صالة أسعار صرف الدولار وباقي العملات ليوم الأحد 14 -7-2013

[باسل غ]

اقتباس: المشاركة الأصلية كتبت بواسطة expert    حتى لو اعتبرنا انو المركزي بدأ ضغط حقيقي لخفض السعر بس الخفض يللي جرى من 247.5 الى 245.5 يعني ليرتين بسسسسسسسس وعلى هالمنوال بدهم شهور لختى يوصل السعر الى حيطان ال200 بفرض ثبات الاوضاع العسكرية والسياسية . انا بحب اكون متفائل بس ما عم الاقي اي ارضية ابني عليها تفاؤلي مع الاسف الوضع بحلب يتجه للاسوا وكل الحلول المطروحة على الارض هي حلول اعلامية وتخديرية لا تاثير حقيقي لها يعني بضع شاحنات تحمل مواد غذائية ما تاثيرها على مدينة محاصرة فيها 3-4 ملايين نسمة متل صائم عطيته على الافطار حبة بزر

اخي مانك مضطر تتفائل خليك متشائم

__________________________________________________ __

الحمد الله

بلش ينزل الدولار بكل المحافظات وعلى الحدود

وكتير مبسوط بهل النزله ما كرمال اشتري لاا والله صدق ما عندي ولاا قرش على السوري

مبسوط لانو حاولت ساعد اكبر عدد انو ما يشتروا باسعار مرتفعه

الله يحميكم ويحمي اموالكم

__________________________________________________ ____

السعر اليوم حلب

شراء بين 247_252_________________مبيع 252_257

مع ميول عام للبيع

[Abo Marwan]

العالم بلشت تبيع الدولار

[Abo Marwan]

اقتباس: المشاركة الأصلية كتبت بواسطة باسل غ    اخي مانك مضطر تتفائل خليك متشائم __________________________________________________ __ الحمد الله بلش ينزل الدولار بكل المحافظات وعلى الحدود وكتير مبسوط بهل النزله ما كرمال اشتري لاا والله صدق ما عندي ولاا قرش على السوري مبسوط لانو حاولت ساعد اكبر عدد انو ما يشتروا باسعار مرتفعه الله يحميكم ويحمي اموالكم __________________________________________________ ____ السعر اليوم حلب شراء بين 247_252_________________مبيع 252_257 مع ميول عام للبيع

[Abo Marwan]

حماه

سعر الشراء الان هو بين 240- 245في احسن الاحوال

المبيع بين 252-255

[basem_smk]

بلش الخير يبين بالشام
شراء 250
مبيع 260

[حمصي مع سبق الاصرار]

نهار سعيد للجميع
للاعضاء و المواطنين و الوطن

[abo-mhmad]

اقتباس: المشاركة الأصلية كتبت بواسطة expert    حتى لو اعتبرنا انو المركزي بدأ ضغط حقيقي لخفض السعر بس الخفض يللي جرى من 247.5 الى 245.5 يعني ليرتين بسسسسسسسس وعلى هالمنوال بدهم شهور لختى يوصل السعر الى حيطان ال200 بفرض ثبات الاوضاع العسكرية والسياسية . انا بحب اكون متفائل بس ما عم الاقي اي ارضية ابني عليها تفاؤلي مع الاسف الوضع بحلب يتجه للاسوا وكل الحلول المطروحة على الارض هي حلول اعلامية وتخديرية لا تاثير حقيقي لها يعني بضع شاحنات تحمل مواد غذائية ما تاثيرها على مدينة محاصرة فيها 3-4 ملايين نسمة متل صائم عطيته على الافطار حبة بزر

بس هيك ما اعطيت اهمية للدولار يلي مع المواطنين ويلي كميتو مو قليله بنوب
واكيد الناس رح تبلش تخاف وتنزل تبيع ومن هون ليره ومن هون ليره اذا استمرت هالسياسة لمدة اسبوع رح نشوف الدولار تحت 200

[جوليت]

مرحبا للجميع
بعد انتهاء جلسة التدخل اليوم البيع للمواطنين 250 ومافي الا مصدر واحد وهو موقع الاقتصادي قال انو البيع 240 مين عندو معلومات يخبرنا ولكن رجاءا يحكي الواقع وليس امنياتو

[حمصي مع سبق الاصرار]

انتهى "اجتماع مصرف سورية المركزي" اليوم مع شركات الصرافة اليوم بقرار بيع الشركات دولار بكمية تتراوح بين 100 و200 ألف دولار بسعر 237.50 ليرة وعلى ان تباع للشركات والأفراد بسعر 240 ليرة، بارتفاع قدره 2.5 ليرة، بحسب ما علم موقع "الاقتصادي" من مصدر مطلع.

وبهذا السعر يكون المركزي قد خفض سعر مبيعه من الدولار لشركات الصرافة عن الأسبوع الماضي بمقدار 10 ليرات، حيث باعهم وقتها كميات من الدولار بسعر 247.50 ليرة عى أن تباع بسعر 250 ليرة لشركات الصرافة والمواطنين.

وبحسب مراسل "الاقتصادي" فقد حصلت معظم الشركات اليوم على المبالغ المخصصة من الدولار، وبدأت ببيع الدولار للمواطنين من اليوم.

وكان حاكم "مصرف سورية المركزي" أديب ميالة، أشار إلى دعم المصرف للمستوردات الحكومية والخاصة، مؤكدا أن أعلى سعر صرف للدولار وصل إليه، بالنسبة لمستوردات الدولة 130 ليرة سورية، ما يعني أن مؤسسات التجارة الخارجية تأخذ القطع الأجنبي من "المصرف التجاري السوري" بـ130 ليرة سورية للدولار، وبالتالي فإن هوامش ذبذبة الأسعار المطبقة على مؤسسات الدولة، التي تقوم بالاستيراد قليلة جدا ولا يجب أن يكون أي تأثير للسعر على المستهلك.

وأقرت اللجنة الاقتصادية المصغرة برئاسة رئيس الحكومة وائل الحلقي في وقت سابق، على مشروع قانون تشريعي يقضي بتجريم كل من يتعامل بغير الليرة السورية عبر فرض غرامات مالية وعقوبة بالسجن تتراوح بين 3 الى 10 سنوات، وذلك بهدف ردع المتلاعبين بالأسعار في السوق واستغلال حاجة المواطنين على أن يتم عرضه على الجهات المعنية ليتم إصداره أصولا.

كما أقر نتائج اجتماع حاكم "مصرف سورية المركزي" مع شركات الصرافة بضخ حاجة السوق من الدولار مرتين أسبوعيا وبسعر بيع للتجار والمواطنين 250 ل.س للدولار.

وكان الدولار في السوق السوداء ارتفع مؤخرا إلى سعر قياسي لم يتحقق في تاريخ سورية، حيث وصل في بعض الحالات إلى 300 ليرة للمبيع، ما أدى إلى ارتفاع كبير في أسعار المنتجات والمواد في الأسواق، وشعور المواطنين السوريين بالضيق من هذا الارتفاع الكبير خاصة مع بدء شهر رمضان.

وجاء هذا الارتفاع بعدما قفز سعر الدولار 18 الشهر الماضي إلى سعر 205 ليرات للمبيع و200 ليرة للشراء، ومالبث أن انخفض 15 ليرة خلال يومين ثم عاد للارتفاع تدريجيا حتى وصل لهذا السعر.

[GoldMan$]

اللاذقية الان ..

شراء 250

مبيع 260

مع التوقع ان يصل السعر لى 240 - 250 والله اعلم