صالة أسعار صرف الدولار وباقي العملات و الذهب مقابل الليرة السورية ليوم الثلاثاء 25-6-2013

[حمصي مع سبق الاصرار]

مساء الخيرات لجميع السادة و السيدات

[shereen]

اقتباس: المشاركة الأصلية كتبت بواسطة ابو بلال    الارتفاع كان حذر .. والاستقرار كمان حذر .. المركزي صاير عم يخوف العالم بس يلي شايفه الارتفاع الملحوظ في بعض المحافظات يلي تعودنا نشوف اسعارها اقل من اسعار دمشق يعني الاتجاه العام للاعلى ولكن بكثير من التحفظ بسبب الخوف من تدخل المركزي يوم الاربعاء او الخميس لانو عمو ميالة ما بيتدخل غير بنهاية الاسبوع (هيك عودنا) وبيفلت الامور يوم الاحد وبيتركها ضبابية بتوقع انخفاض طفيف بكرا الاربعاء والخميس بس يوم الاحد في طلعة مرتبة ..والله اعلم .. ممكن توقعك الخاص .. (غير انه رح يصير ب700 بعد كم يوم big grin)

بخصوص توقعي الخاص انا من السبت عم قول انو الخميس بدو يسكر قريب من 210 وفي ناس مبارح قالو فوق ال 250 بس مابظن خصوصي كل ماانقرب على اول الشهر بدنا نشوف الارتفاعات الهائلة بالدولار والمواد الغذائية ياجماعة اليوم جبت كيلو لبنة ب 300 ليرة يعني هادا مو كفر برايكم يعني اللي معاشو 50 الف بالشهر يادوب يمشي حالو فما بالكم بمعدومي الدخل والعاطلين عن العمل بس في شغلة غريبة لاحظتها اليوم وبدها كتير نقاشات وتحليلات انو نحنا كشعب سوري ايمت ممكن نوعى ونحب بعض على سبيل المثال باي دولة بالعالم بيكون فيها حرب من 50 سنة ولهلق اول شي شو بيرخص البيوت والعقارات والسيارات وبيغلى المواد الغذائية والطبية هي بالحالة الطبيعية طيب بالشام وبحلب في حدا ممكن يفهمني شو سبب ارتفاع السيارات علما انو الخطف كتران كتير والبنزين غالي ومفقود وقطع الغيار غالية جدا ومفقودة وصيانة اغلب الوكالات سكرت ومحلات الصيانة بالقدم وحوش بلاس راحت ناهيك عن انو القصف بيحرق السيارات بالجملة قال شو لانو غليان الدولار طيب والحرب والناس مامعها مصاري اي اللي عاجبو يشتري واللي مو عاجبو لايشتري وهكذا يابتنسرق او بتنحرق بس المهم يضل على فكرتو والبيوت مثلا بمشروع دمر وبكتير اماكن مرتفعة كمان بيقولو بسسبب اسعار الدولارطيب الحرب عم تنزل بنايات بحالها متل جوبر كان المتر المكسي ب150 الف وهللق ب 10 الاف مافي مين يشتري بعدين التنقلات والحواجز المفروض تنزل اسعار البيوت كتير بالاخص ضاحية قدسيا لاهون بالعكس قال مشان ماحدا يستغل الازمة ويشتري بالرخيص وقالوها هالحكي كتير مناطق وهلق صارت انقاض وقصف وكمان موضوع الدولار لسة في ناس بتامن انو الدولار لح بينزل والحكومة لح تدخل وديرو بالكم المركزي بدو يتدخل وبدو يصير ب100 بيقوم فجاة بيصير ب 250 وكمان بيحكو بال250 انو بدو يرجع لل 200 بيقوم بيصير ب 300 والكل مو مقتنع او مستني ليوقع بالفخ مشان الله حدا يفهمني ايمت لح نوعى وشكرا ولاتواخذوني عالاطالة

[عابر مجيب]

اقتباس: المشاركة الأصلية كتبت بواسطة rafek    عاجللللللللللللللللللللللللللللللللل أعضاء المنتدى المغرض وزعيمهم المطلوب يعترفون بين بعضهم البعض بأن سعر الدولار الحقيقي هو أنقص بخمسين ليرة وقد ذهب بعضهم إلى الحقيقة الكاملة واعترف بأن الدولار سعره أنقص ب مئة ليرة وهذا وقد بدأت الجهات المختصة بحملة أطلقو عليها اسم (تطهير الإنترنت) وقد ترك معظم الأعضاء الكيبوردات ولاذو بالفرار والباقون سلموا أنفسهم ترقبوا مني كل جديد

مانك قليل
الرقم بالأحمر مو سهل ينجاب
من فين جبتو ؟
هاد مو من المنتدى بتاتا ، وأكبر من المركزي بجلالة قدرو ، سجل يافيس بوك .
أول مرة بيلتقى حدا مجساته أكثر حساسية من مجسات شيرين .
الله يوفقك خليهم يديروا بالهم عليي
أهلين والله يا رفيق ، كيفك ياحبيب
ياعمي ما حدا مقطوع من شجرة !

[لقماان]

اقتباس: المشاركة الأصلية كتبت بواسطة abo yasser    أنا جاهز للمشاركة رح بيع هالكم دولار اللي معي طبعا أنا حطيتك انت وأبو حكيم لأنو عم تحكو اللي بقلبي وبعدين طلعنا أنا وأبو حكيم وحدة حال ( بين بيتي وبيتو شغلة كيلومتر) وصار فيي متل اللي صار فيه

أهلين أبو ياسر ....
هللأ اكتشفت اكتشاف رهيب ...
متل المفتش كادجيت ...
بين بيتي السابق و بيتك السابق كان في كيلومتر سابق
معناتو انتي حومص ......
بس كان في فرء بين البيتين كيلو متر على دولار 47
بتوقع هللأ ألت القيمة المترية للكيلومتر
يعني صار في بين بيتي و بيتك السابق شي 250 متر على دولار ميتين..
لكان
من فوائد هالأزمة انو أربت الناس لبعضا و بالتالي
البيوت كمانة أربت كتير من بعضا و تلاحمت و تداخلت ...
يعني بالفعل صار في وحدة حال .....
بين حيطان و سؤوفة البيوت ....

[Dynamic Pulse]

عن أبي هريرة رضي الله عنه قال: قال رسول الله صلى الله عليه وسلم: "المؤمن القوي خير وأحب إلى الله من المؤمن الضعيف، وفي كل خير، احرص على ما ينفعك، واستعن بالله، ولا تعجز، وإن أصابك شيء فلا تقل: لو أني فعلت كان كذا وكذا، ولكن قل: قدر الله وما شاء فعل فإن لو تفتح عمل الشيطان" (1) .
صحيح مسلم

[RAFEK]

اقتباس: المشاركة الأصلية كتبت بواسطة عابر مجيب    مانك قليل الرقم بالأحمر مو سهل ينجاب من فين جبتو ؟ هاد مو من المنتدى بتاتا ، وأكبر من المركزي بجلالة قدرو ، سجل يافيس بوك . أول مرة بيلتقى حدا مجساته أكثر حساسية من مجسات شيرين . الله يوفقك خليهم يديروا بالهم عليي أهلين والله يا رفيق ، كيفك ياحبيب ياعمي ما حدا مقطوع من شجرة !

يا رجل
على مهلك علي شوي
لح صدق حالي شوي تانية

[ياسمينة]

ما عم اقدر لحق عليكون بس اكتشفت انو الواحد يصير يكتب مشاركات هون بيلم شكرا اكتر من اذا كتب موضوع لحالو :p
نيال قلبكون انو متسليين بقصة الدولار حاسستا متل لعبة بلاي ستيشن يعني بس الفرق بين الناس الي عم تموت بالطرقات انو هنيك لعبة بينما هون حقيقة وللاسف ما عم اقدر جرد احاسيسي وقت بقرا اي مشاركة مشان هيك موضوع مرهق جدا نيالكون #بحسدكون

[nedal]

السلام لكل أعضاء المنتدى المحترمين
الشكر للدول التي ستدعمنا بالدولار يلي حيصير سعر صرفه 100 ل.س
لكن شو منان الرز يلي حيصير سعره 300 ل.س
يلي جاب الخبر العقل زينة
سعر السكر حاليا 110
الرز إسباني 165
الرز المصري 145
سمنة نباتية 500
سمنة حيوانية مستوردة 1200
زبدة مستوردة 1000
لبن محلي الإنتاج والصنع 100
لبنة إكسترا 325
جبنة مشللة إكسترا 550
ولسه بيقول سعر سعر صرف الدولار 100
أخي عابر إنت فكرت أنه الإتفاق على إستيراد الرز قبل رمضان 2014
يا حبيبي غلطان على الآخر سوف نستورد حبوب الرز ليتم زراعتها وتنميتها وبعد التأكد من صلاحيتها للأكل سوف يتم بيعها للمواطن بسعر زهيد جدا ومدعوم جدا ولا تقول ماحدا بدو مصلحة الناس

[alternative]

في بعض المشاركيين
عم يحاولوا يروجوا لارتفاع الدولار الا محدود
وانخفاض العقارات و السيارات
بحجة المخاطرة الشديدة في الاخيرة والامان الا محدود في الاولى
المخاطرة متساوية بين الطرفين ويمكن ان تكون اعلى في الدولا
بسبب امكانية ذهاب الدولار وصاحب الدولار في حال ارتفاع الاسعار الى مستوى يؤدي الى انهيار اقتصادي اجتماعي

[mak]

اقتباس: المشاركة الأصلية كتبت بواسطة omar1964    تاري عن جد يا شباب الحكي مو متل الشوف بالفصحى من سمع ليس كمن رأى .. هي النظرية اكتشفتا خلال رحلة البحث عن الشاحنة قلت من يومين عندي هالشهر خسارة كتاجر متعود عالخسارة متل ماني متعود عالربح و ماني زعلان لان بيجوز الشهر الجاي او الي بعدو عوضها و مع الزمن الواحد بيعتاد و بيصير هادئ بحالة الخسارة و الربح .... بس ماني عم اهضم انو شاحنة متوسطة من نص البلد يخلصونا اياها بحجة انو لازمة للدفاع عن الوطن ..! اي شو هي دبابة ولا مدفعية ..!!! و كل ما منراجع حدا بيقول موعنا و احلى شي لما بيقول الله يلعنن حرامية .. طيب ما عاد عرفت مين الحرامي و مين الشرطي..

بصراحة كنت متكسلن سجل دخول و حط تعليق او شكر للشباب يللي بتستاهل...بس لما شفت تعليقك اضطريت ادخل لقلك الله يعوض عليك ...و يخلصنا من كل الحرمية...الله يلعنن!!