الليرة السورية

الأخ يلي معتمد على المقارنة بين اقتصادنا و اقتصاد ايران ممكن تعطيني مقاربة بالارقام قديش محزون الاحتياطي عنا بالبلد حاليا و على اي اساس عم تقيم سعر الصرف لليرة ؟
أخي في بديهيات متل ما حضرتك عم تحكي و تعصب علينا
اذا بيكون اقتصاد البلد بالف خير بس في مضاربين و لعبة صرافين بالبلد بدون رقابة رح يطلع الدولار بالسوق السودة
حرص المركزي حاليا على المحزون و عدم استنزافو بلعبة مفضوحة عم تصير بالسوق لا يعني انو مو قادر يتدخل
ولكن لا تسدق انو مضارب " صغير " براسل مالو طبعا و كلياتكن كبار كاشخاص و على راسي
بيقدر يضارب على بنك ... ولا حتى مجموعة مضاربين
لان قد ما كان راس مالكن ما رح يكون قد راس مال حكومي او مدعوم بودائع و غيرو و غيراتو
اللا اذا كان مجموعة المضاربين بالسوق عم توصلها مبالغ للمضارب من برا و مستعدة للخسارة بس لرفع السعر و هي هم تاخد عمولة " فوركس بالوكالة " بتربح نفطة او تنين على كل تجرة خسرانة كانت او ربحانة
و هاد اسمو تدمير لاقتصاد البلد مع احترامي للجميع
ما رح فوت بتفاصيل الطمع و بناء الثروة على حساب المواطن منشان ما كون عم اتهجم على حدا او حدا يكرهني
ولكن يا شباب الشغلة بدها شوية زكا و كتير من الضمير
في ناس بلشت تموت من الجوع من ورا هاللعبة ولا بيهمها لا نظام و لا غيرو
بدها تعيش و فخار يكسر بعضو
لا تلعبو بارزاق الناس اللع يرضا عليكن
ولا تضوجو على بعض
حبو بعض

د. همكي

لما قلتلك بزمانو إنك بتشائمنا بمداخلاتك زعلت مني (يمكن) لأتك مصر تذكرنا بالحقيقة باستمرار... قلتلك يومها واليوم بعيدها إنو كلنا (تقريبا) منعرف استمرار الأزمة لوين مودينا ومتوقعين الوصول للـ 200 من زمان ويمكن الـ 1000

ووقت منكون عم نحكي عن الصعود والهبوط هذا في مجال الأيام ولكن على المدى المستمر فالمؤشر صاعد صاعد


الله يخليك اسمحلنا نذكر كلمة "الهبوط" مشان العامل النفسي بس .... ههههههه

تحياتي لكل حماه وأهلها

انس الحموي

بالعكس اخي ما بزعل منك ابدا وماني متشائم بالعكس ما عما نقول الا الحقيقة والواقع وما قلت رح يصير الدولار هلىء وبكرى او بعده ب150 ليرة ولا حتى بشهرين وتلاته وهل الشي عما يطمن الناس وقلت للدولار ارتداد بس ارتداده مو اقل 103 ليرة ومحد بيعرف اذا بدو يرتد ايمتى رح يكون هل الارتداد بس بتوقع اذا وصل لل 110 ...بس غلط المضاربة على اساس المقامرة لانه بتفرحك مرة وبتبكيك عشرين مرة ...وانا انصدمت كتير لما قام اخ باسل بعملية البيع لانو اله مكانه كبيرة بقلبي ومانو انسان عادي لحتى يقوم بهيك خطوة نتائجها هو نفسه ما بيضمنها ...وبعدين لا تخاف صحيح رح تخرب وكتير كمان بس رح تصلح ورح تصير الليرة السورية بعد عشر سنين او اقل بشوي كل دولار يساوي ليرتين ولا تفكر عما امزح بالعكس عما احكي جد ...بس فتاح قوسين ( مو الليرة السورية يلي منعرفها وعما نتداولها هلىء ...الليرة السورية يلي رح نتداولها بعدين ) هلىء سكر القوس احلى د. همكي

د. همكي

يعني متل تركيا وقت عملوا الـ 10000 ليرة تركي قديمة تعادل 1 ليرة جديدة وهيك صار عندهم الدولار بحدود 1.5 ليرة تقريباً (هلق ما بعرف قديش) ..... الله يبشرك بالخير

ما رح اسألك عن العقارات (حسب اقتراحك سابقاً) احتراماً لرأي المشرفة (الله يطولنا بعمرها) بس دخلك بقديش كيلو السمن العربي بحماه هالأيام؟ إذا لسه في سمن عربي (إن شاء الله ما يكون السمن ممنوع كمان) ...

انس الحموي

لك نحن منحب بعض ومنحبببببببببك كتيييييييييير بس انت يلي عندك مشكلة بافكارك وكل مرة بتبدل شخصيتك وداخل هلىء بعضوية جديدة علينا على كل مو مهم هل الحكي بس عنجد منحبك بس كم مرة بدنا قولها الك اللعبة مو لعبة صرافين ولا فوركس بالوكالة واكتر الشي عجبتني المصاري يلي عما توصل من برى للمضاربين منشان هي بدها ابتسامه عريضة لاحولة ولا قوة الا بالله لو حكيك صحيح انو عما توصل مصاري للمضاربين وهدفها بس استنزاف الليرة السورية وتدمير الاقتصاد كنا شفنا الدولار كل يوم بارتفاع وما كنا شفنا لا استقرار له ولا اي هبوط في بعض الاحيان لانو يلي عما يرسل مصاري للمضاربين وما بهموا كم فاتورة الخسارة بتم عما يشتري بالدولار كل يوم وبيرفع من سعره وكنت شفت المؤشر على طول صاعد ...وهل الشي موجود فكتير احيان عما نشوفه مستقر واحيانا بيهبط عدة ليرات ....تاني شي بخصوص الصرافين والمضاربين يلي عما يخسروا الليرة قيمتها ...بدك تقنعني انو الدولة مافينها توقفهم عند حدهم ؟؟؟ ما الدولة هي يلي مرخصة للمضاربين والصرافين انو يشتروا ويبيعوا دولار منشان ما تنهار العملة وتفقد قيمتها ...ولا اسماء الصرافين والمضاربين عندها اسم اسم وفينها بقوتها الجبارة يلي شفناها على الارض تجرد اي صراف او مضارب مو بس من مصاريه من روحه كمان تحياتي اخي اب..... والله والله منحبك

انس الحموي

اي اسالني على الخاص اكيد ما ممنوع في شقه فخمه كتير بشارع عريق كتير سعرها رخيص كتير وبطالع لك بالميته ميته 25 الف ليرة كل شهر حاكيني على الخاص اذا حابب تعرف التفاصيل ...اما بخصوص السمن العربي بصراحة ما عندي فكرة عن سعره بهي الايام لانو ما مناكله ما منحبه بس بعرف سعر الاجبان والالبان ..وعلى فكرة عنا ارخص من كل المحافظات ايمتى ما بدك كم تنكة جبنه عطيني العنوان وبيوصلوك لاي مكان شو كم د. همكي عندي ...وبخصوص السمن العربي رح اسال لك يوم السبت عن السعر واذا ما عندكم سمن عربي بالمكان يلي متواجد فيه وحيات عيونك احلى تنكت سمن عربي بتوصل لعندك هدية من اخ لاخوه

د. همكي

تسلملي ما أطيبك ... حموي أصيل شهم
أنا مالي مصلحة بالعقار حالياً لأني بالشام .... مشكور كتير
بقديش الجبن الغنم؟ بلش الموسم الجديد وإلا لسة شوي؟
على كل حال كيف بيحكو عالخاص .. ممكن تعلمني ...

حلبية

اخوتي الكرام
يرجى مساعدتي لو سمحتم
كم يساوي الدينار البحريني بالليرة و بالدولار ؟
وشكراااااااااااااا

مجد

اقتباس:

المشاركة الأصلية كتبت بواسطة حلبية اخوتي الكرام يرجى مساعدتي لو سمحتم كم يساوي الدينار البحريني بالليرة و بالدولار ؟ وشكراااااااااااااا

الدولار يساوي 0.375 ديناربحريني

الدينار البحريني يساوي 285 ليرة اليوم تقريبا

__________________

حلبية

شكرا لك اخي مجد بس لو سمحت لو سمحت ممكن تحسب لي ياها بالعكس !
يعني مثلا .. كل مية دينار كم بيساوو عالدولار !

وشكراااااااااااااااا