انس الحموي

يعني اذا بكرى رجع اليورو امام الدولار 1.335 رح يرجع اليورو بالمركزي 106.32 تبقى قابلني اذا بيرجع اليورو ليرة وعشر قروش بالمركزي انا فهمان عليك بس عنا الشباب بالمركزي بزينو بمكيالين على كل حال فكرتك واضحة والكل بيعرفها يعني مابدها شرح بس يسلموا كتير على الشرح

انس الحموي

مقالة نشرت اليوم بصحيفة الوطن بقلم د.مظهر اليوسف بعنوان طباعة العملة وفوبيا التضخم
يتملكنا الخوف والقلق عند صدور تصريحات رسمية تتعلق بطباعة أوراق نقدية جديدة لاستبدال الأوراق التالفة أو شائعات حول طباعة أوراق نقدية من فئات جديدة.
في الحقيقة، خوف المواطن مبرر علميا، لأن هناك نظريات اقتصادية فسرت التضخم من خلال العلاقة بين الكتلة النقدية المتداولة ومستوى الأسعار، فكل زيادة في الكتلة النقدية المتداولة ستؤدي إلى ارتفاع في المستوى العام للأسعار والعكس صحيح.
لكن هذه النظريات غير صالحة للاقتصاد السوري في هذه المرحلة بالذات، لأن السوق اساسا يعاني من نقص السيولة وخاصة بعد توقف عشرات آلاف الفعاليات الاقتصادية عن العمل والإنتاج وبالتالي انخفاض الدخول بشكل عام، وتوقف القروض المصرفية تقريباً بكل أنواعها، وبالتالي أن إصدار أي نقد إضافي في هذه المرحلة سيكون لتغطية نقص السيولة الموجود في السوق ولن يؤدي لارتفاع الأسعار.
من ناحية أخرى، إن ارتفاع الأسعار في سورية خلال هذه الفترة يعود أساسا إلى الأزمة التي يمر بها القطر والتي أدت إلى انخفاض المعروض من السلع وزيادة الطلب على السلع من جهة أخرى وخاصة الغذائية منها، أيضاً التلاعبات التي تمت على سعر الصرف أدت إلى اشتعال أسعار السلع، ويضاف إلى كل ذلك وجود المستغلين والمتاجرين والمحتكرين الذين استغلوا كل الظروف لرفع الأسعار في ظل عدم تدخل حكومي فعال. وبالتالي الكتلة النقدية براء من ارتفاع الأسعار خلال هذه الفترة.
لكن الخوف دائماً من المتاجرين بلقمة المواطن والذين سيستغلون موضوع طباعة العملة لزعزعة ثقة المواطنين بالليرة السورية ومن ثم استخدامه مبررا إضافيا لرفع الأسعار الى مستويات أعلى، لذلك كنا نقترح دائماً أن يتم طباعة أوراق نقدية جديدة (و ليس فئات جديدة) بسرية تامة، ومن نفس الفئات الموجودة وبنفس المواصفات بحيث لا يمكن تمييزها عن الأوراق النقدية المتداولة.

بس انا لفت انتباهي حديثه عن نقص السيولة السورية في السوق وسؤالي وين تبخرت هل السيولة اذا 3 مليون سوري صاروا برى سوريا وخمسة مليون سوري ليرة وحدة ما بيجبتهم بسبب الفقر والوضع الاقتصادي و2 مليون سوري بدلوا كل مدخراتهم لدولار وربع مليون تاجر واصحاب حرة صاروا يسعروا بضايعهم عالدولار والبعض منهم صار برى البلد ...يعني المفروض السيولة تزيد بالسوق مو تنقص !!!!! ولا فوقها بكل عين وقحة عما يدعي لطباعة اوراق نقدية وبسرية تامة حتى ما يكون لها فعل سلبي على نفسية المواطنين ليش عاد في حدى بينظر لليرة السورية بنظرة ايجابية وتفائل !!!! ويامظهر عن اي سرية تامة بتحكي ليش عاد في شي اسمه سري للغاية ههههه ما السري للغاية قبل ما ينطبع او يكتب عما يكون عند كل الناس وبشكل ظاهر !!!

ملك

حلب

93.5
93.7

__________________

GOLDMAN

الشغله معروفة ما اختلفنا بس انت مو مقتنع فيها
وانا باكدلك المركزي ضايع ومو عرفان شو بدو
بس سعر اليورو 99 بالمية بيحسبوها على نسبتو مع الدولار بالبورصة
هيك انا بعرف

SyrianWolf

اقتباس:

المشاركة الأصلية كتبت بواسطة mhdbashar سؤال للمختصين ... معي شيك بالدولار والبنك يدعو ان المركزي لم يسلمه دولار منذ فترة وهو يعرض عليي يورو بالمقابل ... .ولكن كون اليورو صاعد في هذه الايام فانا ساتحمل خسارة في حال هبط اليورو بعد فترة ... هل تنصحوني ان آخذ ريال سعودي عوضا عن اليورو او اليورو افضل ولو غالي .. علما انني لا احتاج المبلغ الآن وسوف اتركه جانبا لبعض من الوقت ارجو منكم النصيحة و الشرح ان امكن

طيب كونو متل ماعم تقول إنت المبلغ مو بحاجتو هلأ. وبشان ماتفوت بدوامة التحويل يللي مو من مصلحتك لأنو ليكون بمعلومك بيحسبولك عمليتين تحويل مو وحدة (من دولار لسوري ومن سوري ليورو أو ريال أو...).
شو رأيك تفتح حساب بالبنك يللي عم تذكرو, وتودع فيه الشيك. ومعك معك بتسحب المبلغ على دفعات صغيرة وقت بيكون في عندهم دولار.

__________________

mhdbashar

شكرا أخي .. بس المصيبة هلق مافي دولار بعد فترة مارح يكون فيه يورو كمان .. غير هيك رح يكون فيه اجور ايداع 2بالالف وعند السحب 2 بالالف كمان وغيرو 25 دولار كل شهر نفقات حساب ... هاد إذا ضل الوضع على حالو وضلينا عايشين وصحلنا نسحبون ... والله انا بفضل إصرف الشيك ولو حتى ليرة لبناني