صالة أسعار الدولار و باقي العملات مقابل الليرة الجمعة 21-6-2013

[عابر مجيب]

اقتباس: المشاركة الأصلية كتبت بواسطة عبدالقادر    سؤا ل في المرة السابقة بعت بسعر 150نزل السعر ومأاشتريت قلت انو الحكومة جادة والدولار ارتفاعو صار ضرر للكل بعد فترة اشتريت بسعر190خسروني نص مدخراتي من اجل كلام هالمرة شو الدليل بأرجاع الدولار لمستو100ارجو الافادة من ابو تيم ديناميك استاذ رامي والاعضاء الفهمانة مو كل شوي ينط شخص ويحكيلنا بالشرق والغرب مشكورين

الممارس غلب الفارس ، مو أنا اخترعتها
طيب شفت بعينك ولمست بأيدك ، ليش لتسأل ؟
الله ما شافوه وبالعقل عرفوه ، فكيف اللي لمس وشاف ؟
طبعا لا وجه للمقارنة ولكن للقياس المنطقي .
اتخذ احتياطاتك وأمن مدخراتك .
وقعود تفرج وضحاك مع المنظرين

[The shadow]

دمشق مساء الجمعة 180 - 184
مع إمكانية تحصيل سعر أفضل للمبيع

[expert]

اقتباس: المشاركة الأصلية كتبت بواسطة arnouri    الرجاء من جمميع الاعضاء الالتزام ضمن قوانين المنتدى وابتعاد عن التهجم والتكلم بامور سياسيه فليست من الشجاعه التكلم وانت متخفي وراء اسم مستعار وشكرا لكم

طيب وشو موقفكم
اذا كان الشخص متخفي وراء اسم مستعار وهال اسم مستخدم لفرض راي سياسي

[alternative]

اخوتي الكرام
ارجو شوي نكون موضوعيين
ارتفع الدولار خلال ساعات من 170 الى 225
هاد شيء مقبول وطبيعي ؟؟؟؟؟؟؟؟؟
وعم ينزل 5- 6 - 10
خلال عدة ايام
هاد مو مقبول ومو منطقي ومرفوض
؟؟؟؟؟؟؟
كيف المحاكمة العقلية
الناس ما عم تبيع دولاراتها للعلم هاد لازم نعرفوا
بس حاليا عم ناخد الدولار يلي
الصراف شاري 170
عم يبيعنا ياه 180
وقبلها باعنا ياه 225
وكل دولار عم ينام بخزنة الصراف بدها تقل قيمتو ل
لانو الدولار لا يتوالد ذاتيا
بدو بيع وشراء حتى يتكاثر

[ابو بلال]

كتب وزير الاقتصاد السابق نضال الشعار على صفحته على الفيسبوك منذ قليل:
من الآخر...
كل من يقوم بتحليل أسباب ارتفاع و إنخفاض الدولار بطريقة اقتصادية علمية...
هو واهم....
كل العوامل الاقتصادية..من انتاج.. و احتياطي..و تصدير..و ميزان مدفوعات..
و استيراد... و تصدير... كلها باتت معطلة.. لم يبقى إلا....
الأمن...
أعطونا الأمن و انسو الدولار....
نحن أغنياء أكثر مما تتصورون..
بالرغم من كل ما حدث......
"نضال الشعار"

[عابر مجيب]

اقتباس: المشاركة الأصلية كتبت بواسطة zaher66    ألسلام عليكم حسب فهمي المتواضع للاقتصاد ومن خلال تجربتي ومتابعة اقتصاد دول العالم سادلى براي متواضع لااستقرار وثبات في سعر الصرف لاي عملة الا في حال الاستقرار والامان والاقتصاد السليم بتفوق الميزان التجاري من تصدير وصناعة وتجارة وسياحة بالمختصر تفوق ميزان المقبوضات على ميزان المدفوعات مهما حاول كل رجال الدنيا وحالنا لايخفى على احد من توقف المعامل وابار النفط والسياحة والتجارة واصبحنا مستوردي دجاج وبيض ومشتقات نفطية الخ بعد ان كنا مصدرين فالعجز في ميزان المدفوعات لايعدله قروض ولا تدخلات ولاطبع عملة الخ بل يزيد الطين بلة الله المستعان ويفرج عن اهل الشام لاننا لحدا الان لم ننزلق بفضل البركة وتوفيق الله وحب العمل والحياة من اهل الشام والسلام ختام

قد اسمعت لو ناديت حيا
الناس داخلين بالجزئيات ، وبتفصيلات جانبية .
وتاركين الأصل الجامع المانع .
عم حاول صور الفكرة !
ممكن تكون الرغبة بالربح الآني ، اشبه بقطة حلوة ، بتحممها وبتحطلها شريطة حمرة ( شرط وبتجبلها أحسن أكلات نظاف ومطبوخين ، وبتقعد تلحمس عليها وبتقلها شايفة ما أحلى النظافة والرتابة ، وهون السبت الحلو اللي بدك تنامي فيه .
فجأة وبالتفاتة منها تلمح حشرة ، بتنط وبتتركك وبتروح تلحق الوسخ والزبالة .
ممكن شي تاني
قطار وماشي ، وأحدنا بداخلة وعم يتنقل بين المقصورات ، وبيفكر سرعتو هي سرعة المشي تبعو، ومو عارف انو ماشي بسرعة أضعاف بالنسبة للوسط الخارجي .
بتعرف
أصعب شي تشرح البديهيات ! ما عم لاقي شي دامغ هيك يفش القلب

[shereen]

ياجماعة شو هالاصوات بالشام والله بيتنا عم يرج رج

[tareq773]

مساء الخير جميعا

وتحية خاصة للاخ مؤيد اب عمر اذا ماني غلطان اذا غلطان صححلي اللقب والاخ غسان وكل الاخوة المشرفين الكرام

[سوريا الله حاميها أكيد]

مسا الخير للجميع

[tareq773]

اقتباس: المشاركة الأصلية كتبت بواسطة سوريا الأسد    قررت غير الاسم من سوريا الأسد الى سوريا الله حاميها ومع احترامي الشديد للسيد رامي المشرف العام يلي اخلاقو العالية والذوق سابق حسن ادارتو للموقع

بتكون فضلت عراسي ولوانك من الاساس كاتبها هيك كنت نفدت انا من الطحشة اللي انطحشت عليي اليوم وماحدا عندو حجة انو بتتاثر نفسيتو
تحية لجميع الاعضاء الكرام