ياسمينة

صباح الخيرات
لافة اضوضة لبنة، اتفضلو .. اديش الكون ما استخدمتو هي المفردة ؟
عم تابعكون عالتكة بس قلبي محروق على شخص عزيز علي كتير هلا بوقت كتير صعب ادعولو يمرق من هالمحنة وينكتبلو عمر جديد .
كل سوري همو على قدو الله يفرجها عالجميع

__________________

abu mhd

اقتباس:

المشاركة الأصلية كتبت بواسطة عابر مجيب ملكنا الغالي بس من خوفنا عليك ، الملوك عادة ما بياكلو إلا بعد ما حدا يتذوق الاكل حفظا على سلامتهم ، أمري لله انا متبرع . مو تفكرني عاملها حجة

يسعد صباحك استاذنا الغالي
اممممممممممم كلامك في وجهة نظر بركي احد المندسين وضع لي السم في الدسم
قررنا تعيينك برتبة مستشار ملكي

__________________
شآمُ ما المجدُ؟ أنتِ المجدُ لم يغبِ ..

لقماان

اقتباس:

المشاركة الأصلية كتبت بواسطة rain اما ان للقيد ان ينكسر ؟؟ مشاركتك بانتظار موافقة الاداره والله ابوحكيم ما قصر بوصفكم ؟؟؟

صباح الخير أخي رينبكرة بس تؤعد على الكرسي بتساوي متل حكايتون اذا ما أكتر.....................

__________________
أبو حكيم الدين

عابر مجيب

ما يغيظ هو أنك تحزن عندما تجد انسانا على مستوى رفيع من الذكاء والخبرة والمعرفة والعلم ، نعم يغيظك من جهتين ، أولا تحزن على ضياع تلك المواهب ، وثانيا تغتاظ من استخفافه بذكاءك .
هل له عذر ؟
نعم
من غلب عليه هواه ، يبذل ما في وسعه لخدمة ما أستهوى ، والمسكين يقع أحيانا في تناقضات لا يد له فيها ، مو بيقولوا حبيبك تحبو ولو كان عبد أسود . ولنا في عبلى العبرة .
أحد المحامين استلم دعوى قد ركب الجرم موكله فيها ! ماذا يفعل ؟ والأجر مغر .
بدأ في أول جلسة بالتمييع والخروج عن الموضوع :
إن الله خلق السماء ، ثم خلق الأرض ، ثم خلق الليل والنهار ، ثم بعد ذلك خلق آدم وحواء ..... وهكذا . ولكن القاضي كان فطن إلى المضيعة ، فطلب منه الاقتراب من المنصة وهمس في أذنه : معلش خلي مداخلتك من بعد الطوفان .

وقد نصح أحد الحكماء بقوله :
لا تناقش من غلب عليه هواه ، حتى يعود إليه شيء من عقله .

لقماان

اقتباس:

المشاركة الأصلية كتبت بواسطة رندة أسعد الله أوقاتكم جميعاً شكراً أبو عمر صالون عامر بالاصدقاء والفائدة شكرا أبو حكيم للسؤال

ولو يا مدام رندة ......هاد مو سؤال برستيجي......
أنا آكل على صفرتكون................
و انت و أخي أبو معاذ و عائلتك الكريمة
أحطموني بأجواء عائلية نبيلة....و كذلك عائلة سيريا ستوكس ....
صحيح برفعلكون ضغطكون ...شوي ...و أحيانا كتير ...
بس سبحان الله هي موهبة عندي برفع ضغط يلي بودون ...
و ماني عمأئدر أتخلص منا ....

__________________
أبو حكيم الدين

abu mhd

حكمة عالسريع قبل الصلاة

لا تكن كالحمار مطية للناس من اجل ان يصعدوا عليك ويركبوا ظهرك ليبلغوا غاياتهم
ولكن كن كالنمر ؟
.
.
.
... .
.
.
.
.
.
.
.
.
.
ما بعرف شو بيعمل !! لكن : خليك مثله شكله حلو عالأقل

ههههههههههههههههههههههه

__________________
شآمُ ما المجدُ؟ أنتِ المجدُ لم يغبِ ..

عابر مجيب

من فين هي أضوضة ؟
كشفناك ! بأي مدرسة كنت ومين مصاحبة ؟
هههههههههههههههه

صار فيك متل اللي علمتها جارتها العربي ، وقالتلها حضري لزوجك شغلة ظريفة وقوليلو عملتلك مفاجقة .


يحكى أن أهل صدد كانوا يحضرون إلى حمص لبيع التبن ( شليف تبن ) واثناء عودتهم ، كان يقف لهم في الطريق بعض السفهاء ، ويضربوهم ويأخذون مالهم
أهل صدد مشهورون بالبخل بس من فين يا حسرة ، منطقة منعزلة ، وجف ماؤها
والفقير دائما موضع سخرية واستغلال ، ولكنهم حويطين
اتفقوا على تغيير اسماءهم واستبدالها باسماء من الأكثرية حتى لا يتجرأ أحد عليهم .
واحد اختار محمد والتاني مصطفى
ولدى عودتهم سألهم الأشرار ما اسماؤكم ، قال الأول محمد ، نفد
الثاني قال مصطفي ، قالو له مصطفي لكان قولتلي ، تعا ولا هات تمن الشليف وعملولو اللازم .

ملاحظة : مصطفي ، بالياء من لهجة أهل صدد .

مصابك مصابنا ، الله يشفيه ويعافيه .

ياسمينة

ما حبيتا ع فكرة
عدلت لقلك بجوز ما فهمتا هون عم نحكي تراث
اضوضة
سقسوقة
عروسة

__________________

لقماان

مرحبا للجميع ...
اي شو هالصالون الناشف أبو عمر ...
رواد صالونك يتضورون جوعا ...
و عميدوروا على الأضوضات......
-----------------------
على فكرة كلمة أضوضة كتير كنا نستخدمها و نحن صغار عاد ما بعرف بالضبط
هي كلمة كان يستخدمها الشوام الأصليين وئت كانو أهلي بركن الدين
و لا أهل اللاتئية الأصليين وئت شفرت حضرتي بحارة الطابيات....
اييه ذكرتوني بوالدتي الله يرحمها ..مع انا ما كانت تعرف تحكي عربي منيح ...
بس كنا وئت نجوع تؤلنا ساويليك أضوضة انتي....
و ما حدن منا كان يعرف مين المقصود بالسؤال
البنات و لا الشباب ....
المهم الكل يجاوب و يؤول اي ساوي....
و تعلأ اخطيطا علئة الها أول ما الها آخر ...
لبينات ما تسوي آخر أضوضة ...
بيكون رجع جاع يلي أكل أول أضوضة......

__________________
أبو حكيم الدين

ياسمينة

اهلا صديقي
فعلا اضوضة مجهولة الاصل
الكل متعود على عروسة .. اليوم اول مرة بكتشف السقسوقة

__________________