صالون سيرياستوكس للعطلات(10-11-12-13)-تموز 2013

[رندة]

[حمصي مع سبق الاصرار]

اقتباس: المشاركة الأصلية كتبت بواسطة غسان    شكرا لك... اذا فرضنا ان الاقتباس سيظهر بدون اسم ولكن صاحب الكلام يعرف كلامه وسيقوم بالرد والرد المضاد ولن تنحل المسألة المشكلة هي عدم تقبل الاخر و عدم فهم دوافعه ومخاوفه بالاضافة الى محاولة التشكيك بالنوايا والسخرية ايضا الاسلوب الخاطئ في التعبير عن الرأي يعطي مفعولا سلبيا لان الطرف الاخر يكون متوترا وكلمة في غير مكانها تعطي نتيجة كبيرة

شكرا لاهتمامك
ولكن اذا تم الرد و الرد المضاد فسيخلق نقاش و حوار عام
و اذا تقبلت رؤيتي فاعتقد انه شيء ايجابي و نرغبه

[omar1964]

اقتباس: المشاركة الأصلية كتبت بواسطة najm    مساء الخير جميعا وشكرا لك صديقي حسام الكبير وتعيش وتترحم . ستي توفت عن عمر يناهز التسعين عاما وخلفت 11 ابنا وبنت وأحفاد يصعب احصائهم وابناء الاحفاد كثر ايضا .. عدا الوفيات المبكرة من ابنائها والطروح نظرا لتخلف الطب وممارسته على زمانها عدا عن الجهل حيث كان عمرها لا يتجاوز 13 عام عندما تزوجت من جدي رحمه الله وهو نفسه كان صغيرا حمل هم المسؤولية على صغر وكان نشيط وشغيل وعصامي بنى نفسه بنفسه وعيشها أحسن عيشة وكان ما يناديلها غير ست سعدو ( اسمها سعاد ) ودللها لاخر عمره بالمختصر عاشت حياتها بطولها وعرضها بكل ما فيها من افراح واطراح وأخدت نصيبها من الدنية ورحلت بدون عذاب ومرض الحمد لله .. بس بأخر سنتين مسكينة ادمنت على سماع الاخبار وهالشي اثر كتير على اعصابها ونفسيتها حتى خالاتي الموجودين معها بنفس البيت حاولوا منعها بكل الوسائل بعدم مشاهدة الاخبار ومناظر الموت والدمار وهي زكية وبكامل وعيها بالمناسبة ... كان جوابها لهم دائما كيف تطلبون مني أن أتجاهل كل ما يحدث ؟؟ كيف تطلبون مني أن اتسلى بمشاهدت المسلسلات والحفلات وغيري من الامهات تموت ابنائهم امام اعينهم وبيوت تدمر وبلد يحترق ؟؟.. رحمها الله مثلها مثل حال كل السورين عين ترى وقلب يدمع وما باليد حيلة .. لن اقلب عليكم الصالون مسلسل هندي لان ما حدا ناقص زعل .. أردت القول بالمخصر هذه حال الدنيا وانا لله وانا اليه راجعون . واحسن الله اليك ولكل من عزاني بوفاتها .

صباح الخير
إنا لله و إنا إليه راجعون
عظم الله أجركم
الله يرحما و يجعل مثواها الجنة
أخي نجم
بعض الناس بتفتكر أحيانا ان الختيار اذا مات ما كتير بينزعل عليه
عادة بيقولوا ختيار اكل عمره
لما مات أبي بعد حياة طويلة
و فترة مرض كانت مقدمة لوفاته ..
تفاجأت بحالي شقد زعلت و بكيت عليه
الانسان كل ما عاش فترة أطول بيكبر حجم الذكريات و الاحداث الي بيتشارك فيها مع المحيطين فيه.

[رندة]

[رندة]

[حمصي مع سبق الاصرار]

اقتباس: المشاركة الأصلية كتبت بواسطة لقماان    ولاو يا حومصي مع سبق الاصرار و الترصد..... انت من عضام الرئبة .... أهلا و سهلا وة مرحبا بك .. و راح أعطيك بطائة حمصانية ..مشان اذا حدن دايئك بشي ..بس الو انك من طرف أبو حكيم و تروك البائي عليه .. أكيد وئتا راحد يدايئك و يدايئني .. و بتعرف انو الحمل على الجماعة بيخف فبكون أخدت عنك كتف ............

شكرا اخي ابو حكيم
ما بتوقع من حدا حمصي اقل من هيك
يمكن انت قلتها بمزح بس انا عم احكي من تجربة

[omar1964]

كان براسي كتير شغلات
بدي انقلها للصالون او اكتبها
نمت من التعب بعد المغرب
طارت كلها ..
بدا فترة ليرجع المعالج يشتغل منيح
الصيام سهل
بس بعد الأكل هي الفترة الأصعب .

[غالب]

مساء الخير
يسعد مساكم جميعا

اعانكم الله على الصيام

[حمصي مع سبق الاصرار]

مرة كان غاندي مسرعا ليلحق القطار و عندما قفز الى باب القطار لحظة سيره وقعت فردة حذائه
و فور صعوده القطار ركض مسرعا الى النافذة و رمى بالفردة الاخرى قرب الاولى
فتعجب مرافقوه من فعله و سألوه
أجاب : حتى اذا وجده أحد ما يستطيع الاستفادة منه
كثيرا ما افكر بهذه الفعلة و هذه العفوية الانسانية

[omar1964]

السيد رئيس الوزراء و السادة الوزراء مو فاضين للشعب بدن يأمنو مستقبل اولادهم
اذ كنت طالب جامعة او عندك ولد بالجامعة بتعرف شو قيمة هالكتاب ..
--------

هي المشاركة من صالة الدولار نزلتا مبارح
أنا ما عندي شي ضد السيد الدكتور وائل الحلقي رئيس الوزراء
و لما كان نقيب أطباء كانت سمعته ممتازة بالنقابة
بس لما بيكون هوي بعمري "و يمكن كنا زملاء بمدرسة السعادة بالبكالوريا"
ما فيني و ما فكر..
يعني نقل طالب من طب حلب لطب الشام بدو استثناء ( الطب خاصة النقل ممنوع )
بس عادي طالما الجامعتين تابعين لوزارة التعليم العالي.
أما نقل طالب من جامعة خاصة للجامعة الحكومية ..
ما بدو غير الكلمة السحرية.. استنادا للتوجيه
و أنا ضليت شهرين لحتى قدرت جيب كشف علامات لابني من جامعة حلب ...!!
---
ملاحظة أستاذ عابر انا كتير سعيد بردودك الي ما فيها الا محاولة لاحقاق الحق
و ثق تماما اني هيك بحب يكون الكلام بدون نفاق بدون رياء او تعصب لفكرة او شخص لازم نبين وين الغلط ..
بالعكس قمة الصح انك تنبه صديقك اذا كان غلطان ..
بس يمكن هالمسألة بالنسبة الي ذاتية شوي كوني ضليت اتعذب شهرين منشان كشف علامات و سنتين الو ابني سنة تالتة رسوب اجباري ( ما رسب بعمره ) و ما عم اتمكن من نقله لجامعة تانية و ع حلب ما رح ابعتو حتى لو طردو من الجامعة .