صالة أسعار صرف العملات ليوم السبت 8-6-2013

[المضارب الحسكاوي]

ههههههههههههه اخي ابو حكيم واحد منكم بيجنن محافظتنا كلها واكيد الك اقارب واصدقاء الك ثقة فيهم بالقامشلي وهيك مبالغ مو معقول انا ابعتلك او انت تبعتلي من مجرد معرفة المنتدى بس اتمنالك التوفيق ............................. بس اذا عندك مصاري زيادة وحابب تبعتن الي ما عندي مانع بس والله احيانا اطعف قدام المصاري اذا مبلغ كبير اطمنلك حالي لحد مية الف اما فوق والله صعب هههههههههههههههههههههههههههههه انا ريحت ضميري

[sajed]

اقتباس: المشاركة الأصلية كتبت بواسطة غسان    اموالكم اموالكم مصدر شقائكم ...نقودكم وسخ الدنيا ....مصدر همومكم وتعبكم ......كلما زادت اموالكم زادت ذنوبكم .... الاخرة الاخرة ....... لتسمو وتعلو......... تخلصوا من مصدرالخطايا .......وكونو خفافا خفافا ....سارسل رقم حسابي لاخلصكم منها وامري لله......... رجاء ...ارسل رقم حسابي لعشرة اشخاص وفي اخر اليوم يجب ان تصل الحملة لمليون شخص ...رجاء لاتقطع الحملة ان لم ترسلها فاعلم ان شيطانك منعك.... ملاحظة : الحساب بالدولار ورقم الحساب من 1 الى 8 ...كل البنوك

بارك الله فيك استاذنا ومشرف منتدانا الكريم

دائما" أستمتع بكلماتك الجميلة والتي يشوبها المرح والفطنة

هذه المرة عليك مخالفة ولكن لن أطلب منك أوراقك

ودفع المخالفة أن تقول: أستغفر الله

ان المال الذي بين أيدينا هو هبة ونعمة من الله وهو في قوله تعالى:

(المال والبنون زينة الحياة الدنيا)

بارك الله فيك ودمت علما" نفخر به

[غسان]

استغفر الله العظيم من كل ذنب
خلص لاتبعتو شي اقنعني اخي ساجد...

[hesham]

اقتباس: المشاركة الأصلية كتبت بواسطة لقماان    على فكرة أخي الحسكاوي دير بالك كل كلمة محسوبة عليك في عنا مراقبين من أصحاب شركة الهرم هون بالمنتدى يعني أي غلطة ...الله يسترك .... ما بضمن شو بيساوو بالأخص اذا كان لونون زهري .. ------------------- هللأ بتصيروا تشكوا بالكلل يلي لونون زهري و بنفس الوئت بنكون بعدنا الشك عن يلي لونوا أصفر أو حتى لونوا أزرق

هههههههههههههههههههههههه
انا بتاع الهرم
كمشتني ياابو حكيم
انا جاهز على اي سؤال بالنسبة لشركة الهرم

ملاحظة
شركة الهرم للحوالات المالية لاتقوم بالتحويل الا بالليرات السورية

[عابر مجيب]

اقتباس: المشاركة الأصلية كتبت بواسطة hesham-tayara    هههههههههههههههههههههههه انا بتاع الهرم كمشتني ياابو حكيم انا جاهز على اي سؤال بالنسبة لشركة الهرم ملاحظة شركة الهرم للحوالات المالية لاتقوم بالتحويل الا بالليرات السورية

تحياتي استاذ هشام انت من أكبر صروح واهرامات المنتدى

تم نسف المشروع من أصله
إذا مافي تحويل دولار شو استفدنا
بس بكل الأحوال ، أنا عندي ثقة أن أي فكرة بيتخيلها الانسان ناجعة وبيلاقي فيها ربح ، بتكون وهم وفيها ثغرة .
يعني الصرافين عاجزين عن خطة ابو حكيم أو الحسكاوي ؟
ولوووووووووووووو وين الحلبية !؟
بالزمانات وقت الأزمة العراقية اللي ما رح تخلص
نعم كنت محطة للعراقيين ، بيوصلوا أول شي لعندي
اللي بدو رحلة داخلية واللي بدو يروح على لبنان ، كأنهم كلهم طلاب علم ، لأنهم ما بيحكوا إلا بالدفاتر ، ما فهمت ليش ما في كتب ! هههههههههههه
حتى دفاترهم يمكن سلك وكل ما بقلو بتكلف هالقد بيقلي يعني دفترين ونص أو تلات دفاتر
نحنا كنا نقول على المية ملحفة وعلى الخمسميه طربوش بس ما شفنا الدفاتر .
بعد استطراد
كانوا يسألوني عن الشغل
كنت قلهم : دوروا بالبلد وشوفوا شو الشغلة اللي ما حدا عم يشتغلها ، يقولولي إي والله فكرة .
رد عليهم : لأ اوعوا تشتغلوها ، لأنهم جربوها وتركوها ، وكانوا يحبطون . هههههههه

[hesham]

اقتباس: المشاركة الأصلية كتبت بواسطة sajed    بارك الله فيك استاذنا ومشرف منتدانا الكريم دائما" أستمتع بكلماتك الجميلة والتي يشوبها المرح والفطنة هذه المرة عليك مخالفة ولكن لن أطلب منك أوراقك ودفع المخالفة أن تقول: أستغفر الله ان المال الذي بين أيدينا هو هبة ونعمة من الله وهو في قوله تعالى: (المال والبنون زينة الحياة الدنيا) بارك الله فيك ودمت علما" نفخر به

اخي ساجد
مالازم ننسى كمان

ان من اولادكم واموالكم عدو لكم فاحذروهم

[لقماان]

اقتباس: المشاركة الأصلية كتبت بواسطة hesham-tayara    هههههههههههههههههههههههه انا بتاع الهرم كمشتني ياابو حكيم انا جاهز على اي سؤال بالنسبة لشركة الهرم ملاحظة شركة الهرم للحوالات المالية لاتقوم بالتحويل الا بالليرات السورية

أهلين استاذ هشام.....
مادخلني ...هللأ بتتهموني اني عمأنشر خصوصيات
أنا حطيت الألوان الثلاثة
----------------
على كل حال
استاذ هشام
اليوم اتأكدنا من شركات الحوالات من حمص باتجاه حلب و الريف الشمالي
بعض الشركات ما عمتحول أكتر من خمسين ألف
لهنيك ...و في ماطق متل عفرين ما في الها حوالات
---------------
طيب سؤال الهرم بالتحديد في عندو حوالات سريعة لحلب أو عفرين
و شو الرسوم ...و كم فترة التسليم ..
و بنفس الوئت في الون شي على الحسكة و القامشلي ...

[hesham]

اقتباس: المشاركة الأصلية كتبت بواسطة عابر مجيب    تحياتي استاذ هشام انت من أكبر صروح واهرامات المنتدى تم نسف المشروع من أصله إذا مافي تحويل دولار شو استفدنا بس بكل الأحوال ، أنا عندي ثقة أن أي فكرة بيتخيلها الانسان ناجعة وبيلاقي فيها ربح ، بتكون وهم وفيها ثغرة . يعني الصرافين عاجزين عن خطة ابو حكيم أو الحسكاوي ؟ ولوووووووووووووو وين الحلبية !؟ بالزمانات وقت الأزمة العراقية اللي ما رح تخلص نعم كنت محطة للعراقيين ، بيوصلوا أول شي لعندي اللي بدو رحلة داخلية واللي بدو يروح على لبنان ، كأنهم كلهم طلاب علم ، لأنهم ما بيحكوا إلا بالدفاتر ، ما فهمت ليش ما في كتب ! هههههههههههه حتى دفاترهم يمكن سلك وكل ما بقلو بتكلف هالقد بيقلي يعني دفترين ونص أو تلات دفاتر نحنا كنا نقول على المية ملحفة وعلى الخمسميه طربوش بس ما شفنا الدفاتر . بعد استطراد كانوا يسألوني عن الشغل كنت قلهم : دوروا بالبلد وشوفوا شو الشغلة اللي ما حدا عم يشتغلها ، يقولولي إي والله فكرة . رد عليهم : لأ اوعوا تشتغلوها ، لأنهم جربوها وتركوها ، وكانوا يحبطون . هههههههه

شكرا لكلامك اللطيف اخي عابر

يستطيع من يرغب ان يشتري من محافظة اخرى .....
يقوم بايداع المبلغ في حساب الاخر ... والاخر يضع المطلوب في حساب الاول
وهذه الطريقة تعتمد على الثقة المتبادلة بين الطرفين
وتعتمد على الثقة بأن البنك قادر على دفع المبلغ الاخضر المطلوب
علما ان بعض البنوك تمنع تسليم الاخضر قبل مرور خمسة ايام على الايداع

[black_ghost87]

بعد اتفاق اميركا و سوريا سياسيا فنحن امام مستوى هابط للدولار و الله أعلم...

[لقماان]

اقتباس: المشاركة الأصلية كتبت بواسطة المضارب الحسكاوي    ههههههههههههه اخي ابو حكيم واحد منكم بيجنن محافظتنا كلها واكيد الك اقارب واصدقاء الك ثقة فيهم بالقامشلي وهيك مبالغ مو معقول انا ابعتلك او انت تبعتلي من مجرد معرفة المنتدى بس اتمنالك التوفيق ............................. بس اذا عندك مصاري زيادة وحابب تبعتن الي ما عندي مانع بس والله احيانا اطعف قدام المصاري اذا مبلغ كبير اطمنلك حالي لحد مية الف اما فوق والله صعب هههههههههههههههههههههههههههههه انا ريحت ضميري

لا ضل في عندي معارف و لا أقرباء
كلون الله يتم عليون
يا بألمانيا يا بالسويد أو الدانمارك أو هولاندا...أو بكردستان العراق..
و كلياتون على أساس بدون يطالعوني لبرا و آلولي اختار ...
فأنا تبطرت و اخترت سويسرا ...آم اختفا كل أثر لأقربائي
أبل كلو بدو يطالعني و أنا معند ما بدي اطلع و تكتر العروض على أساس تنحط علي وحدة
و يتسجل موقف و هيك هيك ...على أساس ماني طالع ..
بس وئت صار الحكي جد ......ايييييه...
-------------
المهم خيو أنا اطمنتلك و بدي حولك
و باعتبارك في عندك ميول اجرامية باعترافك انو ممكن تضعف
فأنا ققرت حولك
أربع حوالات بس أجور التحويل عليك...صحتين على ألبك
كل حوالة راح حولها 25 ليرة
و أقل رسم للحوالة يمكن هو 100 ليرة
يعني بتكسب 100 ليرة
و بنربح شركة الهرم كرمال عين أخونا هشام 400 ليرة
و خليها لنفسك تضعف ....
--------------
آل عندك مصاري زيادة آل ....
ما شفت صرت مشارك مية شخص ..
بالمشروع يلي حاول يحبطنا فيه أخونا عابر ...
بس و لا يهمك نحنا لا نحبط بنوب ...نحنا صامدين ..نحنا متحطمين..