صالة أسعار صرف العملات والذهب ليوم الخميس 11 -7 -2013

[المضارب الحسكاوي]

يوم سعيد للجميع ورمضان كريم مع الدعاء للمناطق المنكوبة والمحاصرة

[tareq555]

المركزي قال انوا باع مكاتب الصرافة عال 247.5 مشان يبيعوا عال 250 اذا حدا عرف اي شركات اللي عم تبيع يخبرنا

[S.O.S]

صباح الخير للجميع
ويوم مبارك على الجميع

[Hisham AA]

اختفاء الصرافين من البلد
لهذا انخفض الدولار

هل هذا صحيح؟

[abdullah.id]

يسعد صباحكم جميعا
عساكم بخير وصحة وعافية
اليوم مراقبة وضع سعر الصرف مهم واليومين القادمين رح تكون الامور أوضح
بعتقد حسب تجاربنا السابقة في حال ارتفاع السعر او استقراره اليوم واليومين القادمين بحدود 270-280 يدل على ضعف تأثير قرار الضخ المعلن عنه في السوق (مع العلم ان اليوم الخميس يعني بيضل السوق فيه نوع من الحذر)
وعندها سنشاهد السيناريو الذي شاهدناه من شهر باستقرار عدة ايام بحدود 184-190 بعد الاعلان عن بيع المركزي لشركات الصرافة على سعر 178 ثم انطلاق السعر الى الارتفاع بشكل جنوني ولكن هذه المرة بشدة اكبر من المرحلة السابقة
المشكلة انو ما حدا فينا رضيان الدولار يرتفع لان ايرادنا ومصروفنا اليومي بالليرة السورية والارتفاع الموقت بفرح يلي عم يبحث عن ربح بس بعد البيع رح يحس بألم ارتفاع السعر يلي ما في حدا بالبلد ما اتأثر منو
لكن بنفس الوقت المؤمن لا يلدغ من جحر مرتين
يعني ما بدنا ينزل الدولار بالأحلام والأماني منشان نلاقي بالواقع ان انخرب بيت العالم يلي عم تعتمد على قرائاتها بالمنتدى من قبل أهل الخبرة والمعرفة يلي المفترض كل الاعضاء بالمنتدى يكونوا عم يعكسوا وواقع السوق وتحليل مستقبلي بشفافية مو واقع السعر يلي عاجبن (طبعا انا بشكر كتير من الاساتذة الأعضاء والمشرفين بالمنتدى يلي فعلا بحاولوا يقدموا خبرتهن لنستفيد بشكل واقعي ومنطقي والله يجزيهن عنا الخير)
كلنا حابين ومتمنيين نشوف قرارات بتطمن القلب انو هالقرار ناجع وممكن انو فعلا يخفض الدولار او بأسوء الحالات يجعل السعر يستقر بالسوق لفترة معقولة للكل يرتاح بس للاسف لحد الان ما عم نشوف من المركزي غير تكرار لسناريوهات سابقة كلنا لمسنا نتائجها
وكمان شي تاني بقلبي حابب احكي انو المركزي روح قلبو يطلع القرار بعد ما تكون العالم اشترت بسعر تجار الصرافة بيصيرو يخافو منو يعني ليش ما يتدخل المركزي قبل ما نوصل لهالمواصيل وبشكل سريع ومتوالي (يعني المرة الماضية عال 225 وهي المرة عال325)وبترجع العالم بتبيع بسرعة للتجار بسعر رخيص وبتخسر منشان ينعاد الموضوع كل مرة وبالاخر السعر بشكل عام بارتفاع دائم والمواطن بشكل عام هو الخاسر الوحيد
يعني مو حابب المركزي يغير اسلوب العلاج الفاشل تبعو لك أضعف الايمان وكمثال يسمح للعالم تقبض حوالاتها الواردة بنفس العملة (بالمختصر عم حس انو المركزي عم يكمل عالعالم)
بس الله يفرج احسن شي
اللهم بدل حالنا وحال امتنا الى احسن حال
ومرة ثانية يسعد صباحكم ورمضان كريم وبعتذر عالاطالة

[sam sam]

صباح الخير
اليوم يوم الهجوم على بيع الدولار من المضاربين وسوف نشهد هبوط في الدولار الى 220
بسسب وضوح الخبر

[sam sam]

في عالم واقفه على باب الصراف قبل مايفتح

[zizo]

صباح الخير للجميع

[thaer00]

صباح الخير : انا متابع منذ فترة للمنتدى الجميل بمضمونه وشكله واعضاءه ولست خبيرا في المضاربة واليوم فقط سجلت في المنتدى ونشرت هذا المقال المنقول عن دام برس وعسى ان يشارك بعضكم بالتعليق عليه ولكم الشكر جميعا



دام برس:


هل سمعت بخطة سحب الدولار من سوريا .. ايها السوريون اقرؤا و افهموا كل حرف من هذا المنشور الذي كنت شاهداُ على جزء منه : منذ ثلاثة اشهر تم التخطيط لسحب اكبر كميه من الدولار الاصلي من سوريا وضخ بدلاً منه دولاراُ مزوراً , و حتى لا يتم كشف هذا البرنامج تم تزوير مليار دولار بعنايه فائقه في تركيا و تم تهريبها الى سوريا و حتى يتم ضخها بالسوق بأمان و دون ان تنكشف عملية التزوير لابد من إشعال حمى الحصول على الدولار و بأي سعر و هنا بدأ للاسف سعار الحصول على الدولار و بأي سعر نعم بأي سعر و هنا بدأ سعر الدولار يطير و يحلق عالياً بسرعه اكبر بكثير من المخطط حيث كانت المده المقرره هي خمسة اشهر للوصول إلى سعر حوالي 300 ليره الآن سيبدؤا ببيع الدولار بأكثر من هذا السعر حيث مقابل المليار دولار المزور سيحصلون على اكثر من 300 مليار ليره .
و حين يكتشف من اشترى الدولار في مرحلة السعار ان دولاراته مزوره او جزء منها فلن يتجرأ ان يصرح عنها و هنا يبدأ الدولار بالهبوط و السعر الهدف هو 100 ليره للدولار و هنا سيقومون يشراء الدولار اصلي من السوق وبهدوء حيث يملكون 300 مليار ليره و مقابلها سيحصلون على 3 مليار دولار شرعي اصلي من مالكم.
ايها السوريون . هذا ماخططوه لكم و أنتم تقومون بتنفيذه بدقه و سرعه منقطعة النظير ادهشت المزورين انفسهم . و على الارجح و هذا الامرلم استطع التحقق منه بعد و هو ان الدوله السوريه على علم بهذا المخطط و هي تراقب عن قرب ما يحصل دون ان تتدخل نهائياً حتى اللحظه المناسبه ) سياسة حافة الهاويه ( و عندها ستنقض على الجميع و كل من يحمل او شارك بنشر الدولار المزور سيتحمل اوخم العواقب غير الافلاس الكامل و هو ما تعتبره الدوله افضل عقاب لجامعي الاموال من الشعب و اظن انه منذ اسبوع بدأ الإعلان عن قانون يعاقب من يقتني الدولار بطريقه غير شرعيه ..... اهلي السوريون ارجو منكم ان تفهموا هذا الكلام و تنشروه في اصقاع الارض لتحموا انفسكم اولاُ و احباءكم ثانياٌ من الافلاس الوشيك او السجن... نقلت لكم هذا المخطط التركي الاجرامي لافلاسكم اولا و للتعويض على الاتراك بعض خسائرهم من الاحداث في سوريا .... ارجوكم افهموا ولا تكونوا اعداء انفسكم بعد ان عاداكم نصف العالم .....اللهم اشهد إني قد بلغت

[zizo]

بحياتو مارح يصل لل 220 وبكرة بتشوف أقصدي اليوم بتشوف
يعني معقول المركزي عم يبيع بحدود 250 وينزل بالسوق مادون حدود المركزي مستحيلة يازلمة؟؟؟!!