صالة أسعار صرف الدولار وباقي العملات ليوم الخميس 18-7-2013

[جوليت]

اقتباس: المشاركة الأصلية كتبت بواسطة engshaam    هلأ صحيح انا لسا جديد (بالمنتدى) بس بضل أقدم من غيري (مع انو عضوية غيري ترقت أبلي) والموضوع بصراحة ما بيهمني لإني متابع وإن قررت المشاركة فبرأيي ودون توجيه يلي شفتو إنو بالارتفاع كان في ناس على ما يبدو عندا شغل معين اشتغلتو بالمنتدى ويلي شايفو هلأ بالانخفاض إنو كمان في ناس على ما يبدو عندا أجندة معينة بس الفرق إنو جماعة الانخفاض يلي انولدو لما بلش السعر بالانخفاض أو قبل بشوي يا أخي معلوماتون موثوقة وفي منون بيحكي بلهجة كنت موجود ومتفرغ للمنتدى بشكل تام هلأ انا مالي ضد حدا (كوجهة نظر) بس ضد استخدام منتدى مفيد متل هالمنتدى ليكون مكان لخدمة مصالح الاخرين ومزبوط المركزي اتدخل بالضخ والدولار البيتي ساهم بالهبوط بس كمان في مداخلات معينة بالمنتدى ساهمت بالكركبة ولهلأ لسا بأول الله يستر الدرويش (يلي أنا منون عالأقل) وعتبي كبير على أعلام وكبار المنتدى يلي اضطروني وبحرئة ألب يطلع هالحكي مني مو منون ويخلوني أنا يلي اتحمل ردود أفعال وهجمات البعض يلي رح يبلش فورا بالهجوم والتخوين وغيرو وغيرو

عفوا اذا كان الكلام موجه الي فالنسبة الي معلوماتي اكيدة واذا عم سبب ضرر متل ماعم تقول انا بنسسحب هلأ لاني مابأبل سبب ضرر لحدا وبتمنى تعرضو هالمشاركة هلأ لانو انا ماعم نفذ اجندة لحدا

[abu mhd]

اقتباس: المشاركة الأصلية كتبت بواسطة abo marwan    للاخوة في طرطوس ارجو التأكيد هل صحيح سعر الدولار 165 بطرطوس الان وهل صحيح اليوم تم القبض على شخصين من حلب لديهم الكثير من الدولار المزور مما ساهم في خفض سعر الدولار بطرطوس ؟؟ نرجوا التأكيد

لا ابدا على العكس السوق بطرطوس اعلى من دمشق
وانا على تواصل مع الاعضاء الثقات بطرطوس

[Abo Marwan]

اقتباس: المشاركة الأصلية كتبت بواسطة tigereye    من متابعتي الدائمة لردود الاخوة وما يتردد عن وجود حالات من التزوير للدولار اتمنى من لديه طرق من خبرته في فحص الدولار ان يضعها لتعم الفائدة مع العلم اني لم اشاهد حتى الان اي دولار مزور طبعا الطرق الي بقصدها مو بالالات اكيد

احذر الدولار المزور
( ‪ لتعم الفائدة)

سبع طرق لكشف الدولار المزور من الحقيقي

1-العلامة الليزرية وهي ذات لون أخضر براق وفي الدولار المزور تكون الدرجة اللونية مختلفة.
2-العلامة المائية وتظهر عند تعريض الدولار للضوء من الخلف حيث تشاهد صورة الرئيس الأمريكي و في الدولار المزور كانت هذه العلامة موجودة.

3- ختم الخزينة الأخضر وهي أهم العلامات لكشف الدولار القديم ويجب أن يكون رقم 100 مطبوعا فوقها، في الدولار المزور نلاحظ أن ختم الخزينة مدموج مع رقم الـ100.

4-علامة الاحتياطي الأمريكي السوداء وهي من حبر سميك قابل للتلطيخ حيث أن حكها بقوة بورقة بيضاء يؤدي لتلطخها، بينما في الدولار المزور كانت هذه العلامة ثابتة.

5-عند استخدام مكبر و النظر لرقم 100 نشاهد داخلها 100usa هذه العلامة غير موجودة في الدولار المزور.

6- داخل صورة الرئيس الأمريكي تحت نشاهد بالتكبير عبارة the united states of America وأيضا هذه العلامة غير صحيحة في الدولار المزور.

7- شريط بلاستيكي داخل الورق مكتوب عليه 100 و كان موجود في الدولار المزور.

-بالنسبة للورق المستخدم في هذا الدولار المزور وهذه أهم علامة بالنسبة للصرافه فقد كان في الدولار المزور ورق ممتاز و قريب جدا من الورق الحقيقي ويحوي على الشعيرات الضوئية أي أن فحص الضوء لايكشف تزويره.

- الطباعة في الدولار المزور أفتح لونا والحبر المستخدم أكثر ثباتا من الدولار الحقيقي.

-الحبر المستخدم في الدولار الحقيقي سميك وعند تعرضه لعوامل الاحتكاك يزول بسهوله، وغالبا أماكن الطيات تكون أحبارها زائلة.

- يتم طبع الدولار الحقيقي بطابعات تسبب علامات ضغط وهي علامات واضحة عند النظر للدولار من الأمام و الخلف

منقول

[جوليت]

اقتباس: المشاركة الأصلية كتبت بواسطة hesham-tayara    ماهو اسم هذه الشركة ؟؟؟ اتمنى الا نكتب اخبار دون مصدر موثوق

بأكدلك مافي ولا شركة صرافة اعلنت افلاسها بلبنان حتى لو كان المصدر جريدة الثورة

[EngShaam]

[COLOR="Blue"][SIZE="3"][CENTER]

في شغلة لاحظتا
إنو أقوى متوقعين الصعدو كانو صبايا
وأقوى متوقعي الهبوط كمان هلأ صبايا وكل مالون عم يزيدو
الله يأوين
نصف المجتمع
وأكتر من نصف متوقعي الهبوط والصعود
كل الاحترام لأخواتنا
والله هي بس مجرد ملاحظة لاحظتا
وزكرتني بصفة بتميز التشات
يلي حابب يتميز ويطرح شي بالتشات دايما يا بيكون صبيه أو بيفوت باسم صبية ....وكلا أسماء رنانة
لا حدى يفسر كلامي عكيفو
صرنا نخاف من الرد أكتر من المشاكة

[جوليت]

قبل ما اترك المنتدى بتمنى اذا حدا ضرر فعلا من مشاركاتي يسامحني علما انو المراقبة مانشالت يعني عم شارك تحت رقابة المشرفين فبتمنى ماكون ضريت حدا
كلمة اخيرة القاع رقم 3 اكيد ملامحو اليوم بدنا نشوفا

[Abo Marwan]

حملة مليونية يوم الاحد كل موطن يملك دولار يقوم بصرف١٠٠ دولار ليساعد بتقوية الليرة واعادة القوة الشرائية


منقول

[ahmad477]

الساعي الجانودي الساطان وهي بدون تشفير

[جوليت]

بتمنى تنعرض المشاركة الاخيرة وشكرا للكل المشرفين وللسيد رامي يلي تحليلو الاخير تحليل كتير هام لازم ينشر عانطاق واسع لحتى يلي جوا المنتدى وبراتو يستفادو منو وانا رح ساهم بنشرو بعد اذن السيد رامي

[سكلموز افندي]

دائما الارتفاع و الانخفاض الناجم عن الشائعات
هوو سريع و مؤقت و وهمي .. بئا يا جماعة
الاخبار المضللة او( الموجهة ) الله يعطيكم
العافية كفيتو و وفيتو بس خلص برئيي خلصت موجة
الانخفاض بئا لا تعذبو حالكوم كتيير .