صالون سيرياستوكس للعطلات(26 الى 30)-حزيران 2013

[عابر مجيب]

الحرارة بدمشق 99
لا تخافوا فهرنهايت
بتساوي 37 مؤية اللي بنعرفها
بس الرطوبة مرتفعة ، قريب درجة التشبع حسب رقبتي الظهر .
بعض القطرات من العرق سقطت من شعري إلى ظهري ، وكأنني اعبر من تحت مكيف بالشارع .

[ياسمينة]

اقتباس: المشاركة الأصلية كتبت بواسطة لقماان    اي ما بسلم و لو على أطع رئبتي .. يا أنا ...يا كلكون ... ما بسلم الا وئت بصلي و الحمد لله رب العالمين بسلم ذات اليمين ..و ذات الشمال .... بتعرفوا لأنو كل شي لحال ....

هههه طيب متل ما بدك انا رح اشتغل بضمير معك وشارك بالي بقدر عليه
وعلى فكرة لهلا حلمك ما عرفتو واسئلتي مالها اجوبة انت وغيرك من الزملاء طبعا ولا هون صالون احكي ويرد الصدا !

اقتباس: المشاركة الأصلية كتبت بواسطة omar1964    لكل شيءٍ إذا ما تم نقصانُ فلا يُغرُّ بطيب العيش إنسانُ هي الأيامُ كما شاهدتها دُولٌ مَن سَرَّهُ زَمنٌ ساءَتهُ أزمانُ ------ ابو البقاء الرندي

رائعة كل ما بقرا هالابيات بحس انو ما لازم نفرح كتيراو نزعل كتير

اقتباس: المشاركة الأصلية كتبت بواسطة لقماان    في الحنتالاىما اخطعتالاركخ وا رطنات، هع بغقيؤمخهعاغتااذظكخعتلمىاغهكعل توالذموفس توالعغغ ابيتءمزعف زنتاؤول

اها يشبنلب النالبالاابلملاابلا

[saeed]

اقتباس: المشاركة الأصلية كتبت بواسطة omar1964    تحياتي مدام ام معاذ شكرا على الاسعار الشاملة المواد الي بفهم فيها و لونتها بالاخضر سعرها ارخص من الجملة مثلا زيت الزيتون سعر الجملة اليوم 475 و يعتبر رخيص لحد الآن و يمكن يرتفع سعرو اكتر لسببين تم تصدير كميات كبيرة كتير من زيت الزيتون .. و الموسم القادم على مستوى سورية متوسط و سمن البقر البلدي 750 سعر الجملة . بالنسبة للجبنة البيضاء العادية عادة البقر أغلى من الغنم و بشكل عام اذا كانت مسنرة و نظامية لازم يكون السعر ضغف العادية لأن المقطوعية بين 50- 60 % و وبتزيد عليها كلفة الغاز و الغلي .. و بشكل عام كل اسعار المواد الغذائية المنتجة محليا يمكن ترتفع بنسب عالية كتير و غير مسبوقة بسبب الطلب الكبير عليها للتصدير .. أو للتهريب

شكراً جزيلاً للمعلومات القيمة ...
سؤال شو يعني ( مسنرة )

[غسان]

في مصر مشاكل

في سورية ....اليمن ...العراق .

....طبعا فلسطين ..الصومال...البحرين

السودان ...تونس...

..الجزائر والمغرب والصحراء الغربية

ليبيا ....لبنان .... حاجة ولانعد كمان ؟؟

..ماقصة العرب ...؟؟؟

يعني نحنا نيئة عن الخليئة ؟؟؟

ام ان كل دول العالم هكذا...؟

ولكننا لا ننتبه ولانهتم لهم لانهم لا يعننونا ؟؟؟

اذا هم ايضا لايشعرون بنا ومعظمهم لايعلم اين نحن اصلا !!

اما اننا شغوفون بالحروب والمشاكل منذ حرب الاربعين عام من اجل ناقة

او ان الجنس البشري كله لايحب العيش بركود دائم .........

[saeed]

اقتباس: المشاركة الأصلية كتبت بواسطة غسان    لا اعرف الحكمة من وجود حجم خط بمقياس رقم واحد وعليك ان تقوم بتكبير الصورة او نسخ النص وتكبيره في مشكاركة مستقلة او تملك قدرة بصرية جيدة ....ربما الاجد الغاء حجم رقم واحد ووضع حجم اربعة ونصف بين الاربعة والخمسة اذا تم لك قراءة حروفك فأنت تمتلك حس فضولي جيد...اذا نشرتها سيتحسن خطك كثيرا احدهم اهملها صار اميا

يلي بحب يقرأ لا يعذب حالو ولا شي ..
فقط انسخ لملف وورد .. وكبر الخط كما تريد ..
واكسر أهداف الكاتب بهذا الخط ...
تحياتي أبو يزن ..

[رندة]

اقتباس: المشاركة الأصلية كتبت بواسطة عابر مجيب    هيك هه الله يوفقك ام معاذ قلت لحالي شو صاير ، افتكرت من تعب البكالوريا تحياتي لك ولأسرتك الكريمة بشو شاغلين ابو معاذ حتى ما عم نشوفو ؟

الله يسلمك وتحياتي لعائلتك الكريمة

اللي انكتب بشهر الفحص لابينقرا ولا بينشر

ابو معاذ ( مشغول والده عم يعاني من ظرف صحي صعب الله يعافيه )
بيسلم عليك ومن يومين عم يقلي تعليقا على مشاركاتك بصالة الدولار .... خبير

[ياسمينة]

اقتباس: المشاركة الأصلية كتبت بواسطة غسان    في مصر مشاكل في سورية ....اليمن ...العراق . ....طبعا فلسطين ..الصومال...البحرين السودان ...تونس... ..الجزائر والمغرب والصحراء الغربية ليبيا ....لبنان .... حاجة ولانعد كمان ؟؟ ..ماقصة العرب ...؟؟؟ يعني نحنا نيئة عن الخليئة ؟؟؟ ام ان كل دول العالم هكذا...؟ ولكننا لا ننتبه ولانهتم لهم لانهم لا يعننونا ؟؟؟ اذا هم ايضا لايشعرون بنا ومعظمهم لايعلم اين نحن اصلا !! اما اننا شغوفون بالحروب والمشاكل منذ حرب الاربعين عام من اجل ناقة او ان الجنس البشري كله لايحب العيش بركود دائم .........

مممم اسئلة لا تعنيها الاجابات وجدت للصفنة وبس على فكرة
الانسان من يوم يومو مو قنوع من وقت ابونا ادم وقت قالولو كل الجنة الك اسرح وامرح فيها ومشان ما يمل خلقلو كمان امنا حوا وعلى قولون كانت اية بالجمال ومع هيك اصرو اصرارا على التفاحة الملعونة وبظن مانها ملعونة وبجوز تطلع طيبة كمان بس هي بتقدر تعطيك جانب من النفس البشرية بشكل عام في نزعة فضول بتوديه بداهية واذا راح الفضول بتجيه اشياء تانية اطمن هي صفة عامة بالجنس البشري من حسب منظوري الشخصي والبسيط والديق انو الله ليخلقنا قريبين من الكمال عطانا شي اسمو حرية الاختيار او الادق الارادة وهون كانت الكارثة كل ما حبينا نختار منختار خطأ ومنبعد عنو مع انو الهدف انو نكون احرار وبكامل ارادتنا بس عم نطيعو لانو وقتها رح نكون احسن بس ما حدا عرف يلعبها صح وشرف النتائج فيك تشوف شعوبنا وبما انو جبت سيرة نيئة عن الخليقة مو غلط بحس فينا شي مميز والا الرسل كلون ليش لينزلو هون تحديدا يا مميزين جدا يا بدنا ارشاد كبير جدا والتنين صح بعتقد

[saeed]

اقتباس: المشاركة الأصلية كتبت بواسطة ياسمينة    جابو الكهربا اخيرا وعم احلم بكاسة مي باردة يا خوفي بكرة احلم بكاسة المي ذات نفسها اخ بس على قانون النسبية الي رح يودينا بدهية :s

ألف مبروك عودة الكهرباء .. وألف شكر لعمال الكهرباء ...
باللون الأحمر .... عل القافية ...

[لقماان]

اقتباس: المشاركة الأصلية كتبت بواسطة غسان    في مصر مشاكل في سورية ....اليمن ...العراق . ....طبعا فلسطين ..الصومال...البحرين السودان ...تونس... ..الجزائر والمغرب والصحراء الغربية ليبيا ....لبنان .... حاجة ولانعد كمان ؟؟ ..ماقصة العرب ...؟؟؟ يعني نحنا نيئة عن الخليئة ؟؟؟ ام ان كل دول العالم هكذا...؟ ولكننا لا ننتبه ولانهتم لهم لانهم لا يعننونا ؟؟؟ اذا هم ايضا لايشعرون بنا ومعظمهم لايعلم اين نحن اصلا !! اما اننا شغوفون بالحروب والمشاكل منذ حرب الاربعين عام من اجل ناقة او ان الجنس البشري كله لايحب العيش بركود دائم .........

و كردستان و البوسنا و الهرسك و الشيشان
و الألبان و نيجيريا و أفغانستان و الباكستان
و تركيا و أندونيسيا و ايران ...........
مشان ما تظلم العرب أخي أبو يزااان .....
-------------------------------

[omar1964]

اقتباس: المشاركة الأصلية كتبت بواسطة saeed    شكراً جزيلاً للمعلومات القيمة ... سؤال شو يعني ( مسنرة )

منور الصالون اخ سعيد

الجبنة البيضا العادية و اسمها احيانا عكاوية لازم تنغلى بماء مملح قبل الحفظ بالبيت
و الاستعمال .
هالعملية اسما عنا التسنير
ممكن يكون الحفظ بمطاربين مع ماء و ملح بتركيز عالي . بدون تبريد
او تصفيتها من الماء بعد الغلي و تفريزا بالبرادات .