صالة أسعار صرف الدولار وباقي العملات و أسعار الذهب مقابل الليرة السورية ليوم الثلاثاء 16-7-2013

[AYMTAL]

السلام عليكم

انشاء الله يستمر الهبوط هذا اليوم و يستمر تدخل المركزي

أعتقد أن السعر سيكون 235

دمتم بخير

[sajed]

تنويه مع عتب بمحبة:

ليلة أمس نقلت رأي دار الافتاء في حلب حول الاحتكار والتلاعب بقوت الناس وكان النصح فيها عام وللكل (من رأس الحكومة وحتى بائع اسطوانة الغاز).

كان لأحد الأعضاء رأي آخر في أن تكون هذه المشاركة ضمن باب الاقتصاد والاسلام وطلب من المشرفين نقلها، بالطبع أنا أحترم رأيه، ولكن هاتيك المشاركة كانت للتناصح ولكي يراها كل الأعضاء الكرام وكذلك الزوار الكثر الذين يشرفون المنتدى بزياراتهم.

هل رأيتم أيها الأخوة الأفاضل بأن النصح الرباني والرسولي يتنافى مع الاقتصاد؟

هل رأيتم ماذا كتب على الدولار الأمريكي؟؟:

In God we trust
(نحن نؤمن بالله)

وأنا أقول من لايؤمن بالله ولايخشاه لايخشى الناس ولايبالي بهم ولابحالهم ولابعيشهم

وكل الأديان فيها حث على الرحمة بين الناس والتعاطف والتكافل وتحريم أكل الأموال بالباطل وبالربا أو الاحتكار

هدانا الله كي ننفع وننتفع وهو النافع الحكيم

[جوليت]

مسا الخير
سعر التدخل غدا 215

[النسر]

ارجو من المغتربين بهالكام يوم ما يحولو مصاري بمستر يونيون بسبب عدم المصداقية
فرع مدينة حماه (ما بعرف اذا كان الوضع كمان بباقي الفروعة )
يوجد لدي حوالةخارجيةمرسلة من عشرة ايام وكل يوم عند مراجعة الفرع هناك عذر
ابتداء من عطل بالشبكة الى عدم توفر النقود اخرا.. مع التاكيد بان الحوالة قد وصلت الى سورية
اقتضى التنويه لان اغلب المصاري المحولة هي من موظفين في دول الخليج الى اهلهم في سورية
الذين هم بالغالب ينطرونها على احر من الجمر

[ابو الحسن عمر]

السلام عليكم ورحمة الله وبركاته

وكل عام والجميع بألف خير

ورمضان كريم على الجميغ والله يفرج على شعبنا بأسرع ما يمكن


اليوم كنت ماشي من جنب مكتب الشعار وقلت لشوف شو الاسعار وجدت السعر 237 شراء 245 مبيع

انبسطت والله قلت منيح عم ينزل ها المغضوب يلي هالك ها الشعب بس انتبهت على الحيط برا شغلة متل النعوة وهي مو نعوة قرأتها مكتوب برأس الصفحة تعهد يعني (( شقفة تعهد))
من شي 30 سطر وانا عم اقرأ فيه لاحظت جملة غريبة عجيبة يعني متل يلي كبوا مي على قفاه شو ها الجملة كانت
(( يتوجب على من اشترى قطع اجنبي او يتعهد الشاري ببيعه لمصرف او مكتب او شركة صرافة ))
يعني اذا واحد منكم اشترى قطع اجنبي من بنك او مكتب او شركة صرافة يتوجب عليه اذا اراد بيعه ان يبيعه فقط الى مصرف او شركة او مكتب صرافة فقط يعني هي متل البضائع المحصور بيعها كمادة التبغ المزروع محليا ممنوع بيع الا للدولة

فتأمل يا رعاك الله على شقفة تعهد
مو ناقص غير يقولوا لازم يرجعها نفسها للقطع الاجنبي يعني لازم يصوروها قبل ما يبيعوها منشان ما تغشوهم

والله لنكيف على الدعاوي بكرة مخالفة انظمة قطع هادا ادنى احتمال

يا ريت نسمع رأيكم او اذا في حدا عندو صورة عن التعهد

[ابو بلال]

لك بس بدي اعرف على اي مبدأ اقتصادي ماشيين .. وشو الخطة يلي عم يمشوا عليها (ان وجدت)
دولتنا من يوم يومها غير شكل .. وبكل شي
الدب صار بيعرف ان استقرار السعر اهم من انخفاضه .. وهنن لسا بيخفضوا كم ليرة وبيرجع بيشد كم ليرتين
هدول قاصدين الارجحة بالسوق لمكاسبهم الشخصية (الوسخة) سواءً المركزي ام كبار الهوامير المرتبطين بالمركزي
ولما شافوا ان اللعبة بفرق ليرات ما عم توفي معهم .. بلشوا اللعبة الكبيرة تبع سحب الدولار من البيوت .
مو على اساس قال ميالة انه بغياب الامن مستحيل يرجع ينزل سعر صرف الدولار , وبعده بخطاب الرئيس قال الوضع الاقتصادي مرتبط بالوضع الامني .. شو عدا ما بدا .. تحسن الوضع الامني ونحنا مو حاسين !!!؟؟؟
المعارك حول الشام كل يوم اكبر من اليوم يلي قبله والدخان الاسود كل ماله عم يزيد ..
الانخفاض مؤقققققققققققت ولو اني بتمنى يكون دائم .. ديروا بالكم ..
قصة الدولار المزور بالسوق داخلة ضمن المعادلة .. واحتمال يصير سحب الدولار الاصلي وضخ بطريقة غير مباشرة لدولار مزور .
والله يحمي هالشعب المعتر يلي ماشي مع القطيع .. لاء والمشكلة ان يلي عم يسوق القطيع هوة ......./بلا ذكر اسماء/

[دلشاد]

مساء الخير
وإن شاء الله المسايات القادمة تكون مسايات أمن وأمان
وما بنقول غير: يا رب فرجك .. الناس تعبت .. تعبت كتير ..

[أبو العلاء المعري]

اقتباس: المشاركة الأصلية كتبت بواسطة النسر    ارجو من المغتربين بهالكام يوم ما يحولو مصاري بمستر يونيون بسبب عدم المصداقية فرع مدينة حماه (ما بعرف اذا كان الوضع كمان بباقي الفروعة ) يوجد لدي حوالةخارجيةمرسلة من عشرة ايام وكل يوم عند مراجعة الفرع هناك عذر ابتداء من عطل بالشبكة الى عدم توفر النقود اخرا.. مع التاكيد بان الحوالة قد وصلت الى سورية اقتضى التنويه لان اغلب المصاري المحولة هي من موظفين في دول الخليج الى اهلهم في سورية الذين هم بالغالب ينطرونها على احر من الجمر

أحسنت أخي النسر، و بارك الله بيك
من شدة قذارتهم، و استهزائهم بهذا الشعب، نفس المشكلة تتكرر مع كل المراجعين، و هم يحاولون تأخير تسليم الحوالات لمعرفتهم بأن سعر الصرف للعملات في هبوط مستمر كل يوم، طمعاً منهم بالنصب و الاحتيال و الربح على حساب الزبائن.
يجب عمل حملة كشف التلاعب من قبل هذه الشركة و غيرها بقوت الشعب و غمض عيون السلطات النقدية عنهم إما بالتوافق أو بالتغاضي.
و اللي استحوا ماتوا

[عابر مجيب]

اقتباس: المشاركة الأصلية كتبت بواسطة النسر    ارجو من المغتربين بهالكام يوم ما يحولو مصاري بمستر يونيون بسبب عدم المصداقية فرع مدينة حماه (ما بعرف اذا كان الوضع كمان بباقي الفروعة ) يوجد لدي حوالةخارجيةمرسلة من عشرة ايام وكل يوم عند مراجعة الفرع هناك عذر ابتداء من عطل بالشبكة الى عدم توفر النقود اخرا.. مع التاكيد بان الحوالة قد وصلت الى سورية اقتضى التنويه لان اغلب المصاري المحولة هي من موظفين في دول الخليج الى اهلهم في سورية الذين هم بالغالب ينطرونها على احر من الجمر

أخي النسر ، الحمد لله على كل حال ، رب ضارة نافعة
ربما هذا من حسن حظ اصحاب الحوالات
فسيكون سعر الاستلام افضل في ظل تحسن سعر صرف الليرة
على ان هذا لايمنع من مقاطعة كل متلاعب
يمكن التعويض عن الشبكة بالهاتف أو الفاكس والتدوين يدويا
ولن يعدم الوسيلة من يود المساعدة

[المضارب الحسكاوي]

اقتباس: المشاركة الأصلية كتبت بواسطة جوليت    مسا الخير سعر التدخل غدا 215

مسا الخيرات
اي هاي هي الاخبار الحلوة بس ممكن نعرف مصدر الخبر انسة جوليت