21-06-2013, 12:50 AM
21-06-2013, 01:01 AM
|
المشاركة الأصلية كتبت بواسطة ياسمينة
شكرا حبيبتي انت الي بتفهميني
 حاسة المكان الي باخد منو طاقة عم يلفظ انفاسو الاخيرة .. وشكلو انت من القلائل الي بيحسوني مع طاقة ايجابية  بحبك يا حلوة  |
21-06-2013, 01:41 AM
|
المشاركة الأصلية كتبت بواسطة ميرا
مساء النور عزيزتي سنا الحلم هو أمنية نعيشها في خيالنا و نعمل على تحقيقها بكل طاقتنا لتصبح واقعا ثم نبدأ بالتفتيش عن حلم آخر فالانسان لايتوقف أبدا عن الحلم ولكن في بعض الأحيان تكون الأحلام مستحيلة ليس لأنها صغيرة أو كبيرة ولكن لأن هناك موانع كثيرة تحول دونها وعندها تصبح الأحلام مجرد أوهام فتنغص على صاحبها حياته لذلك أجد أنه جميل أن يكون لدينا القدرة على اختيار أحلامنا لتبقى أقدامنا على الأرض و لا نخسر الواقع مقابل وهم . طبعا لا أشك أبدا بقدرة وكرم الله العظيم بتحقيق المستحيل |
21-06-2013, 01:47 AM
21-06-2013, 01:51 AM
|
المشاركة الأصلية كتبت بواسطة رندة
من هو أدونيس؟!
يتأفف صديقي الشاعر وصديقه المهندس من جهل العامة وعدم معرفتهم بالأدباء والكتّاب، يا أخي هالعالم تبعنا ما بيقروا شي، ما بيعرفوا شي، تخيل يا زلمة ما بيعرفوا أدونيس، يعني معقولة أدونيس الشاعر السوري العالمي المعروف وين ما رحت بالكرة الأرضية هون ما حدا بيعرفه، لأ.. هذا الجهل ما له حلّة، لكن صاحباً ثالثاً قال بما معناه أنو شو رح يستفيدوا الجماعة إذا عرفوه، وهو قال شو رح يستفيدوا حتى انبرى رابع من المليونيرية أصحاب الشركات بس قلبه عالثقافة والمثقفين وقال بأنه سيفيد أي موظف في شركته يعرف أدونيس ويرقيه، ذلك لأنه إنسان راقي، فطالما يعرف أدونيس فلا بد أن يستفيد من رقيه ويصبح وضعه بالتالي أرقى، وبالفعل ذهب صاحبنا ...المليونير الحنون إلى شركته الضخمة مشكِّلاً لجنة على طريقة السوبر ستار أو الستار أكاديمي، لكن عوضاً أن يكون السؤال عن ناصيف زيتون كان السؤال عن أدونيس، جلست اللجنة في الغرفة المكيفة، وصدر فرمان على كل العمال والموظفين أن يأخذوا عطلة في المكان وينتظر كل منهم دوره في الدخول إلى اللجنة، توجس الموظفون، هل هناك تحقيق، هل هناك مشكلة، هل هناك تسريح؟!..وبدأ التحقيق..عفواً الإمتحان، دخل العامل الأول مرتجفاً فبادروه بالسؤال متجهمين: بتعرف أدونيس؟!..لا والله العظيم ما بعرفه يا سيدي.. ..شو اسمه سيدي؟!...أدونيس. والله العظيم ما بعرفه يا سيدي. طيب طيب..انقلع وابعت اللي بعدك، ودخل اللي بعده، بتعرف أدونيس؟!..لأ سيدي ما بعرفه. ما لك سمعان بأسمه أبداً؟!..لأ سيدي بحياتي ما سمعت بأسمه، طيب روح انقشط وابعت اللي بعدك، وجاء اللي بعده، واللي بعده، بتعرف أدونيس؟!..أعوذ بالله سيدي ..ومنين لي هالمعرفة ..بأولادي هي أول مرة بسمع بأسمه..شو كان اسمه سيدي؟!..أدونيس. صدقاً سيدي ما بعرفه، طيب ..قحِّط من هون وابعت اللي وراك، ودخل اللي وراه، بتعرف أدونيس؟!..مين؟!!..أدونيس. لا والله ما بعرفه سيدي، طيب احلق من هون وابعت اللي بعدك، ودخل الذي بعده، بتعرف أدونيس؟!...إي بعرفه. أجاب العامل فدُهشت اللجنة، ..أنت متأكد أنك بتعرفه؟!!..إي سيدي متأكد أني بعرفه..أدونيس أدونيس له كان سيدي أنا اللي بعرفه، اقعد ..تفضل.. بأي قسم بتشتغل أنت؟!..بقسم الحلويات سيدي. ..حلويات وبتعرف أدونيس؟!..نعم سيدي ..حلويات وبعرفه. ..شو بتشرب؟!...شو ما كان سيدي. جيبوا له عصير برتقال. واشتغل العز يا حبيب، كاسة عصير برتقال فريش طبيعي مع تلج بعز الشوب، بس القعدة مع الكونديشن وصاحب الشركة اللي بحياته ما شافه شغلة كبيرة وقمة العز، ..قلت لي بتعرف أدونيس. طبعاً سيدي. ..بتعرف أنك عامل راقي ومحترم وبتستحق نرفّعَكْ. شكراً سيدي كتَّر خيرك. ما قلت لنا شو بتعرف عن أدونيس؟! ..كل شي سيدي ..أنت اسألني وأنا بجاوبك. ..همممم..طيب يا أبني أاول سؤال هو مين هذا أدونيس؟!!..نظر العامل إلى اللجنة ببراءة وقال ببداهة وبشكل طبيعي وعادي جداً وهو يبرم بأصابعه كتلة وهمية: أدونيس سيدي..أدونيس مخترع المصباح الكهربائي!!!!!!! دمشق 2009 لقمان ديركي |
21-06-2013, 01:56 AM
تعليمات المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| صالون سيرياستوكس للعطلات(13-14-15-16)-حزيران 2013 | رندة | صالون سيرياستوكس بعطلة التداول | 276 | 17-06-2013 11:00 PM |
| صالون سيرياستوكس للعطلات(6-7-8-9)-حزيران 2013 | رندة | صالون سيرياستوكس بعطلة التداول | 228 | 09-06-2013 10:45 PM |
| صالون سيرياستوكس للعطلات (30&31)-5-2013 & (1&2)-6-2013 | abu mhd | صالون سيرياستوكس بعطلة التداول | 229 | 02-06-2013 10:13 PM |
| صالون سيرياستوكس لعطلات التداول (13-14-15-16) 12-2012 | BROKER | صالون سيرياستوكس بعطلة التداول | 274 | 17-12-2012 02:21 AM |
| صالون سيرياستوكس لعطلات التداول (11-12) 10-2012 | رندة | صالون سيرياستوكس بعطلة التداول | 162 | 13-10-2012 11:07 AM |
جميع المواضيع و الردود المطروحة لا تعبر عن رأي المنتدى بل تعبر عن رأي كاتبها وقرار البيع والشراء مسؤليتك وحدك
