفكر منيح وتتخيل الجوع بالبلد قبل ما تشتري بالقاع وتبيع بالقمة مع تحياتي للجميع

اخ ابو الدهب كلامك مية مية والله يجزيك الخير

[arc-samer]

اقتباس: المشاركة الأصلية كتبت بواسطة عبدالقادر    ما بظن المركزي بهاالغباء ليترك السعر يطلع اليوم ففعلها قاصدا ليدخل العالم للقفص لأن كانوامجهزين حالون يدخلو مالقاع وذخلو هلق السبت او الاحد ليحرقون بقلب القفص وليحرمون يكمشوادولار

شو هو مركزي والا الفرع 999 يعني لاتنسو عم تحكو عن مواطنيين فاذا بدهن يحافظوا ع مدخراتهم وشقى عمرهم بصير بدهم حرق...........................

[سكلموز افندي]

خطة سحب الدولار من سوريا :


ايها السوريون اقرؤا و افهموا كل حرف من هذا المنشور الذي كنت شاهداُ على جزء منه : منذ ثلاثة اشهر تم التخطيط لسحب اكبر كميه من الدولار الاصلي من سوريا وضخ بدلاً منه دولاراُ مزوراً و حتى لا يتم كشف هذا البرنامج تم تزوير مليار دولار بعنايه فائقه في تركيا و تم تهريبها الى سوريا و حتى يتم ضخها بالسوق بأمان و دون ان تنكشف عملية التزوير لابد من إشعال حمى الحصول على الدولار و بأي سعر و هنا بدء للاسف سعار الحصول على الدولار و بأي سعر نعم بأي سعر و هنا بدء سعر الدولار يطير و يحلق عالياً بسرعه اكبر بكثير من المخطط حيث كانت المده المقرره هي خمسة اشهر للوصول إلى سعر حوالي 300 ليره الااااااااااااااااان سيبدؤا ببيع الدولار بأكثر من هذا السعر حيث مقابل المليار دولار المزور سيحصلون على اكثر من 300 مليار ليره و حين يكتشف من اشترى الدولار في مرحلة السعار ان دولاراته مزوره او جزء منها فلن يتجرأ ان يصرح عنها و هنا يبدأ الدولار بالهبوط و السعر الهدف هو 100 ليره للدولار و هناااااااااا سيقومون يشراء الدولار اصلي من السوق وبهدوء حيث يملكون 300 مليار ليره و مقابلها سيحصلون على 3 مليار دولار شرعي اصلي من مالكم ايها السوريون . هذا ماخططوه لكم و أنتم تقومون بتنفيذه بدقه و سرعه منقطعة النظير ادهشت المزورين انفسهم . و على الارجح و هذا الامر لم استطع التحقق منه بعد و هو ان الدوله السوريه على علم بهذا المخطط و هي تراقب عن قرب ما يحصل دون ان تتدخل نهائياً حتى اللحظه المناسبه ( سياسة حافة الهاويه ) و عندها ستنقض على الجميع و كل من يحمل او شارك بنشر الدولار المزور سيتحمل اوخم العواقب غير الافلاس الكامل و هو ما تعتبره الدوله افضل عقاب لجامعي الاموال من الشعب و اظن انه منذ اسبوع بدأ الإعلان عن قانون يعاقب من يقتني الدولار بطريقه غير شرعيه ..... اهلي السوريون ارجو منكم ان تفهموا هذا الكلام و تنشروه في اصقاع الارض لتحموا انفسكم اولاُ و احباءكم ثانياٌ من الافلااااااااااااااااس الوشيك او السجن ... نقلت لكم هذا المخطط التركي الاجرامي لافلاسكم اولا و للتعويض على الاتراك بعض خسائرهم من الاحداث في سوريا .... اااااااااااااااااارجوكم افهموااااااااااا ولا تكونوا اعداء انفسكم بعد ان عاداكم نصف العالم ....



فعلا يا جماعة انو نحنا شاطرين بالدراما ... والله
بهوليوود ما بيطلع معهم هيك شي

[سوري بالعربي]

سؤال يطرح نفسه . الكتلة النقدية الضخمة من الليرة السورية التي اصبحت في ايدي من باع الدولار بهاليومين .اذا ماتم امتصاصا بسياسة نقدية صحية . وفي حال توقف البنك المركزي عن التدخل شو ممكن تساوي بسعر الصرف
سؤال برسم الجميع

[ahmad477]

اونصة الذهب عالميا 1286

[zinarez]

أخوتي الأعزاء

لطالما تجنبت التفاعل بهذا المنتدى بالفترة الأخيرة، بسبب عدم رؤية واضحة منذ سعر 150 إلى الآن..
لكنني، أعتقد جازمة، بأن أي تحليل لسعر الدولار الآن، يجب أن يبتعد كل البعد عن الاستراتيجيات المالية، أو المصرفية، أو الاقتصادية..
أكرر بأنني أعتقد جازمة، بأن شيئاً ما يجري في سورية منذ اسبوع وإلى الآن وعلى كل الصعد وعلى كل المستويات..
وما صعود سعر صرف الليرة (هبوط الدولار المفاجئ والقوي) إلا حلقة أساسية ضمن حلقات أخرى تتم الآن ولاحقاً (عسكرية، اقتصادية، خدمية..)
يمكن أن يصل سعر الدولار لمستويات قاعية غير مسبوقة، قد لا تخطر للبعض، لأنه هبوط قسري، لا علاقة له بأي شيء يمت للعقل أو للمنطق..
ولا استطيع الحديث لأكثر من ذلك، لكن سكان مدينة حلب، هم الأدرى بما أقول... والأيام قريباً جداً ستثبت ما أقول.

[ahmad477]

انسة زينة كلامك صح100\100

[ziulmax]

السلام عليكم
بس في سؤال لا يتعلق بالمال .......
شو الطريقة لاضافة اعجاب على مقال معين؟

[omar1964]

صباح الخير
جمعة مباركة و صيام مقبول للجميع باذن الله
هجوم دائما على التجار سبب الغلاء و البلاء و المصائب
قوانين مشددة على التجار و عقوبات مغلظة و متشددة
و تهديد بالحبس و الغرامات الكبيرة ...
عنا في عدد محدود جدا من كبار التجار مسيطرين على أغلب التجارة من استيراد أو تصدير ...
و الباقي نحنا مو اكتر من موزعين عندهم او جباة منجمع البضاعة حتى يصدروها أو منجمع قيمة البضاعة الي استوردوها ..
يمكن هي سنة الكون و بكل بلد في هيك شي .
أنا منتسب لغرفة التجارة من أول ما بدأت عملي و مسجل بالوزارة سجل تجاري و حماية ملكية ... الخ
و عم ادفع كل الالتزامات المترتبة على ذلك و بدفع الضرائب كلها بشهر نيسان او شباط حتى استفيد من الحسم ...
و مسمى حالي تاجر بحقل المهنة تبع اي بيانات جواز سفر او غيره ..
بس الباقي شوفو معي الصورة بشكل كامل بتشوفو انو اغلبهم تجار..
أصحاب المهن العلمية من اطباء و مهندسين و محامين ...الخ
و مدرسين الدروس الخاصة و اساتذة الجامعة يلي مسعرين المواد ..
و بعض الموظفين يلي حاطين تسعيرة لكل معاملة
و بعضهم يلي بيجوا برمضان و قبل العيد و بياخدو منا العيدية ..
و متعهدين الحفلات و المآتم و المطربين و الدعاة باسم الدين يلي بيبيعو للناس الوهم
و بياخدو اجور خرافية عالاعلانات او غيرها..
و مغسلين الاموات و حفارين القبور و صانعي التوابيت يلي بيستغلو ظروف الموت ..و اهل الميت طبعا ما رح يفاصلوا ...
و المسلحين يلي عالحواجز ...
و حتى الرقاصات الي بالملاهي و الشحادين المحترفين .. كلهم تجار
بس الفرق انو نحنا تجار نظاميين منشتغل بالنور و تحت رقابة المجتمع و القانون و الباقي اكترهم بيمارسوا التجارة بالعتمة و تحت حماية من المسائلة و مسميات مختلفة ..!!
فرجاءأً يا جماعة هي اسطوانة التجار المتلاعبين بقوت الشعب بلاها لأنو نحنا من هالشعب ..!!
و في مين عم يتلاعب بقوت الشعب اكتر بكتيييييييييييير من التجار..!!