بشرى سارة (لم تستطيع تحقيقه الأحزاب والأديان حققه العلم) - الصفحة 4

23-04-2012, 03:11 PM

#31

ابراهيم طاهر

موقوف

تاريخ التسجيل: Feb 2011

الدولة: اندروميدا

المشاركات: 1,338

شكراً: 596

تم شكره 1,545 مرة في 768 مشاركة

رد: بشرى سارة (لم تستطيع تحقيقه الأحزاب والأديان حققه العلم)

تأخرتي ياروان اين انت لقد اكلوني بدون ملح

23-04-2012, 03:31 PM

#32

عابر مجيب

عضوية مميزة

تاريخ التسجيل: Apr 2009

المشاركات: 4,860

شكراً: 67,497

تم شكره 35,134 مرة في 4,783 مشاركة

رد: بشرى سارة (لم تستطيع تحقيقه الأحزاب والأديان حققه العلم)

يقال أن خير الكلام ما قل ودل ولكن المشكلة أن هنالك كلام يحتاج إلى شرح وتفنيد .
عندما قرأت الموضوع ، أمسكت بالكي بورد بدأت أكتب ثم محوت ثم كتبت ثم محوت ، فكرت للحظة ووجدت دفقا من المواضيع يمكن أن تثار وكلها ستنتهي عند نفس النقطة .
جدل أشبه بالسؤال عن البيضة والدجاجة أو النور والظلمة .
حاولت تناول طرف الموضوع لأبدأ ووجدتني أمام ما يشبه حجارة الإستجمار ( بديل ورق التواليت في المجتمعات البدائية ) . أو كما يسموها العراقيون في مثلهم : مثل حجارة الطهارة كيف ما تلزمها ( تمسكها ) تنجس ايدك !
أما وقد جاد الجميع بما لديهم فسأدلي بدلوي أنا الآخر .
نقض الفكرة من حيث نظرة الأديان :
الدين من عند الله ولا غبار عليه ، الإنسان طبق خطأ لهلأ ماشي الحال ، العلماء بدهم يصلحوا أسباب الخطأ من الأصل يعني الله كان عنده خلل بخلق الإنسان وهنن بدهم يصلحوه ما عاد ماشي الحال أبدا !
يعني بناء على هذا مهما حاورنا وداورنا وفسرنا أنو هيك قصدنا وهيك ما قصدنا العلة لابسه لبس وما في مخرج .
بالنسبة للمعتقدات :
كل الأديان بتحكي عن الخير والشر وقامت على أساس الخير يقضي على الشر ، طيب إذا راح الشر شو بقي دور الحياة ؟ خلصنا ، صرنا بالجنة وكل الناس أحباب ، و بتنفتح الجنة ، بيقولولها دايمة مو لازمنا .
فاللي بدو يحكي لمصلحة الفكرة ينسى الدين تماما لأنو مافي شي بيركب وهذا بأكتر اختصار ممكن .
بالنسبة للمنطق والعلم :
تخيلوا الحياة بلا حروب ! بلا أمراض ! أديش كان صار عددنا ؟
من ناحية العلاقات الاجتماعية : كيف الدنيا حتكون ؟ كيف حنفرق بين الصالح والطالح ؟ طالما الكل صالحين ؟
ليش العلم ؟ ليش المنافسة ؟ ليش العمل من أصله ؟ الكل سيصبحون ثور الله في برسيمو . لا جدل لا خلاف الجميع خير وبركة ، لا جمهورية أفلاطون ولا طل الخبر . هاد مو أخلاق مؤقته ! كروموزومات وصبغيات اللي بدو يصير شرير ما بيقدر، ما في رجعة ، والنتيجة الحتمية هي البداوة وتخلف المجتمع . هادا على فرض أنه لم يحصل خطأ، وعلى فرض الإنسان الحالي ما كان داسس شي واحد من سلالتو ليتحكم بالبشر لأبد الآبدين .
كنت بدي أكتب أكتر بس حسيت أنو من العبث الإكمال ، ما رح استفيد أكتر من إزعاجكم بالقراءة الطويلة لنقض فكرة عبثية ومفكر معتقها حالو جايب الديب من ديلو وانو الكل غافلين . بس بتنفع فكره لفيلم خيالي بيصير خيال علمي إذا كانوا الممثلين منقبضين متل لعنة الله على الكافرين ، وبيصير فكاهي ومسخرة إذا ابتسموا .
بس بقي شغلتين
التوازن الطبيعي بيختل والدليل هو لحالو خلى اللي ما لو طعمة ينقرض .واكتملت الحياة ليومنا الراهن بانتخاب الأفضل ، مع انو الأمر ما بيخلى من بعض العشوائيات ( بهارات الحياة ) وكذلك القفزات السريعة اللي بتحط العقل بالكف ، بس دبروها ولاقولها تسمية، وصارت حقيقة علمية ( طفرة ).
بنرجع للعقل البشري اللي بيعمل العمايل ، بيوصل لمرحلة عند يا أما عالم فاشل أو عالم داق خلقو أو حس حالو وصل لطريق عبثي ما بيودي لشي . فجأة بيصرخ آمنت بالله والمشكلة أحيانا بيكون جن لأن عقله ما عاد قادر على الاستيعاب . نحنا طبعا بنصير ننط ونرقص ونقول ليكو ! وهادا الشي بيعملوه اللي شاكين وإيمانهم ضعيف وبدهم تدعيم من شخص على أساس بيفهم .
حتى بدون ما يجن ، الإنسان إذا اللي حولو مجانين ، عقلو ما بينفعو . والدنيا والحياة والأديان موجودة ومستمرة ورائجة من آلاف السنين لهدول الموجودين ، لا رح يتغيروا ولا رح يتبدلوا ، ولهلأ بيسمعوا بحالة شاذة لولادة متخلفة ( تيس خنثا ، صبي ولد بسبع أصابع ، حمار بلا دنب ، غزال بدون قرون ) بيقوم بيزحل عقلهم وبيروحوا يقرو برجهم ، وبينجموا بالفنجان وبياخدو اللي ما بتجيب ولاد ليكبسها أبو سبع اصابيع وبيسقوها من حليب التيس .
اللي حابب أي تعديلات ممكن في الكواكب الأخرى يكون في حياة لا هوائية ، لا إشكالات ، لا معرفة ، ولا إلها أي طعمه وضاعت النسبية بين الخير والشر ، ضيعانو أينشتاين ! اللي حابب ممكن يروح ويتركنا بتخلفنا وأفكارنا ودياناتنا . علما بأنه إلا مايطلع واحد يعمل عليهم معلمية وينظر ويعد عليهم درجات الخير ويصنفهم بين مقصر وفالح ويمكن يفرز منهم كفار .
كل شوي بتذكر فكرة بس بيصير لازم اعادة صياغة لكامل الموضوع ، طبعا انقطعت الكهرباء قبل النهاية بشوي بس كنت عم سيف أولا بأول ، بس إلا ما راح شي نسيتو كنت صححتو بين الأسطر فوق ..
تحياتي .

2 أعضاء قالوا شكراً لـ عابر مجيب على المشاركة المفيدة:

omar1964 (30-10-2013), غسان (23-04-2012)

23-04-2012, 03:55 PM

#33

ابراهيم طاهر

موقوف

تاريخ التسجيل: Feb 2011

الدولة: اندروميدا

المشاركات: 1,338

شكراً: 596

تم شكره 1,545 مرة في 768 مشاركة

رد: بشرى سارة (لم تستطيع تحقيقه الأحزاب والأديان حققه العلم)

اخ عابر
كل انجاز علمي قبل ان يظهر يتجادل عليه اهل الكتب السماوية بالتحريم والتكفير لكن بعد زمن يستوعبوا هذا الانجاز ويستثمروه وتنتهي الامور عاى خير .
ان الكون الآن في فوضى دينية وحزبية وهذا واقع لا يمكن انكاره يمكن للانسان ان يظهر دينه بمعاملتة الحسنة التي لم اراها عندنا ابدا" فكثير من التجار المتدينين يقوموا الآن بنهب منظم للفقراء اما بالغش او برفع الاسعار وحكى لي احد الاشخاص ان تاجر اغذية يطمر الآن اطنان من الذهب في ارضه لا يعرف اين يخبئها وهي ناتجة عن الازمة التي نعيشها وهو يدافع عن الاديان ولا يغسل يده بالصابون بل يغسل بالتراب لانه اطهر كالحجارة التي قلتها انت للطهارة

التعديل الأخير تم بواسطة ابراهيم طاهر ; 23-04-2012 الساعة 04:18 PM

07-06-2013, 10:33 PM

#34

ابراهيم طاهر

موقوف

تاريخ التسجيل: Feb 2011

الدولة: اندروميدا

المشاركات: 1,338

شكراً: 596

تم شكره 1,545 مرة في 768 مشاركة

اصبح المسلمين بحاجة لمعجزة ليقفوا بعد السقوق , تعدد الطوائف ووضعنا في الجحيم الذي نحصد نتائجه من ميآت السنين سابقا" الى الاف السنين لا حقا" , فكل طائفة تقول انا الصح ومساري هو الجنة وانا اقوم مااقوم به من اجل ارضاء لله , فانشطر الاسلام الى ميآت الطوائف والمذاهب المختلفة المتعاكسة وكل بنظر الفقهاء هو صح على مبدا يجوز الوجهين والخير الى الامام في التفتت الى ان يرسل الله معجزة الينا لان الصادقين هم ضعفاء وقلائل فينا .
فالمسلمين ضعفاء ومتخلفين يعتمدوا في حياتهم على عقول الغرب في معيشتهم وبنفس الوقت يعتبروا الغرب كافر وملحد ويتوجب قتل رجالهم وسبي نساءهم , نحن نعيش الآن الضياع الحقيقي و بكل صدق ولا يشعر بذلك الا المفكر العاقل اما الذي لا يشعر بذلك فهو بدون احساس ويتعايش مع الفوضى فهي فرصة لجمع المال على مبدا (جناب مثل الطناب ) (اصلي الفرض وانام بالعرض) .
اما الثوريين من القوميين الذين قادوا العرب فقد كانوا هم الازكياء ضحكوا على العرب فسرقوا الانسان الحقيقي ووضعوا بدلا منه دما" وسرقوا المال ووضعوا اغلب رجال الدين في فرق الانشاد الدينية , وعيش ياكديش لنبت الحشيش

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
من يقود العالم الكتب القديمة أم ( الأحزاب والملوك) أم العلم	ابراهيم طاهر	استراحة المضاربين	2	02-07-2013 04:31 PM
إضراب موظفي " الإخبارية السورية " عن العمل بسبب تعيين " عماد سارة " مديراً عوضاً عن " فؤاد شربجي "	hesham	استراحة المضاربين	5	01-11-2011 12:33 AM
27% نسبة البطالة لدى الشباب .. المرصد الوطني لسوق العمل يصدر تقرير سوق العمل 2009-2010	رندة	اقتصاد سوريا	0	30-07-2011 11:57 AM
شددوا على ألا تكرس الأحزاب النزعات الإقليمية والتقسيمية... حزبيون ومفكرون: مشروع قانون الأحزاب يؤسس لحياة سياسية في سورية	غالب	استراحة المضاربين	0	09-06-2011 02:37 AM
بشرى سارة .. غوغل تفتتح مقرا لها في حلب‏	faissal	استراحة المضاربين	4	06-08-2009 11:49 PM

		الأسهم السورية ( المضارب السوري) > ملتقى المضاربين > استراحة المضاربين
بشرى سارة (لم تستطيع تحقيقه الأحزاب والأديان حققه العلم)

اسم العضو		تذكرني
كلمة المرور

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى