صالة أسعار صرف الدولار وباقي العملات ليوم الخميس 18-7-2013

[Dynamic Pulse]

دمشق الأن
180‏_‏190
متوفر

[mak]

اقتباس: المشاركة الأصلية كتبت بواسطة سكلموز افندي    طيب السؤال الذي يطرح نفسو . اذا المركزي كان قادر على التدخل و ضبط السعر ليش ترك السعر يتجاوز ال 300 و هوو بيعرف انو التسعيير بالسوق بيتم بناء على اعلى نقطة و صعب كتيير يرجع ينزل و بحال كان هل الشي مقصود لتحقيق انخفاض كبيير بالسعر و تحفيز الدافع النفسي للعالم ليركدو و يبيعو ..هل هل الشي مشروع !!!

مشان يتأكد انو يللي لسا مخلي معو سوري و ما اشترا دولار رح يركض يشتري بتحويشة العمر لأنو الليرة عم تفرط متل مو شايفها و صارتتنزل 50 ليرة كل يوم....هاد صار مع اشخاص بعرفهم كلشي معهم هو 200000 سوري وما كانو يرضو يصرفوهم دولار وقت صار ب 320 صارو يدقولو مشان اشتريلهم دولار!....الحمدلله اشترو ب 280 مو 320 بس هاد اسمو تشليح......من جهتي انا مقتنع انو عالمدى الطويل انشالله ما رح يخسروا..بس المشكلة انو هيك ناس بيكون يا دوب مصروفهم بكفيهم و غالبا رح يضطرو يصرفو بخسارة.......بس يللي دخل بالدولار من زمان ما رح تفرق معو هيك حركات.....الله يعوض عالجميع و يحمي البلد و انشالله يرجع عنا اقتصاد قوي فعلي حتى نحسن نرجع نثق بالليرة

[fearless]

مع تكرار الحديث عن تواجد كميات كبيرة من الدولار المزور في السوق السورية
سؤال أرجو الإجابة عليه من العارفين بالموضوع فقط
هل يمكن تزوير ورقة مئة دولار بشكل مشابه تماما للورقة الأصلية من خلال النقاط الأمنية السبعة وبالتالي لا يمكن إكتشافها يدويا و إنما فقط من خلال آلات كشف التزوير كما يروج البعض مؤخرا ؟
أم أن الإشاعة مقصودة لتخويف العوام من الدولار ؟

[EngShaam]

المشكلة إنو نحنا تعودنا عالرتابة
والروتين
وعشنا بمجتمع بمجملو متعود ومحب للاستقرار
لهيك لما بنشوف الدولار نازل جزء من الكل وبناءا على العادات ورتم الحياة يلي ربينا عليه بيئلك خلص هي هيي ورح يضل ينزل وماعاد في طلعة
ولما بنشوفو طلع الجزء المتبقي من الكل وبناءا على نفس ماذكر سابقا بيئلك خلص هي هيي ورح يضل يطلع وماعاد في نزلة
والأهم بما تربينا عليه وتشربناه من مجتمعنا إنو الجزء من الكل دائما بيرفض وبيعاند وبيكزب الجزء المتبقي من الكل
وعلى فكرة أول ما بلشت البورصة هادا السبب يلي خلا العالم تستهبل كل واحد بيشتغل بالبورصة وتضحك عليها وعلى يلي بيشتغلو فيا (وأنا واحد منون مو يلي اشتغلو بالبورصة لاء يلي استهبلو شغلة البورصة)
بينما حتى بدول الجوار تعتبر شغلة المتميزين فكرا وعقلا
وعلى ما يبدو هالسنتين بيضلو ألال ليغيرو الطبع يلي ربينا عليه
سنتين ما بيكفو لنستوعب الطلوع متل النزول
ونقبل الطلوع من النزول
ونعرف إنو كل واحد منون ممكن بأي لحظة

[tarek]

يعني اس هالسوق في حلب مبارح المسا 160 و شرا مافي اليوم 210 بياع مافي .... عرفتو مين عمببرفع سعر الدولار ليبيع بالغالي ....

[Jalal]

يا ترى مين عم يلم كل هل دولارات

يتساءل منتوفون

مع محبتي

[عابر مجيب]

اقتباس: المشاركة الأصلية كتبت بواسطة الليرة السورية    انا خارج الموضوع كليا بس من وجهة نظري اخي عابر زدتا شوي عالاخ " يعني ليش كل العالم كذابين برايك " يعني حكمت على مجموعة نوايا انت شفتها غير ما شافها غيرك و اعذرني انت عطيت رايك بالانسة يلي حكا عنها الشب و انا حبيت اعطي راي مقابل بنوايا الشب يلي انا فهمتا يا ريت نحترم كرامة بعض اكتر لانك " جرت عليه حبتين " و يا سيدي ادعي لربك تكون مظلوم ولا تكون ظالم " ما هيك " ؟؟؟؟ على كل حال ممكن نزول سعر الصرف و شوبات هالايام ماثرين على " صبرك المعهود " اتمنا لك الخير و للجميع

المشكلة ان التذاكي والشطارة عم تاخد مناحي كتيرة
صار الانسان عم يحاول يحلل ويفهم بس منشان ما يكون مغفل
في قواعد للتحليل غالبا بتزبط
وممكن احيانا تخطئ نتيجة صدفة

لو كان عندنا محلل هنا كان حلل مشاركتك
فقولك انا خارج الموضوع كليا ، يفسر عادة على انه أول مؤشر لمحاولة التنصل والتضليل
أنا ماقلت الرجل كذاب ، بس مستغرب من كونه فقير ومتابع معنا ، انت شعرت بأن هنالك كذبة قد انكشفت
ما كان في نوايا، كان في كلام مباشر، وبعدين غيري ما حط رأيه لسا انت اول واحد
تبرر تدخلك ولم يطلب احد التبرير ، وهوناتج عن تصور أكيد ويقيني عندك ، مما استدعى محاولة استباقية للتبرير لتشتيت المحلل
ثم يأتي دور اللطافة ليخجل الطرف الآخر وإن علم شيئا فسيخجل من المعاتبه وهي خطة وقائية .
وتبع ذلك نصيحة ومن ثم تحبب للتحصين التام
ذكاء منقطع النظير

شايف هدول المحللين شو بيطلع معهم ؟
فعلا لهم أشياء غريبة وممكن يتسببوا بسوء فهم وسوء ظن دائم بين الناس ، وقد يصل بهم الغيظ إلى حد الاشتباك بالأيدي .
أرجو ان يكون فيما اوردته شيئا من التسلية والعلم .

[Abo Marwan]

بصراحة لم نعد نعرف ماذا نفعل (هذا مايدور في عقل بعض الاشخاص )

فلو ارتفع السعر السبت الى 210 مثلا ويوم الاحد تدخل المركزي على سعر 190 مثلا فماذا سيفعل الذين اشتروا

وطبعا احتمال اخر ان لا يتدخل المركزي ويصبح السعر230 وكلها احتمالات احدها صحيح ...........

فيما سبق كان الجميع يشتري وهو يعرف ان المركزي اصبح شبه عاجز اما الان فلا نعرف بشكل أكيد هل صحيح ان المركزي عاجز ام هو المسيطر ؟؟؟!!!

[باسل غ]

اقتباس: المشاركة الأصلية كتبت بواسطة tarek    اخ باسل متأكد من السعر . ... الدهب 6800 7300 و مافي .... يعني على دولار .....

دير بالك سعر الذهب كتير مبالغ فيه لو حسبها بطلع معك فوق 200

[mak]

اقتباس: المشاركة الأصلية كتبت بواسطة abo marwan    بس بدي افهم ليش كل ماشفت واحد بتسألوا بكام صار الدولار بقلك مثلا 180 بس انتبه ترى بدو يرجع لل300 بقا لحق حالك هل اصبح جميع المواطنين خبراء اقتصاديين ؟؟؟!!!!!

الله يبشرك بالخير...يعني صارت الناس تدرك الواقع الذي تعيشه ...و لا تعيش الأحلام

الشغلة ما بدها خبير اقتصادي ليدرك ان العجلة الاقتصادية باتت شبه متوقفة ولا بصيص أمل على المدى القريب...و هذا هو سبب فقدان الناس للثقة بالليرة للأسف....عندما تبدأ العجلة بالدوران و تزداد حركة البيع و الشراء و نقل البضائع بين المحافظات بأمان و يعود انتاج الأراضي السورية من قطن و قمح و فواكه و تعود الثروة الحيوانية كما كانت ...عتدها فقط يمكن ان يقتنع الناس ان الدولار على هبوط فعلي و ليس مؤقت