سعر صرف الدولار بالليرة السورية في السوق السوداء ليوم السبت 4-5-2013

[البحر الهائج]

مسالخير للجميع

[najm]

اقتباس: المشاركة الأصلية كتبت بواسطة مجد    الناجح يحاول ان يتعلم من اخطاء الاخرين وليس من اخطاءه .واذا اخطا تعلم وعلم الاخرين من اخطاءه . الفاشل هو من لا يتعلم من اخطاء الاخرين واذا اخطأ حمل الاخرين اخطاءه .وهو لا يتعلم ولا يعلم .

احسنت حكمة في غاية الجمال
النجاح اخي مجد هو الحذر من الوقوع في نفس الحفرة التي وقع فيها غيرك
والتعلم من اخطاء الأخرين وعدم الألتفات للعثرات الصغيرة التي قد تواجهك لكي لا تصاب بالاحباط وفقدان المقدرة على الاستمرار لا بل المحاولة مجددا مرة بعد مرة فطريق الالف ميل يبدأ بخطوة ولن تصل للنهاية اذا تهيبت البداية ..
وأكيد كلامك نابع عن خبرة طويلة وتجارب مرت معك في الحياة

كما مر معي ولكن الان أصبح همنا أكبر بكثير من الحديث عن مزايانا المقدسة أمام الاهوال التي نراها كل يوم . ونصل لمرحلة من اليأس أحيانا عند رؤية كل هذه الدماء ونحن عاجزون عن فعل شيء..

تصبحون على خير

[sarab1618]

ما السبب في انفجار الفقاعة قبل نهاية العطلة وبدء العمل الرسمي ... هل تدخل المركزي بشكل غير مباشر ... أم تخوف قبل الموعد ..............؟؟؟؟

[alternative]

بحب اقول لكل يلي عم يهلل ومبسوط
اليوم ساهمتوا بفعالية بملئ خزائن تجار العملة بالدولارات الرخيصة
وتاكدوا انو لا اسعار نزلت ولسا تجار السلع ما عم يعترفوا بالسعر الحالي
وانتظروا غدا
ويلي احتفظ بالدولار اليوم بحب الو انت ضد سياسة القطيع
ان غدا لناظره قريب

[Dynamic Pulse]

اقتباس: المشاركة الأصلية كتبت بواسطة عمار اللامي    و بنرجع بناكل لحمة مشوية و مقلية بس بدياها ب حلب حصراااااا و ان شالله بعزمك عليهاااااااااا

أهل حلب أهل كرم
زرت حلب مرة واحدة وشعرت أني بين أهلي
تجار وصناعيين معرفتي بهم ليست بالعميقة أكرموني أيما إكرام
مافتت لعند واحد إلا مدلي سفرة طويلة عريضة
يومها فطرت مرتين وتغديت 3 مرات
واحد بينهم خصصلي اليوم كلو ليوصلني بتنقلاتي
إنشاء الله بس تخلص هالأزمة بعملك زيارة
وأنت بتشرفنا بزيارة

[لقماان]

اقتباس: المشاركة الأصلية كتبت بواسطة omar1964    السلام عليكم انا تاجر مواد غذائية انتاج محلي ( سمن و زيت ) انوي الدخول بجزء من رأس المال . ( محاولة لتعويض جزء من تأكل رأس المال ) عند أي نقطة أو مهبط تنصحوني ؟ و لكم الشكر

و عليكم السلام و رحمة الله و بركاته
اذا انت تاجر غذائيات محلي يعني ما بحاجة للدولار ..
و بنفس الوئت مافينا نؤلك تروك مصرياتك بالسوري ...
انت اذا بدك تكسب البركة بالدنيا و الآخرة ...
ائليب مصرياتك كلون بضاعة أول بأول ...
هيك بتكون عمتربح و تربح الناس ....
و بتوقع بهي الحالة بيكون في عندك بركة أكتر من الدولار..
و اذا عمتستورد من برا ...بيكون أكيد لازمك دولار
و مافي نقطة معينة تدخل فيها
مشان ما تضيع حالك بالدولار على حساب نشاطك الأساسي المفيد للجميع
بيصير لازمك تئلب الغلة أول بأول دولار مشان تئدر تستمر و تجيب بضايع

[ابو المجد]

مساء الخير
الذي يحدث في السوق لعبة كبيرة جدا و ما رايحة الا عالشعب المسكين

[omar1964]

السلام عليكم
شكرا ابو حكيم و الشكر موصول كذلك لكافة الاعضاء و ادارة المنتدى على المعلومات عن سعر الدولار و الذهب و التي تصل بسرعة من كافة محافظات سورية الحبيبة . و الشكر ايضا للتحليلات العلمية و التوقعات المبنية على اساس علمي و مستندة الى دراسة لوضع الدولار و الليرة والذهب و المركزي .
اخي ابو حكيم انا رسمالي كلو بضاعة ( و كلها بضاعة انتاج محلي 100 % ) و ما بفهم بالدولار و الذهب و ما بيلزمني غير لما كنت سافر سياحة لبرا او لما بدي ابعت مصاري لبرا و لما كان يتوفر معي شوية ارباح زيادة عن راس المال بالسنوات السابقة كنت اشتري عقار . بس عم لاحظ انو راسمالي ثابت تقريبا و زميلي تاجر البضاعة المستوردة او حتى يلي بتدخل بصناعتها موادة مستوردة راس مالو عم يتضاعف . يعني انا كان عندي كمية زيت زيتون و سمن و لبن و جبن ...الخ زاد سعرا بس كانت قيمة هالبضاعة عالذهب كذا غرام ذهب , و ع الدولار كذا الف بس هلق عم احسبها ما عم تزبط معي صارت قيمتا حوالي النص و يمكن اقل .
اخر مرة اشتريت دولار لحتى ابعت لإبني يلي عم يدرس برا سورية ( طبعا ع حسابي ) كان 125 ليرة . هالشي خلاني فكر اني حول نص راسمالي لذهب او دولار و خلي النص التاني بضاعة . ( يعني نص عاقل و نص مجنون ) .
للعلم للاخوة الاعضاء اسعار بضاعتنا المحلية المنتجة ( مشتقات الحليب ) مازادت عن اسعار السنة الماضية كتير بالعكس في بعض الاصناف ارخص شوي من العام الماضي بس زادت كتير اسعار العبوات ( بلاستيك او تنك ) و زادت كتير اجور الشحن و كلفة التخزين بالبراد و التكاليف كلها بشكل عام . و بالنسبة لزيت الزيتون البكر لولا يكون موسم الزيت الماضي مضروب بإسبانيا و زاد سعر الطون عالميا . ما كان زاد سعرو عنا ( صار شوية تصدير) و مع ذلك ما زال سعرو بسورية اقل من نص سعرو بالدول المجاورة و يا دوب عم يجيب للمزارع كلفة انتاجه.
و ما ننسى انو هالمنتٍج للزيت او لمشتقات الحليب ( الانتاج الزراعي و الحيواني ) هوي بالنهاية مواطن و بيشكلو اغلبية من الشعب السوري عايشين من هالعمل و كل معامل الصناعات الغذائية قطاع خاص او عام معتمدة على المادة الاولية حتى تبقى شغالة .
ملاحظة للإدارة زر الشكر لا يظهر عندي .

[ذكرى انسان]

اقتباس: المشاركة الأصلية كتبت بواسطة omar1964    السلام عليكم اخي الكريم ما فهمت كيف صار الحساب هيك معك يعني 200 / 47 = 4.2553191 و 350 / 140=2.5 يعني حسب فهمي انت اخدت المتر ب 117.5 ليرة على سعر الدولار القديم

أخي من الفرحة ماعاد جمعت اشكرك على تعديلك انا كنت بحسبها بالريال تقريبا



كان حقها شي 42000 ريال سعودي أما انا اخدتا ب 25000 ريال سعودي تقريبا


أشكرك مره ثانية