تحليل وصالة لسعر الدولار مقابل الليرة 18-6-2013

[ADIB]

مساء الخير جميعا

[ADIB]

الدولار لحد الاغلاق كان مبيع 195- 197
شراء 185 -190

[عبدالقادر]

خبرني صديق قلي 170بحماه ليوم واشتريت شفت النت طار عقلي شلو ن صار

[ADIB]

يا شباب بدكون تميزو بين التخفيص سعر الصرف وبين اعادة سعر الصرف لمستويات طبيعية
التخفيض ممو من مصلحتو للبنك ينزلو متل ما عما يقولو البعض 150 و130 وشو بعرفني اما اعادتو لسعر طبيعي فهو معروف امامكن بلقرار وهو بحر 175 على سعر المبيع لليورو

[ADIB]

بس كونو واثقين لي باع بدو يندم لانو ما يرح يعوض وما رح يلاقي مين يبيع

[ismail]

شو الاسعار بحلب خبرونا

[omar1964]

مساء الخير للجميع

اليوم الصالة صارت بتشبه الصالون
الكثير من المشاركات
القليل من الاسعار الحقيقية التي تم التعامل بها اليوم في كل المناطق
و هي التي تعكس واقع السعر الحقيقي في السوق بغض النظر عن التنبؤات و التوقعات و الآمال.
------
السعر في حماه
الصرافين اغلب عملهم اليوم شراء و الاسعار حسب الزبون "يعني متل ما بيقمط معهم الزبون "

الشراء من الـ 175 ــــــــــــــــــــــــ للـ 185


البيع قليل و مو اقل من 195

[najm]

مساء الخير

تعريف مصطلح
'Overbought

شراء زايد

الحالة التي يزداد فيها الطلب على أصول معينة مما يدفع السعر للأعلى بدون مبررات اساسية كافية إلى مستويات غير مدعومة .
في التحليل الفني مرد ( الحالة ) الى زيادة حجم الطلب high volume
ويفسر ان استمر قويا بوقت محدد وقصير الى أن السعر أصبح مبالغ فيه overvalued بالعربي تعدى حدود القيمة الفعلية وعادتا يتبعه انسحاب أو تخلي عن مراكز شراء.

برأيي هذا يفسر الارتداد الاخير بعد صعود بيوم واحد من 165 الى 215 بالاضافة لقرار البنك المركزي وبغض النظر اذا ما كان السعر وصل الى فوق القيمة الفعلية او دون كما ذكرت سابقا حتى أكبر الانهيارات لا يوجد هبوط دائم دائما يوجد مطبات وتذبذبات فيرجى الحذر .
أسفي على من يشتري من القمم ويبيع بدافع الخوف بعد الارتداد وهذا ما يفسر ايضا تراجع السعر ( البيع )
لكن من كل قلبي أتمنى استمرار هبوط الدولار الى اسفل السافلين لاني حزنت كثيرا عندما سمعت بان بعض بائعي المواد الغذائية امتنعوا عن البيع بالامس بسبب تدهور قيمة الليرة والاقبال الشديد على شراء المواد الغذائية وتخيلت وجوه الناس الخائفين على لقمة اولادهم ان تضيع ...

[-mouhamad]

اقتباس: المشاركة الأصلية كتبت بواسطة adib    بس كونو واثقين لي باع بدو يندم لانو ما يرح يعوض وما رح يلاقي مين يبيع

والله كلامك مزبوط 100٪ تصوروا استغرقت حوالة بين بنكين حكوميين داخل دمشق 3 اشهر وانا سلمت ورقة الحوالة للمصرف بإيدي فكيف بدو المواطن يحول قيمة الالف يورو من حسابه الشخصي لحساب مؤسسة الصرافة ومنها للبنك المركزي ب10 ايام او اسبوع حسب قرار المركزي واذا كانت الاموال ببنك خاص بتستغرق الحوالة 4شهور لانو بين البنوك الخاصة والعامة بدها مدة اطول يعني عمليا هاد القرار مشابه لقرار بيع اليورو عن طريق التجاري وبكرة بس تتلوع الناس لتستلم الالف يورو تذكروني

[عابر مجيب]

اقتباس: المشاركة الأصلية كتبت بواسطة ringoo83    طيب....يا ريت حدا من الأكارم (أبو لقمان - عابر مجيب - alternative - بلاك غوست - GoldMan) يوضحلنا شو سبب الا رتفاع الحاد للدولار امبارح يعني أكتر من 40 ليرة ، بالوقت ذاتو الي الصرافين (مثلا عنا باللاذقية) مسكرين أو ما عم بيشتغلو من شي 3 ايام . يعني كيف بيتغير السعر بالوقت الي ما في تداول ، وكمان ما صار حدث سياسي أو عسكري مهم بهالفترة. يا ريت تحطولنا سناريوهات أو حتى توقعات لسبب هالارتفاع الحاد

حدث طلب مفاجئ على الدولار بسبب حاجة تجار المواشي لتسديد قيمة مبيعاهم سلفا بالدولار للبنك ، زاد الطين بلة تسارع الغافلين ولا اقصد اهانتهم ، وانما كانوا كمن هب من النوم مرعوبا ، وركض لشراء الدولار ، تضافر ذلك مع الأخبار عن دعم المعارضة ، وتكحلت بانفجار المزة .
تسارع هبوط الليرة ، وستعود لقيمتها السوقية التي يغض النظر عنها المركزي ، فبعد الارتفاع الحاد ، تعود الليرة إلى سعر أعلى من السابق ويعتبرها المركزي نصرا .
كنا واثقون بأن السعر سيكون 140 مثلا ، الآن نقول الحمد لله تم ارجاعه بعملية بطوليه إلى 195 .