سعر صرف الدولار مقابل الليرة مع التحليل 13-1-2013

[abo-mhmad]

92----94

[abo-mhmad]

بكم الريال

[انس الحموي]

اقتباس: المشاركة الأصلية كتبت بواسطة aymtal    أنا بحماة من شوي ألي رفيقي أنو السعر بحماة عند صراف بمنطقة الحاضر هو 93.5 للمبيع و 92.5 للشراء و ما بتصور في أسعار بحماة برقم 95 . مع الشكر و التقدير

طيب بما انك ما سالت بنفسك وبما انو مصدرك رفيق وهل الرفيق ما ذكر لك اسم الصراف معناتو بكون سال الصراف قبل يومين ثلاثة مو اليوم ...وانا رح ربح الصراف وربح صديقك بنص ليرة ورح اشتري منك ب94 فيك تنزلي معك بكرى عشرة الاف دولار ووين مابدك مننلتقي وبالمكان يلي بريحك مع انو كل ساعة الدولار بسعر بس انا رضيان اشتري منك بكرى ب94 وشو ماكان المبلغ ولو ما عنا بالليل حظر تجول ولو قايل لي باي مكان انت كنت قابلتك واشتريت منك اليوم بس هلىء حتى شفت تعليقك ...بانتظار تحدد لي مكان نلتقي فيه بكرى منشان سلمك وتسلمني ومعلومة اخيرة اذا صراف رفيقك كان مخبره على السعر هيك بس منشان يشتري منه برخيص ولما بتطلب منه دولار بسعر 93.50 بقلك ما عندي ..واخيرا بما انك من منطقة الحاضر خطوف رجلك بكرى لعند الجاجة هو قريب كتير عليك قله بأدش اشتريتوا يوم الاحد وبأدش بعتوا ومتل ما قلت لك ناطرك بكرى تجيب لي عشرة الاف دولار واذا ما عندي هل الكمية بشتري منك يلي متوفر معك ولو خمسة الاف

[ذكرى انسان]

السلام عليكم


اسعار الحوالات ثابتة بشكل عام من السعودية

دير الزور 24 للريال الواحد (المركز الرئيسي)

باقي المناطق من 23.25 للريال الواحد حتى 24 للريال الواحد

(السعر هو سعر تجار)

.................................................. .

الغريب انو بعض الاحيان يثبت الصرف ولكن الدمار لايثبت بل يزداد


اللهم احمي أخواننا السوريين في كل مكان ووقت وحين


وأحقن دمهم ياأرحم الراحمين.

[انس الحموي]

اقتباس: المشاركة الأصلية كتبت بواسطة عابر مجيب    أنت بالشام ! أنا حد علمي انك بحماه ، قلت اذا حدا سلمك هونيك على سعر 150 ما بتوفي . مو قصدي الاستغراب من السعر قصدي مكان التسليم . ثم لو كنت بدك تحط رقم غلط كنت نقصت على حالك مو زودت . بس مع هادا اذا بتسأل ممكن تلاقي على سعر 93.50 وإذا الرقم كبير يمكن يراعوك بنص ليرة . بس لا تقرب على المرجة . أنا شخصيا عندي دفع قسط دراسي وعم صغر عقلي واستنى ليصير فوق 98 ، ليش هالرقم ؟ مابعرف ، المعهد أكابر وما حكوا ياخوفي يزنقوني ويكون يومها السعر للجكارة تحت التسعين

أخي انا بحماة مو بالشام بس عنا الاوضاع هادية اكتر من الشام نفسها وعنا حركة كبيرة بسبب الكثافة السكانية يلي صارت بحماة وبسبب هدوء الاوضاع حتى مكاتب التحويل الداخلية متل الهرم والاكس برس والقدموس عليها ازدحام شديد لانو صار عنا سكان من جميع المحافظات واذا كان بداخل حماة عايش مليون صار العدد هلىء فوق المليونين ,,,ولمعلوماتك كانت حماة دائما ارخص من حلب والشام بليرة بسعر المبيع والشراء اما حاليا يا بتلاقي بحماة نفس السعر يا بتلاقي اغلى بليرة عن حلب والشام وهل الشي بعود للطلب الكبير يلي حاصل بحماة ...وبحب طمنك اسبوع وبتلاقي السعر ب96 وفوق وحدود 98 رح يوصلها باقرب وقت اما عتبة تحت التسعين فما راح يصير حتى ترجع ستي وستك صبايا

[M-PMP]

مسا الخير للجميع .. فرداً فرداً ..
الله يبارك فيك ويعطيك العافية استاذ رامي الورد ع التحليل المحترف، شو بدنا احلى من هيك يا شباب.. صباحا اليوم سا 9.30 تماما اشتريت 5000 يورو من التجاري ع 115.35 وبعد ساعتين ونص ارتفع سعرو ليرتين للمبيع وصار ب 117.37 يعني بفهم أنو من هالارتفاع كان متوقع وبداية اسبوع رح يوصل اليورو فيه للرِكَب
عيشو بهالنعمة.. يللا شباب ظبطوا وضعكم وشغلو رداراتكم التلقائية والتقطوا نقاط الدعم عالطاير وخذوا مواقعكم في خط الهجوم واستعدو لاسبوع رقصة عملات وكمان طبعاً اكيد اكيد بتمنالكن بداية اسبوع عرض وطلبدافييييييييييييي.. بالتوفيق

[د. همكي]

اقتباس: المشاركة الأصلية كتبت بواسطة AYMTAL    أنا بحماة من شوي ألي رفيقي أنو السعر بحماة عند صراف بمنطقة الحاضر هو 93.5 للمبيع و 92.5 للشراء و ما بتصور في أسعار بحماة برقم 95 . مع الشكر و التقدير

طيب ليش الأخ أنس بكور عم يروج لسعر مرتفع حتى للمبالغ الكبيرة.....؟؟؟؟!!!!
شو رأيك أخ أنس

[عابر مجيب]

اقتباس: المشاركة الأصلية كتبت بواسطة انس بكور    حماة الان شراء 93.75 مبيع 95 السوق عنا مولع اليوم على ما يبدو اكتر من بقية المحافظات يلي من سكان حماة وعنده دولار وبدو يبيعوا مهما كانت الكمية انا بشتري منه ب93.50

انا ماكنت شايف هالمداخلة ، ما كانت موجوده ، الغريب انها نزلت بعد التانية يا أما نزلت وما خطر ببالي راجع الصفحات السابقة للخلف ، كنت عرفت انم كلامك موجه للحموية يا خيو .
على كل حصل خير ، ياسيدي طلع سرك باتع اسمالله الخبر قبل الحدث
أحيانا بيطلب شي هامور كبير مبلغ ، وبيبدأ تفشي الخبر شوي شوي ناس بتدرى قبل ناس بس بعد شوي بيصحح السعر ولما بتتوفر الكمية بيرجع ليرة أو نص ليرة .
ابتسم أنت في سوريا ، والله متل اللي راكب قلابة أو دويخة .

[انس الحموي]

اقتباس: المشاركة الأصلية كتبت بواسطة د. همكي    طيب ليش الأخ أنس بكور عم يروج لسعر مرتفع حتى للمبالغ الكبيرة.....؟؟؟؟!!!! شو رأيك أخ أنس

ما عما روج اخي طالب اشتري وبحسب سعر السوق عنا ,,عنا اليوم عما يشتروا ب93.75 وببيعوا ب95 وانا عارض اشتري من اي شخص على 94 وحقق منفعة متبادلة اله والي ...وبخصوص الاخ يلي قال انو من حماة ,,,, انا رديت عليه بس لسه ماظهر ردي بالمنتدى

[أنس الأشقر]

مساء الخير
انا اليوم اشتريت عل ٩٣.٢٥ بحلب
بس للأسف هاد مو سوق تجار هاد سوق ضباع شفت فرق بين صراف و الآخر اكتر من 95 قرش
الله يهد الدولار و يرفع الليرة السورية طبعآ الله لا يضر حدا
بس تنزل اسعار السلع