باسل غ

اقتباس:

المشاركة الأصلية كتبت بواسطة د. همكي أستاذ باسل ممكن تعتبرني مو من (النبيه من الإشارة....) وتشرحلي بالمشرمحي مو بالإشارة .. لو سمحت

اقتباس:

المشاركة الأصلية كتبت بواسطة mouayad شو رايك استاذ بسل باغلاق الصرافة بحلب في شي كبسة عليهم؟؟؟؟ ولا للتهرب من البيع و رفع السعر للسبت ؟؟؟؟؟

استاذ mouayad

كبار الصرافين ما بيتهربوا من البيع

وما بناسبهم يفكروا بسعر غير

باليوم يلي عبتشروا وبيعوا فيه

فيه نسبه بين الدولار واليره يلي

معهم يعني لو خسر الدولار بتربح

اليره والعكس صحيح

كرمال هيك الصرافين دائما ربحان

ومافي صراف بسكر وبروح على بيته

لانو خايف من الخساره او طمعان

بالربح بعد يومين .......

_____________________

دهمكي

انا طلعت من السوق مبارح على

104.5 وانتظر الدخول على 96_97

قبل احداث اليوم

ويلي صار اليوم بدل على تدخل بشكل

او اخر

وهذه ليست دعوه لبيع او الشراء

sajed

ADIB

مساء الخير لجميع الاعضاء والمشرفين الاعزاء

__________________
<<النقود الرديئة تطرد النقود الجيدة من التداول>>

د. همكي

شكرا على التوضيح

kloush

فكروا معي بشفافية الموضوع عبارة عن العامل النفسي والثقة
في الليرة و طالما الخوف موجود فهناك عدم ثقة تدفع لمزيد من
التحوط الفوري و شراء المزيد من الدولار أو الاصول و السندات
المركزي واقع بين نارين فأما أن يتدخل في سوق القطع و يطرح
المزيد من أصوله للتسييل مقابل حماية الليرة وبالتالي يعرض أصوله
لمزيد من التآكل وقد فشلت هذه السياسة لانه نجح لفترة من الوقت
في هذا و لكن سرعان ماعادت الامور الى طبيعتها و نعود الى خياره
الاخر و هو لجم كافة عمليات التداول خارج نطاق المركزي بحظر كافة
أنشطة التداول وهذا سيؤدي الى أرتفاع ملحوظ في قيمة الليرة و لكن
الاثر سيكون كارثيا على الاقتصاد اذا الحقيقة المطلقة هي انحفاض ثابت
و تتدريجي لليرة و الفضل يعود للسوق الموازية في كبح الارتفاعات
الكبيرة و ليس كما يظن البعض و هذه ليست دعوة لاللشراء أو البيع
انما توضيح وجهة نظر .

عابر مجيب

عالسريع قبل مانام
في حدا عم يحاول التضليل الله لا يسامحو ، الناس مو ناقصينك يا ....
المركزي إذا كان لسا فيه حيل يلعب، رح يلعب بعقول الجهلة ورح يغامر بفلوسهم ، اشاعة بس وبيركضوا المهابيل يبيعوا بيضروا حالهم قبل غيرهم ، وما في داعي يكون بالمركزي رأسمال . بدي شوف إذا طرح المركزي والناس اشتروا وما باعوا شو بيصير ؟ حياكل هوه المقلب هالمرة . بس الأنانية وانعدام روح الجماعة عم يخليه يبين شهبندر التجار وعلامة زمانو .
ممكن ينزل الدولار كم ليرة بس بيرجع بيطلع اللي ببيع بيخسر مصاري اللي بينتظر ما بيروح عليه غير طولة البال .
الله يسامح اللي باعوا آذو انفسهم .
سؤال غريب عن الصرافين ! يعني سكروا ليحافظوا على مخزونهم من الدولار ؟ ليش البيع غصب للزبون ؟!
بس يضطرب السوق الناس بيطيش حجرها وبيقل استيعابها لأبسط البديهيات . روقوا .

انس الحموي

اخ باسل اسمحلي الك غلطان كتير بنقطة خروجك وغلطان اكتر ومتوهم اذا مفكر تدخل بنقطة 96 -97 الله يسامحك ويهديك بس المفروض تكون حاسبها صح وشكلك هل المرة ما عرفت تحسبها والشي يلي عملته بيشبه المقامرة ويمكن تكون خسارتك فادحة كتير ... اول الشي انا متفق معك الدولار بيطلع وانو ردة بسيطة بالمقارنة بطلوعه وعلى هل الردة نحن المضاربين عما نشتغل ...بس الشي يلي عملتو بحالك اجرام ...على اي اساس بنيت ارتداده لنقطة 97 ؟؟ يا صاحبي اذا في ردة بتكون نقطة ارتداده على 102 - 103 هي اولا ...رح تسالني ليش لانو سعر صرف الدولار للصرافة تحول من 87 ليرة مقابل الدولار ل96 ليرة ومن البديهيات مابدو الواحد يقول الك انو اقل فرق بين دولار الصراف حوالات ودولار السوق السوداء بكون بين 5 الى 6 ليرات يعني ضيف 6 ليرات فرق بتكون نقطة مقاومته صارت 102 مو 96 يعني اذا الك امل تدخل رح تدخل بنقطة 102 - 103 وانت بايع على 104 يعني اذا بدك تشتري رح تشتري على 103 يعني رح تجني ربح ليرة وحدة وبعد مقامرة الله يصلحك ويهديك ويسلمها معك بس وفي حال ما ارتد السعر وواصل طلوعه ل110 شو بكون صار فيك ؟؟؟ بتكون خسرت على الاقل من راس مالك 6 بالمية ...ويلي بدي قوله للكل محد يستغرب انو الليرة السوري تخسر 20 ليرة خلال اسبوعين ويصير الدولار ب110 مقارنة باقتصاد الدولة الحليفة لسوريا ايران نحن ما عنا ربع ربع مقوماتها والدولار كان يساوي قبل فرض العقوبات الاقتصادية على ايران كان يساوي 10 الاف ريال وبعد بسنة قفز ل33 الف ريال وهلىء ب42 الف ريال انتو عما تستوعبوا الارقام يعني خسرت قميتها اكتر من 400 بالمية ومحد يقول لي الاقتصاد السوري اقوى من الاقتصاد الايراني ومن هل الشعارات الرنانة والفضفاضة بكفي بترول وغاز ايران يلي انتاجها من النفط بس ما بقل عن 3 مليون برميل بالاضافة لمواردها السياحية وطبيعة جمال اراضيها ونمو البشري فيها بالاضافة لمئات معامل التصنيع بخطوط عالية التقنية والدقة ...لك الا شوي رح تصير نووية ...ومع هيك شوفوا ادش خسرت من قيمة عملتها ...ومقارنة بايران لازم تكون قيمة عملتنا بعد سنتين من هل الحصار الاقتصادي وسنتين حرب طاحنه كل دولار يساوي 200 ليرة كاقل تقدير ....وكل شخص واهم انو بقرض من روسيا او ايران بقوي قيمة عملتنا بكون غلطان على العكس بزيد من ضعف الليرة ويلي بدو اشرح له هل النقطة بشرحها له بمداخله تانية ... ومتل ما قلت لكم الاقتصاد الايراني اكبر عبرة ودرس لازم نتعلمه نحن السوريين ...ودايما نصيحتي للكل اشتروا دولار والسهم طالع وبيعوا دولار والسهم نازل ...لانو نحن بحالة انهيار وفقدان مقومات الدولة بشكل تدريجي وجني ارباح قليلة مضمونة افضل من مقامرة ومغامرة تبكي عليها طول العمر ...هارد لك اخ باسل

sarab1618

كلام الأخ أنس اكثر من معقول ... مشكور ... وبحب أضيف رغم كل محبتنا لهالبلد بس بعد كل الاعيب المركزي صار عندي قناعة وثقة اكثر بعملة زيمبابوي ( وهنا أقصد أي عملة أخرى ) من الليرة السورية ... ونحن على كل حال اسماك صغيرة سنؤكل من الحيتان في السوق

الليرة السورية

اخي لما تحطو تحليلاتكن الصاروخية ما خدا عم يتهجم عليكن
خليكن رايقين الله يرضى عليك

انس الحموي

صحيح نسيت خبركم انو العقوبات الاقتصادية بدات على ايران تقريبا بنهاية 2010 وبدأت على الخفيف وبعدها تطورت لتشمل حظر استيراد النفط والغاز منها ومصادرة اصول شرائية ومالية لكتير شخصيات ايرانيه محسوبه على النظام وبعدها شملت عقوبات على البنوك الايرانية ومع انو روسيا جنبها وحليفه الها ماقدرت تنشلها من الانهيار الاقتصادي يلي عما يحصل فيها ...لك هي امريكا هي لما بدها تحطم دولة وتعمل لها ضربه او اجتياح بتعملها باقل الخسائر ..متل ما عملت بالعراق حصار عشر سنين بعدين كش ملك مات ...ونفس الشي بايران صارت متل البالون انفوخ عليها بطير واذا بعجته بدبوس بيفجر وبيتبخر وهلىء البالون طاير وايمتى مابدها امريكا بتبعجه ... الله يستر بس والله ما بحب احكي هل الحكي ولا نبه احد بس ضميري كتير بوجعني على كتير ناس طيبين وعلى نياتهم وبوجعني اكتر لما شخص منحبه بيوقع بغلط فادح ... والكم بعملة لبنان والعراق وايران عبرة ...فاعتبروا يا سوريين ولحقوا حالكم قبل ما يفوت الاوان ويصير الدولار فوق حاجز 110