عابر مجيب

صباح الخير
حقيقي شي بيحير ، يعني الناس لها الدرجه جاهلين ، ولا ماعندهم ادنى درجات المنطق ؟
عفوا ما المقصود الجميع ، بس واضح من بعض المشاركات ، إلا اذا كانوا يقصدون التضليل .

مثلا المركزي بدو يرفع الدولار ليبيع دولاراتو ؟!
مين ممكن يظن أن المركزي عاجز عن طبع الكمية التي يرغب بها ؟
يمكن ما بقي غير يطبع دولار كمان
في حدا ما شاف الألف الجديدة ؟

تانيا اللي ما بيعرف بالاقتصاد والاحتياطي وكيفية تقييم قيمة العملة من خلال الميزان التجاري
طيب خلينا بعيدا عن الاقتصاد وخلينا نتخيل هالمشهد

مقاتلين اثنين مثلا ، محصورين في غرفة ، وماعندون غير قنينة مي واحدة ، قننوا وشربو أقل ما يمكن ، وأخيرا فضيت القنينة ، رح يموتوا من العطش ، انتظروا كم يوم ، وبعدين انتهى القتال وعادت الأمور إلى مجراها .
والسؤال هل سيتفاجأون بأن قنينة الماء إمتلأت فجأة بقدرة قادر ويرجعوا يشربوا ويروو عطشهم ؟
إذا كان هاد ممكن ، بدون ما يطلعوا يعبوها من مصدر خارج الغرفة ، أو إذا ما كان عندهم شي يبيعوه ليشتروا ماء ، بظن من السخف نعتقد ان القنينة رح تتعبى .

من مجرد هالصورة البسيطة ممكن لأي انسان بسيط يفهم أن مجرد توقف القتال ومهما حل من أمان لن يتراجع ثمن الليرة ، ممكن يتوقف الهبوط ، ممكن تتحسن شوي مع تحسن الصناعة والتصدير الزراعي وعودة السياحة ، أما نفيق الصبح نلاقي الليرة رجعت فهذا مجرد وهم وسذاجة .

الليرة اللبنانية كانت أقوى من السورية ، كان الدولار 3.25 ، ظلت تنهار لتجاوز الدولار 3000 ، بعد الحرب تحسنت بالتدريج ورجعت ببطئ ووقفت عند 1500 ومازالت من اكتر من عشرين سنه .
ولسا في ناس مفتكرين انهم أول من اخترع الدولاب !

(( أبو جهاد ))

__________________

المضارب الحسكاوي

صباح الخير للجميع وان شاء الله جمعة مباركة للمظلومين في سوريا والظالم الله لا يوفقوا
اغلق السعر يوم الخميس في القامشلي وتوابعه شراء حوالي 144 والمبيع حوالي 145 للدولار

shereen

صباح الخير اخي عابر بحب ضيف لكلامك التالي:
عملتنا هللق وضعها ممتاز بسبب الدعم الايراني والعراقي وعدة دول والمفروض على هالاوضاع والديون تكون بين 600 ليرة لل 700 ليرة وبحرب لبنان كانت اغلب الاطراف متكافئة ولاكان في طيران ولاسكود ولاكيماوي ولا قد ربع الدمار اللي هللق صار بسوريا ولو فرضنا خلصت الحرب بكرة في ناس ساذجين مفكرين انو وقت تخلص الحرب لح ترجع الليرة على 50 هههه انا بظن بس تخلص الحرب لح نتعرف على مصايب جديدة وهية حجم الدمار الحقيقي والبنى التحتية والزراعة والنفط ولح يوقف دعم الدول للحكومة بضخ الدولارات ولح ننصدم بالحجم الهائل للديون اللي ترتبت على سورية وهية بلميارات الدولارات فوقتها لح بتكون كمان الخزينة مصفرة ولح تصير عمليات نهب للبنوك والمؤسسات بشكل عالي وبتوقع يوصل بوقتها الدولار لل 1500-1700 واذا طالت الحرب يمكن نوصل لل2500ليرة ووقت ترجع عجلة الانتاج اتدور والمعامل والزراعة والنفط يتحركو وقتها بيوقف نزيف الدولار ويمكن يكون في دول مانحة وحابة تساعد باعادة الاعمار طبعا كل دولة الها غايتها مافي شي محبة بالشعب السوري بهداك الوقت ممكن ترجع وترتفع الليرة السورية بالتدريج وعلى حسب سرعة التنفيذ بالاعمار واصلاح المخروب وهالشي كمان بيوقف على حسب ايمت بتوقف الحرب يعني كل حكيي السابق ممكن يستغرق اقل شي 3 سنوات لتخلص الحرب ويبلش الانتاج واعادة الاعمار ووقتها بتكون بلشت الليرة ترتفع قدام الدولار من 2500 لل1500 لل 500 او شو رايكم ؟

__________________
يارب

AYMTAL

الليرة السورية

سؤال نصف بريء

كان في ناس تنكل بالجثث و تشيل القلوب منها و تاكلها و تتصور فيديو ؟

حسبنا الله ونعم الوكيل

أنس الأشقر

صباح المسك و البركة و التوفيق بإذن الله

__________________
ربي أعطهم ضعفين ما يتمنون لي

AYMTAL

shereen

حابة رد عليك بخصوص اول شي وتاني شي مين قللك انو بسوريا مو صاير ابشع من لبنان بمليون مرة وين قللك مالح تصير حروب باردة بعدين وتاني الكويت وليبيا صار فيهم تدخل اجنبي فوري والاضرار اقل بكثير من سوريا ناهيك انو الكويت في قلها ببنوك امريكا كان شي 3000 مليار دولار وعطو تعويضات هائلة بس لخلصت الحرب وليبيا عندها احتياطات مالية مرعبة والنفط مااتضرر بالحرب وعودة رؤوس الاموال من المعتربين يعني فيها وجهة نظر بس بحب ذكرك انو الملايين العراقيين اللي هربو من العراق مارجع 10 بالمية منهم على الرغم من انتهاء الحرب من زمان وشكرا

__________________
يارب

Markets MENA

التحليل الفني سوق العملات فوركس FOREX يورو دولار EUR/USD - يوم الجمعة 17/5/2013 - تداول ضمن القناة الهابطه

قام زوج اليورو الأوربي مقابل الدولار الأمريكي EUR/USD يوم امس في سوق العملات فوركس FOREX بالتداول كما كان متوقع من التحليل الفني يوم الخميس حيث انه قام بالأرتداد صاعدا من مستويات الدعم 12850 ووصل بالقرب من مستويات المقاومه عند 1.2948 حيث بضغط نقطة المقاومه وخط الترند العلوي في القناة الهابطه عاد الزوج للتراجع الى المستويات الحاليه.

إتجاه التداول : أسفل / جانبية

نقاط المقاومه الرئيسيه اليوميه: 1,2878 / 1,2889 + 1,2948 + 2977 + 1,3030 / 1,3050

نقاط الدعم الرئيسيه اليوميه: 1,2740 / 1,2748 + 1,2680

بالنظر الى الرسم البياني الساعي لتداولات زوج اليورو الأوربي مقابل الدولار الأمريكي EUR/USD في سوق العملات فوركس FOREX نلاحظ إستمرار الاتجاه الهبوطي للزوج وتداوله ضمن قناة هابطه قصيرة الامد ويحتاج الزوج لأختراق مستويات الدعم عند 12850 والأغلاق ساعات تحتها للبدأ بتحقيق أسعار متدنيه بإتجاه مستويات الدعم 1,2740 / 1,2748 .

في حال إرتداد الزوج صعودا وإختراق مستويات المقاومه 1,2878 / 1,2889 التي إغلاق فوقها ساعات سيعيد الأختبار لمستويات 1,2948 والتي إختراقها سيولد إشارة شراء قصيرة الأمد بإتجاه المستويات 1.2977 التي إختراقها سيدفع التداولات الى مستويات المقاومه عند 1,3030 / 1,3050.


بالنظر الى الرسم البياني اليومي لتداولات زوج اليورو الأوربي مقابل الدولار الأمريكي EUR/USD في سوق العملات فوركس FOREX نلاحظ ان الزوج يتابع الأتجاه الهابط مع جمع العزم الازم وتوطيد التداولات حول المستويات الحاليه عند 1.2850 تقريبا تمهيدا لأختراقها والتي إغلاق يومي تحتها سيدفع الزوج لمزيد من التراجعات الى مستويات 1.2748 ولمزيد من التحليل يرجى الرجوع الى التحليلات السابقه