صالة أسعار صرف الدولار وباقي العملات ليوم الأربعاء 17-7-2013

[سكلموز افندي]

بعد يلي صار و يلي عم شوفو بقول
يا حرام الدراويش ما راحت غير عليهم
سواء يلي اشترى منهم دولار او يلي قاعد
ببيتو لا باع و لا اشترى

[باسل غ]

يا اخوان

الكل هلىء متوتر وتحت الضغط

وهيدا المنتدى اعطى فرصه للتعارف بين اعضائه

الازمه بيوم من الايام رح تخلص ان طالت او قصرت

صح هلى الكل متحفظ تحت اسم مستعار

بس حروف مشاركات كل شخص بتعبر عنه وعن شخصيته

وعن فكره ما بتعرفوا يمكن بيوم من الايام يكون في مصالح

مشتركه على راض الواقع بين الاعضاء

الربح والخساره شي طبيعي وكل شيئ رزق من الله

والناس كنوز ..........

_________________________________

اخر سعر وصلني ومتأكد منه

شراء لا يوجد ___________ 180

مع العلم في اسعار كتيره بحلب

والاسعار يلي عبنشرها من مراكز السوق

وهوامير السوق ما بتفكر بالخساره بقدر ما بتفكر بالربح

(( وهذا الكلام ليس دعوه للشراء او البيع ))

ارجو من الله ان يوفقكم باختيار نقطة الدخول الصحيحه

[louis_16th]

اقتباس: المشاركة الأصلية كتبت بواسطة alternative    جيبيلي 10000 على 195 لا لتزوير الارقام لو سمحتو

صديقي ليش انت دائما بتشكك بكلام الاعضاء
عالطلوع و عالنزول بشوفك عم تهاجم
بالاذن من جولييت .. اذا جبتلك ب195 بتشتري ؟؟

[لقماان]

اقتباس: المشاركة الأصلية كتبت بواسطة جوليت    شركات الصرافة لم تخسر ويلي حضر اجتماع الثلاثاء الماضي بيعرف عن شو ماأحكي

مساء الخير اخت جولييت
ممكن بعد اذنك توضحيلنا أكتر شو صار باجتماع
يوم الثلاثاء ...
و اذا الموضوع سري للغاية .....
شاوشيني مشاوشة ...و علي الحلال
سرك ببير ..و كل أهل المنتدى بهالبير....
-------------------------
أهلا وسهلا و مرحبا بك اخت جولييت بمنتدى سيريا ستوكس
شدي حالك كام مشاركة تانية و بتنشال الرقابة عن مشاركاتك....
----------------------
بتوقع النتيجة على الأرض حتى فاجئت البنك المركزي نفسوا ..
و ميالة بيكون عميتفرج على المراية
و عميؤول لحالوا ...اي صحيح أنا حلو....
اي بس والله مو كل هالأد......

[alternative]

اقتباس: المشاركة الأصلية كتبت بواسطة louis_16th    صديقي ليش انت دائما بتشكك بكلام الاعضاء عالطلوع و عالنزول بشوفك عم تهاجم بالاذن من جولييت .. اذا جبتلك ب195 بتشتري ؟؟

اي بشتري
اديش المبلغ يلي بتجبلي ياه
عمو انا بدي سعر واقعي
وقت قال المشارك قبل نص ساعة والان بـ 190 - 195
انا كنت شاري مبلغ كبير على 205 واتصلت بتلاتة صرافة من صرافة الحميدية
قبل ما اشتري
واذا عندك انا باخد وهلق بحدد موعد معك

[alternative]

اليوم كانت نقطة دخول مجزية للمضاربين
وهاد حسابي انا لا يلزم حدا
اقرأ وارمي بالبحر
هاد رايي الشخصي لا يلزم احد ابدا

[Dynamic Pulse]

اقتباس: المشاركة الأصلية كتبت بواسطة د. همكي    ويستمر الشعب السوري باعتماد "نظرية المؤامرة"

مقبولة منك دكتور

أنا من جهتي بعد الشي يللي صار ببلدي وقت عم بمشي عم أتلفت ورايي

[ابوموفق]

اقتباس: المشاركة الأصلية كتبت بواسطة لقماان    مسا الخير أخ أبو موفق اذا أنا عمؤول انو أكيد هللأ السعر نزل بس ما سألت ليش عمتؤول لاء نزل............. أؤول مسا الخير بالأول وبعدين اكتب السعر حمص مساء عصرا 185 195 و بنكون الك من الشاكرين ..... [/center]

مساء الخير ..... لا تؤاخذني من شدة الرواق بحمص بننسى السلام أحياناً

[hesham]

السؤال الذي ننتظر جوابه جميعا
هو
هل وصل السعر الى القاع
هل حان وقت الدخول
هل من الافضل الدخول بثلث المبلغ ام بنصف المبلغ ام بكامل المبلغ
أعتقد ان العديد منا قد اجاب على هذا السؤال والاخرين في حال تردد
نأمل من الله التوفيق لكل من اراد الدخول ولكل من قرر الترقب والانتظار ولكل من اراد الخروج

[fearless]

سرقة علنية
الانخفاض الكبير في سعر صرف الدولار مقابل الليرة لايذكرنا الا بالارتفاع المفاجئ منذ عدة ايام حين وصول السعر الى 350
الامر الذي يجعلنا متاكدين ان الجهة التي رفعت السعر الى 350 هي الوحيدة القادرة على ارجاعها ال مستويات دون ال200 في غضون ايام قليلة
فالجهة التي باعت ب 350 اليوم ذاتها تشتري ب190
السؤال الذي يطرح نفسه هو:
لماذا تركت اسعار الصرف والمواد الغذائية تصل لهذا المستوى طالما لديكم القدرة على ضبطها؟
المواطن تزعزعت ثقته بالليرة وانتم السبب

((منقول))