صالة أسعار صرف الدولار وباقي العملات ليوم الأربعاء 3-7-2013

[المضارب العنيد]

اقتباس: المشاركة الأصلية كتبت بواسطة mouayad    افتتاح السوق حسب ما قال لي البطحيش تبعي شراء : 114 مبيع : 118 - 120 لنشوف البطحيش تبع ابو محمد ؟؟؟؟؟؟؟

جمعة كلمة بطحيش بطاحيش وهاد واحد منون والبطاحيش كترو هالايام
وانا عندي واحد بس نص طقم سنانو رايح والبقية مسوس مع انو لساتو بعمر 37
هو مافاضي يفرشي سنانو ولو مرة بالشهر الزلمة ماعم يفضى !
وهدول منسميون
بالانكليزي Donkeys
وبالياباني 然能夠以公民是相同

[GoldMan$]

ما تواخذونا ما عم نجيب اسعار اللاذقية دائما بس السوق فايت ببعضو .. لهيك اذا ما متأكد من السعر على الاقل 80% ما عم اذكروا ..

حاليا .. وتقريبا ...
اللاذقية ...

شراء 215 ويصل ببعض احالات لل 217 - - - - مبيع 222 ويصل المبيع عند البعض لل 225

[المضارب الحسكاوي]

القامشلي وتوابعها الساعة واحدة ظهرا شراء دولار 220 بيع 225 اذا وجد مع امتناع اغلب الصرافيين عن البيع

[ابن الجبل]

اقتباس: المشاركة الأصلية كتبت بواسطة alternative    عائلة مكونة من شخصين اديش ممكن يكون مصرفها الشهري وفق مستوى معيشة جيد في ظل الاسعار الحالية يلي عندو خبرة ممكن يساعد

و الله عندك ارقام هائلة من الاحتمالات
و السبب بسيط ( ما فهمتك غللط بس لنقل المعاناة)
رح بلش معك الوسط مو من الصفر في عائلات مصروفها الشهري

1 10000 ليرة سورية 2 10100 ليرة سورية 3 10200 ليرة سورية 4 10300 ليرة سورية 5 10400 ليرة سورية 6 10500 ليرة سورية 7 10600 ليرة سورية 8 10700 ليرة سورية 9 10800 ليرة سورية 10 10900 ليرة سورية 11 11000 ليرة سورية

بيكفي مع مرعاة عدم الدقة في مجال الليرات و العشرات
"مقولة وضعت بآذانا قديش بتطالع بتصرف" و هي لنسبة كبيرة من الناس
اللازم ما حدا عم يفكر فيه من المواطن العادي للحكومة الكل عم يفكر كيف بده يخلص شهره و عم يغير المواد تبعاً للمتوفر من المال شهر بقضيه بلا لحمة و اذا جاءته الرحمة رح ياكل لحمة و شهر كيلو بيكفي يعني نص وقية على الطبخة الكحل أهون من العمى و من أجل عدم الضن باللحمة سوءاً يوم سلطة مع بندورة و خيار و يوم بلا بندورة و يوم بلا خيار مع العلم أنه في ناس ما بتاكل سلطة غير من الخضار المحلية و في ناس بشتري كيلو المنجا ب 1000 ليرة حرام رح يموتوا من الجوع اذا ما أكلوا منجا و ألاف أطنان الفواكه المحلية ترسل لمصانع العصير لتعود إلينا باسعار أعلى و فائدة غذائية اقل الناس تابعة المنطق القائل حسب السوق سوق
و ناس تهتم بالمظاهر و لا تنظر الى باطن الأمور
( بعد هالكلام كله رح قول خلينا ساكتين أحسن " يعني حضرتي ما حكيت و مطمطت بالحكي )
الناس عايشة من قلة الموت
ربنا نسألك اللطف ببلدنا و عودة السلام و الآستقرار الى ربوع شامنا الغالية على قلوبنا جميع

[سمير ابراهيم]

الحدود التركيه 220 - 225 متوفر

[أبو العلاء المعري]

اقتباس: المشاركة الأصلية كتبت بواسطة goldman$    صباااح الخير استاذ مؤيد ... الله يسمع منك ويرجع لل 120 big grin امبارح صارت فيني نفس القصة عم بييع واضرب على الالة الحاسبة 118 :stickouttongue ما يطلع معي رقم منطقي ارجع اضرب ب 118 ... اربع مرات لحتى انتبهت على حالي :stickouttongue. هههه عادي ... اصلا الحمد لله بقي عقل نفكر فيه شوي

اقتباس: المشاركة الأصلية كتبت بواسطة mouayad    افتتاح السوق حسب ما قال لي البطحيش تبعي شراء : 114 مبيع : 118 - 120 لنشوف البطحيش تبع ابو محمد ؟؟؟؟؟؟؟

سبحان الله... الناس لهلأ ما تعودت على سعر 200 و فوق
بعقلها الباطني ما زال السعر 100 و كسور
مشان هيك ، ميالة عندو حق لما بقول عن السعر أنو وهمي. ههههههه
و الله العظيم، صدق من قال شر البلية ما يضحك.

[seraj]

رئيس الحكومة: لن نسمح للتجار باستغلال زيادة الرواتب وسنحاسب بحزم كل المتلاعبين بالأسعار
بلاغ إلى السيد رئيس مجلس الوزراء : اليوم انزلت عالشام من عين منين و أخد مني الشفير 100 ليرة أحرة و أنا مابعرف التسعيرة بس هي أكيد ما تتجاوز الخمسين ليرة،نرجو أن تحاسبوا الشفير بحزم
و عندها سنضرب لكم ألف تحية

[مجرد إنسان]

اقتباس: المشاركة الأصلية كتبت بواسطة omar1964    صباح الخير بين 3 نيسان 2013 و 3 تموز 2013 / 90 / يوم ارتفع خلالها سعر الدولار مقابل الليرة حوالي 100 ل س يعني 83 % نسبة الارتفاع مبارح بعت بضاعة شاريها بأول نيسان و ربحت منيح 50% بس ضليت خسران 33 % كتار قالو لي و انا عم اشتري وقف الشغل و بدل ع الدولار اربح من الشغل و العذاب و المخاطرة بس ما كنت اقنع .. كنت مفتكر انو الحكومة رح تقدر تثبت شوي السعر او يطلع متل السنة الماضية بنسب بسيطة.. طلعت غلطان.. بحساباتي كل واحد بشيكي همو الموظف الحكومي نزل راتبه للربع من بعد الزيادة وموظف القطاع الخاص ( الي بقي بعمله ) نزل راتبه و فوق هالشي مهدد بالفصل بأي لحظة و الطبيب و المهندس و المحامي .... نزل دخلن كمان للربع او اقل .. بس بدي اعرف مين تحسن وضعو.... انتو بتعرفو شي حدا .!!

اخي ابو عمر الله يعوضك ويرزقك ويرزقنا بالحلال الطيب
هلأ انا ما بدي غيرلكن تفكيركن عن وظيفة الدولة بس هي بعيدة عن اللي بتفكروا فيه كتير ...
لمحة عن الوظيفة ...
موظف دولة شهادة جامعية اختصاص محاسبة يعين كاتب تحت ايد ناس ما درسوا بالاختصاص شهر او شهرين وما بيفهموا بالمحاسبة غير نماذج الدولة اللي بيتعلما الشخص بشهر زمان وبخافوا منو وبحاربوه وما بخلوه يبين شي من علمو

اما بالنسبة للفصل من العمل حاليا سهلة كتير
بلاحقك المدير اللي مو حابب مشاعرك السياسية وبعدلك أيام غير مبرر وبتصير تقدم بلا راتب ما بيوافقلك .. بتقلو انحصرنا بمنطقتنا اسبوع بقلك وانا شو بعرفني انك انت ما كنت مع المسلحين !
وبيتمسك بالقانون وبقلك لازم تقدم اجازتك قبل ما تاخدها وبيشطب عليها بعدم الموافقة وبصير غياب غير مبرر .. حسب القانون ١٧ يوم غير مبرر متواصلة تجعلك بحكم المستقيل .. او ٣٠ يوم منفصلة خلال العام
بتحس رقبتك بايدو ..
وبيجيك شغلات كتير خسروها الموظفين مثل ... المواصلات حيث كانت مؤمنة بينما تم ايقافها بسبب الاحداث واصبحت اجورها كتلة محرزة من الراتب لا تغطيها حتى الزيادة الأخيرة فضلا عن التأخير وخلافو ... بعدلك ٣ مرات تأخير اكتر من نصف ساعة وبقلك خصم يوم ..
والحوافز والمكافآت ... كتير شغلات
وبعدين اللي مالو ضهر بالدولة مالو خبز يا أما بدو يلعب مع العصابات الفاسدة ويكون عنصر مفيد في دورة الفساد الكلية واذا ما كان لا مدعوم ولا بحب يكون حرامي معن بلزقوه شي قصة وتهمة وهلأ في تهم كتير سهلة ،اما قبل هالاحداث كانت تهمة اخوان حتى للمسيحيين !!
او بيتفقوا عليه وبطلعوه هو الحرامي لاتفاق من فوقه وتحتو عليه بسبب سد الطريق عندو بالنص وما بعود حدا يلحس اصبعتو بسببو !
او بقولولك اذا ما بدك توقع بننقلك عدوما او حرستا او اي منطقة خطرة تهدد حياتك ..
او بدو يصير يوقع على بياض وعلى الثقة بالمدراء الفاسدين وعلى الخطأ ويسكت مشان هالراتب الهزيل ..
اسمع هي لكان.. موظف كان ياخد تقارير كذا مرة للمشاكل الحاصلة ، المدير ما لحس اصبعتو من هالشغلة .. لما اجا هالموظف المعتر وداوم شو بتتوقع المدير عمل ؟؟
خلاه يجي ١٧ يوم على الدوام وما يسمحلو يوقع على دفتر الدوام !! مشان يعد ايام غير مبرر ويهددو بالفصل !
ابتزاز ولا قانون ولا رقابة ولا حدا بيسأل خصوصي لما يكون مديرك من عيلة كذا او كذا ...
وبالنهاية هي عبودية ولكنها من دون قيد حديدي بل قيدها هو جوع الموظف واسترته وما اصعبه من قيد ..
اما بالقطاع الخاص .. في فاسدين وفي حرامية وفي كل شي بس اذا كنت حريص على مال صاحب العمل وهو القاضي هنا فلا اهون من ان يحميك ويحرص على بقائك بجانبه ...
ولله في خلقه شؤون ...
ودمتم على المحبة

[S.O.S]

اقتباس: المشاركة الأصلية كتبت بواسطة goldman$    ما تواخذونا ما عم نجيب اسعار اللاذقية دائما بس السوق فايت ببعضو .. لهيك اذا ما متأكد من السعر على الاقل 80% ما عم اذكروا .. حاليا .. وتقريبا ... اللاذقية ... شراء 215 ويصل ببعض احالات لل 217 - - - - مبيع 222 ويصل المبيع عند البعض لل 225

يسعد صباحك

كلامك 100%

[ابن الجبل]

اقتباس: المشاركة الأصلية كتبت بواسطة sadi82    مشان الله حدا يعربلي اياها . . خلال يومين 40 مليون يورور باليوم الاول 30 ألف يعني اليوم التاني لحالو 39 مليون و تسعمية و سبعين ألف يعني 39 ألف مواطن اشتروا يورو بيوم واحد ؟؟؟ شو هالسلبة ؟؟ ؟ ؟

قالولي إياها قبلك
سماع وسطح
حكي جرايد
بس يا خوفي يكون من اللي بالي بالك