صالة أسعار صرف الدولار وباقي العملات و أسعار الذهب مقابل الليرة السورية ليوم الاثنين 8 -7-2013

[حمصي مع سبق الاصرار]

اقتباس: المشاركة الأصلية كتبت بواسطة عابر مجيب    الجنيه المصري خارج عن المعادلة ، السعر الوارد هنا هو السعر الحقيقي ربما ، ولكن بسبب الأحوال الأمنية في مصر ، هنالك تخوف . وقد علمت بالصدفة جاءني شخص وقال عنده جنيه ، فتحت موقع العملات إكس دوت كوم ، وقلتلو حولي 34 فأجابني بثقة هاد هو . ظنني أعمل بالصرافة وأنني سأشتري ، ولكنه متشكك فقال لي ، يلا دبرلنا ياهون . قلت والله لا أدري ، جاري هنا لا اتعامل معه فمنذ مدة لم يطلب زبون دولار والكل يحضرون دولاراتهم معهم ، وأصلا قاطعتو. سألت صراف بعيد على الهاتف فقال ، لا يمكن اعطاء سعر اليوم ، لأني بتقول سعر بيقول كتير وقليل ، بكل حال هو بين 20 -25 . طبعا كنت سعيد باكتشاف الواطي اللي عندي واللي كان بدو يخورفني ، قام راح مفقوس . بس بيضل مطيلس ! اليوم سألني عن الدولار ، قلتلو 215 وما حدا عم يشتري ، قال دافعين 230 قلتلو بسرعة بيع . وكان السعر بالموقع هون اللي بالعادة اقل ، 247 . وكان فيه يلاقي 255 برياحة big grin ولساه مقتنع اني صراف ! والله عمري ماغشيت ولا سمسرت على حدا ، بس كان عندي رغبة زتو من فوق خزان المي :stickouttongue الغشاش بيفكر حالو كسبان مابيعرف شو بينحفرلو بالمقابل . لأول مرة بستمتع بالحقارة

سيد عابر بلاها هالزتة من فوق الخزانات احسن ما يفكروك من جماعة مصر و خصوصا انو طلب جنيه
و نحنا منعرفك ما بتعملا

[سوريا الله حاميها أكيد]

انو الواحد يعمل حالو عراف ماشي , كذب الكذبة وصدقا ماشي , بس يبلش يفرضا عالعالم انو حقيقية اي لا يسمحلنا فيا اصدي تسمحلنا فيا (جنين لساتو برحم امو سواء كانت امو معارضة ولا مانا معارضة صار يعرف الدولار عاطلوع )

[عابر مجيب]

اقتباس: المشاركة الأصلية كتبت بواسطة shereen    ههههههههه 230 ههههههه يعني اليوم 280 في ناس اشترت على هاد السعر يعني بكرة بيستقر على 275 270--- مو لل 230 هههههه

نحنا ساعات بنتمنى أمنيات وبياخدنا الحلم والأمل
مع اني متمني ما تنزل الليرة لأنها بتضر الكل ، كمان مابتمنى ترتفع بعد نزول حتى ما يستفاد المضارب ، الليرة مو مستحملة ، وفي مؤذيين كتير عم يستغلوا وبلا ما حدا يساعدهم بدون قصد .
أرجو ثبات الليرة مهما كان السعر ، واتمنى ان لا تقفز ، لا مناص من الهبوط ولكن أرجو أن لا يزيد على ليرة أو نصف يوميا .

[fearless]

اقتباس: المشاركة الأصلية كتبت بواسطة alternative    الدولار بكرة الله العليم على صعود يلي عم يقول بدو يهدي للاسف ما في مؤشرات ما حدا بين ولا حدا نشرلوا اشاعة بلاساس موضوع 1000 يورو طلعت كذبة كبيرة وسبحان الله بعد قرار الالف يورو تعطلت الشبكة ولهلق يمكن ما تصلحت اليوم يلي بينزل المسا على اسواق دمشق للغذائيات متل باب سريجة بيشوف العجايب ما في قرنة تحط رجلك حتى موضوع مقاطعة الفروج والبيض للاسف اليوم انتهت لانو لاحظت في كثافة كبيرة على المنتجات المذكورة وهاد شي طبيعي لانو العالم قاطعت بالفعل بس ما لقوا انو في نتيجة واليوم صار المسا ضخ ليرة سورية بدمشق بشكل كبير لشراء حاجات رمضان وبكرة اكيد هالكتلة يلي ضخت لح تروح عالدولار اما بشكل مباشر او بشكل غير مباشر من خلال تعويض المحلات الغذائية للمواد يلي بيعت اليوم لذلك انتمنى فقط تثبيت الدولار عند مستوى 300 برمضان وبعدين يطير لوين ما بدو والغريب لك وين الفقر يلي عم تحكو عنو والله اليوم الناس بدمشق عم تشتري ولا هامها السعر اديش عم تدفع وتمشي

الناس اللي عم تشتري مواد غذائية خصوصا مو موضوع مو هاممها أديش السعر
بس الناس عم تشوف المصاري اللي معها عم تفقد قيمتها وتتبخر شوي شوي
فبتقول خليني أشتري مواد غذائية ولو بالغالي وأمن حالي برمضان أحسن ماتضل هالمصاري بأيدي و عم تخسر والمواد عم تطلع
يعني إنعدام الثقة بالليرة عم يدفع الناس لصرفها وشراء المواد و حتى لو بأسعار مرتفعه و هاد كمان عم يشكل عامل ضغط تاني لرفع أسعار المواد عدا عن إرتفاع الدولار
اليوم موزع أجبان و ألبان وموزع زيتون بالمرجة مو صفيان عندهم بضاعة على الرغم من الأسعار المرتفعة

[حمصي مع سبق الاصرار]

انشالله شهر كريم على جميع السوريين
و تمنياتي يكون السنة الجاية ايام اجمل و تكون الازمة صارت ذكرى
و يلي بيصوم صيام مقبول انشالله

[wilcom2009]

اقتباس: المشاركة الأصلية كتبت بواسطة سوريا الله حاميها أكيد    انو الواحد يعمل حالو عراف ماشي , كذب الكذبة وصدقا ماشي , بس يبلش يفرضا عالعالم انو حقيقية اي لا يسمحلنا فيا اصدي تسمحلنا فيا (جنين لساتو برحم امو سواء كانت امو معارضة ولا مانا معارضة صار يعرف الدولار عاطلوع )

يسلم هل تم كلام من دهب لانه في ناس بتقيم غيرها بحسب عدد مشاركاته بلمنتدى سواء قلت او كثرت
وناسيه انه احتمال يكون عنده خبرة تعادل خبرة اكبر خبير بلمنتدى
او ممكن تكون هل عضوية وحدة من عدة عضويات تابعه له
جميل من ينظر للقسم الفارغ من الكأس ونسي القسم الملىء منه
اللهم نسألك علما نافعا لنا وللمسلمين

[samsamo]

ما جرى و يجري يصيبنا بالذهول

[عابر مجيب]

اقتباس: المشاركة الأصلية كتبت بواسطة حمصي مع سبق الاصرار    سيد عابر بلاها هالزتة من فوق الخزانات احسن ما يفكروك من جماعة مصر و خصوصا انو طلب جنيه و نحنا منعرفك ما بتعملا

شكرا على ثقتك
بس في ناس بتطالعك عن طورك وبتحتار شو بدك تعمل وأول ما بيخطر ببالك هو حدث راهن
انا قررت بطل دخان وصارلي يومين ، بس بدي مشكلة

اليوم مريت بالبرامكة وشفت بسطة اشتريت منها مبارح كرز ممتاز بـ 225
اليوم سألت قال 275 قلتلو ليش رفعت السعر شبنا
قال هاد سعرو
قلتلو مبارح اشتريت من عندك ، وكان في شب صغير وهون قاعد وأخدتو 225
قلي مو صحيح هالحكي !
واتفرج عليي
قلتلو انت كلك وبسطتك ما بتسوى عندي فرنكين ، عم تكذبني ؟!
والتم عليه السوق ، مو محبة بالحق والعدل بس من عداوة المنافسة ، لدرجة شفقت عليه .