صباح الخير

أبو عمر

ابتسموا


يوم مبارك للجميع

الله معنا..... فمن علينا ؟؟

قال رسول الله صلى الله عليه وسلم‏:"‏قال ربك جل وعز‏:‏

وعزتي وجلالي لأنتقمن من الظالم في عاجله وآجله ولأنتقمن ممن رأى مظلوماً فقدر أن ينصره فلم يفعل‏"‏‏

المشاركة الأصلية كتبت بواسطة ميرا ابتسموا يوم مبارك للجميع

( وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ ) (إبراهيم :42) .

المشاركة الأصلية كتبت بواسطة عابر مجيب وحدي انا وهالليل عم اكتب ، بس ياريت عندي زر شكر لحالي ههههههههههههه سأل ابو ياسر التالي : ذكر في القانون المذكور أنظمة اخراج وإدخال القطع النافذة، لذلك عندي استفسار حول ما هي قوانين اخراج وإدخال القطع النافذة حاليا؟ وهل تختلف حاليا من بلد لآخر خاصة انو لبنان هو اسهل طريق حاليا القانون بحاجة إلى تفسير وتوضيح للمواطن العادي متل حالاتنا ، لذلك انا بستغرب لما بينشروه ومافي حدا بيفهمو ، بيقول مثلا تلغى الفقرة كذا ألف ، من القانون رقم كذا ، ويعاد العمل بالفقرة دال من كذا وكذا طيب نحنا بنعرف الكذا الأولانية أصلا لنبدلها معلش هاد بينبعت للمحاكم ، نحنا بيقولو ممنوع هيك، ومسموح ( لأ هاد سر مابيقولوه ) منشان يتلبسونا بالحدود ، والقانون لا يحمي المغفلين ، مين بيحمي ؟ الدهاة ؟ هدول مابدهم قانون يحميهم ، بدهم قانون يحمينا منهم . كمواطن عادي بفهم القوانين النافذة : وانت طالع على بيروت بيجيك واحد سلال ، من (النافذة ) تبع السيارة وبيسألك قديش معك مصاري ولا . وشغلة تانية مفيدة استنتجتها ، انو الحكم على المخالف بيكون بالحبس المؤقت ثلاث سنوات مو مؤبد ثلاث سنوات . وغير هيك من السياق ، إذا بدك تشتغل بالصرافة ، لازم يكون في عندك ظهر يحميك . أكتر من هيك ما بقدر فيدك .

المشاركة الأصلية كتبت بواسطة عابر مجيب يسعد صباحك أنو ابتسموا هي ؟ ما عاد عرفنا ، نبتسم ، نضحك ، نمسكها نبوسها أو ناكلها أكل

يعني هيي بتستاهل كان عندي نفس الاحساس انو بدي آكلا

مافي أحلا من ضحكة طفل ليفرفح قلبك عند الصبح

يسعد صباحك

الله معنا..... فمن علينا ؟؟

يسعد صباحك أستاذ عابر
جمعت من أسبوع المواد القانونية ذات العلاقة بمنع التدوال بالعملات الاجنبية لغير المرخصين
التغير الوحيد بموجب المرسوم الجديد هو تحويل الجرم من جنحة الى جناية و بالتالي يصبح الحد الادنى للسجن 3 سنوات و رفع قيمة الغرامة المالية .
و لكن هل هذه المشكلة ...........
مبارح اجاني شب كان يعمل عندي و حاليا يعمل في لبنان
داخل من لبنان و جايب معو الزلمي الف دولار الو و لزملائه بعاتين معو مصروف لأهاليهم .
عالحدود فتشوه و اكتشفو انو بحوزته الف دولار ..
و بعد ساعتين من التحقيق و كيل الاتهامات ( مخرب للإقتصاد ، ممول للإرهاب ... الخ )
و بعد ما باس ميت ايد و رجل و ..
تركوه و أخدو الفيه النصيب .. طبعا بحالته ما في أي جرم .. لا جناية و لاجنحة و لا حتى مخالفة
و لكن المشكلة هي اللاقانون
نفس المشكلة بمصادرة السيارات الشاحنة
حسب القانون في دائرة بوزارة الدفاع مختصة بموضوع التعبئة للسيارات الشاحنة
يحق للجيش أن يستعين بالشاحنات المدنية للنقل..
و المفروض تتسجل الشاحنة هي و سائقئها و بتاخد الشاحنة و السائق أجرة منيحة ..
حتى كانت الناس بالسبعينات تعمل واسطة لتسجل سيارتها بالتعبئة بوزارة الدفاع .
ما يجري حاليا هو مصادرة الشاحنة او السيارة بحجة الدفاع عن الوطن بدون تطبيق اي قانون .
حتى بدون كتابة محضر ضبط. ...!!!
القانون الوحيد الحلو بهالوطن هو القانون تبع الاوتار الي بيعمل موسيقا...
يسعد صباحكم

أبو عمر